قصة حب

](الجزء الأول)
الغرفه بارده نوعا ما والكل نيام والجو يميل إلى الهدوء والسبب الأصوات والضجيج بالخارج الذي تسببه السيارات والحافلات ، أحلام الفتيات تدور كالحلقه الذهبيه فوق رأس كل واحده منهن ، أحلام ورديه تترجمها تعابير وجه كل فتاة وهي تغط في سبات عميق ، يقطع طريق سيرها صوت المنبه المزعج المنبعث من جوال كل واحدة ، الواحد تلو الآخر ، تستيقظ ساره بتثاقل فهي دائما المستيقظة الأولى من بين صديقاتها وذلك للمدة الطويلة
التي تأخذها عند تصفيف شعرها ولبس ملابسها وتزيين نفسها ووقوفها أما المرآة ، لأن ساره من النوع الذي يهتم بهندامه بدرجة كبيره وكما يقال بلغتنا أن هذه الفتاة (متعيشقه) ، ساره شخصية محبوبه من الجميع (مهضوووومه) وليس من الجنس الناعم فقط بل الخشن كذلك ، الكل يشهد بخفة دمها ومهارتها في الحوار والنقاش مع الغير، فاحترامها لمن حولها ولنفسها أولا وأسلوبها المميز ثانيا يجعل منها شخصا مميزا من بد الجميع في المحيط الذي تتواجد فيه ، وهي معروفه أنها القائد دائما لحنية قلبها وقدرتها على تولي زمام الأمور، ساره تدرس في قسم علم الاجتماع ، وهي حنطية البشرة جسمها ممتلئ قليلا (دبدوبه) تتميز بقامه طويله بعض الشيء طولها مناسب لوزنها شعرها أسود طويل يصل إلى مابعد أسفل ظهرها ..

تخرج ساره من الحمام لتوقظ بعدها أميره ، أميره تدرس مع ساره بنفس القسم ، فتاة بسيطة طيبة القلب هادئة لاتحب جلب المشاكل لأحد لذلك يرغب الجميع في التقرب منها ، تقاطيع وجهها ناعمه جدا (بيبي فيس) وهي لاتهتم كثيرا لما تهتم به الفتيات من ميك أب وإكسسوار ، بل تحب البساطة دائما وفي كل شئ ، أميره سمراء البشرة نوعا ما قامتها قصيره قليلا نحيفة الجسم أي أنها أصغر صديقاتها حجما ، شعرها قصير يسترسل حتى يصل لبداية أكتافها كستنائي اللون ..
يأتي بعدها دور ريم أو ريوووومه كما يناديها المقربون منها ، ريم شخصيه عصبيه لاترضى بأن يستفزها أحد ومعروفه بأن (اللي يرشها بالماء ترشه بالنار) لسانها يسبقها دائما لكن وراء هذه الشخصية الحادة يوجد قلب طيب ينتظر من يلتفت إليه و يحس بوجوده ، وريم بعكس صديقاتها ساره وأميره اللتان تدرسا علم الاجتماع فهي تدرس علم النفس ، هي بيضاء البشرة تجمع مابين نحافة أميره وطول ساره ، ولكنها تفوق ساره بالطول قليلا ، وكذلك مابين طول شعر أميره ولون شعر ساره ..

ساره وأميره وريم ثلاث صديقات تختلف كل واحدة عن الاخرى في شخصيتها وشكلها واهتماماتها وكذلك ظروفها ، ولكنهن يجتمعن في ثلاثة أشياء : الأولى أنهن صديقات من أيام الثاناوية ، والثانية أنهن جميعا أتو من المنطقة الشرقية وتحديدا الدمام ليدرسن في جامعة الملك سعود بالرياض ، والثالثة محبتهن واحترامهن لبعضهن البعض ........

تنتهي الفتيات الثلاث من تجهيز أنفسهن وتناول فطورهن الذي تعده أميره كالمعتاد فهي (ست بيت) كما تقول لها صديقتيها ، يلبسن العبي للذهاب للجامعة ، ولكن قبل نزولهن عليهن انتظار أمر الاستعداد على جوال ساره من نوره ابنة عمها عن طريق (المس كول) المنتظر منها كالعادة وفي كل صباح ، أما أمر الانطلاق فدائما ماتصدره ساره بعد ذلك للنزول للسائق والركوب بالسيارة (نوره ابنة عم ساره كما أسلفت وهي فتاة تبلغ من العمر 26سنة تسكن مع أخيها وزوجته وأولادهم الثلاثة ، وقد انتقلت للرياض نظرا لعملها في مستشفى بالرياض) ، تصل الصديقات الثلاث الى الجامعة ، وكالمعتاد يبدأ الصباح بالسلام على الزميلات والصديقات بالجامعة وبالحديث و(الحش) في بعضهن البعض حتى يأتي موعد المحاضرة الأولى ، اتفقت ساره واميره مع صديقتهن ريم على الالتقاء بعد المحاضرة بالكافاتيرية ، وفعلا انتهت المحاضرة التي دامت لمدة ساعتين من الملل و الطفش الغير محتمل ، والتقت الصديقات بالمكان المتفق عليه وجلسن يتحدثن ويمارسون طقوسهم اليوميه (بالحش) والضحك والتعليق على (الرايح والجاي) .......
ريم / هااااا بشرو وش أخبار محاضرتكم اليوم..
ساره / أنا دخلت المحاضرة من هنا وانخمدت من هنا..
ريم / يالخبله والمشرفه اللي عندكم..
ساره / اهي خلها تستوعب انها على كوكب الأرض بعدين تنتبه للبنات ، لو تشوفين ياريووووم اللي تكلم بالجوال ، واللي حاطه الراديو وتسمع أغاني ، واللي تسولف مع زميلتها وتضحك ، ومحسوبتكم ساره اللي هي أنا طول المحاضرة ضرب شخير ولا داريا بالدنيا ، والدكتور مسكين بس يتكلم ويتكلم ولاسكت ، والله لو يدري بالحاله اللي فيها البنات بالمدرج كان صار علينا هولاكو وذبحنا وذبح المشرفة معنا..
أميره / أقولك فشلتنا طول الوقت واهي تدندن حضرتها والكل يلتفت عليها ، اللي يطالعها

بنظرات واللي بيموت على شكلها من الضحك ، والآنسه يوم ملت نامت وخلتني بروحي..
ساره / وأنتي ريوووومه وش أخبارك مع محاضرتك..
ريم / اسكتي بس راسي بينفجر من هذرة الدكتورة ، تصدقين طول المحاضره وأنا عباره عن كتلة من التناحه ، ما أدري وش اللي تقوله العجوز هذيك ، وما دريت أن المحاضرة انتهت الا يوم دزتني سمر اللي بجنبي بيدها..
ساره / إلا وش رايكم الليله نروح للسوق مع نوره ، نغير جو ومنها نشتري كم شي..
ريم / ياليت ياساره ، أنا بمووت من الروتين اليومي اللي نعيشه ، زهق..
أميره / يابنات تشوفون اللي أشوفه..
ساره وريم / وش تشوفين..
أميره تنزل راسها شوي / وراكم وراكم..
تلتفت ريم وساره لورا ... ساره / سبحان مغير الأحوال من حال إلى حال..
ريم / ألحين مو توهم متهاوشين هذاك السبوع..
ساره / ياحبيبتي الدنيا هذي الأيام مصالح وبس..
ريم / غريبه..
أميره وساره / وش اللي غريبه..
ريم / بدريه جالسه بروحها ، ومنى مع جماعه ثانيه وكأنها مخاصمتها..
أميره / محد يوفي لخويه هذي الايام ، قليل اللي يطبق هذا الشي..
ساره / اييييي والله يا أميره ، عز الخوي صعب ينوجد في ذا الزمن ....
(تسكت شوي وبعدين تقول) يابنات في شي بيصير بالدنيا اليوم..
ريم وأميره / ليش..
ساره / العنود تمشي مع هيفا القطيفيه وتضحك وتسولف معها ، ولا كأنها من أكثر الناس اللي يحقدون على أهل مذهبها..
أميره / سبحان الله يمكن الله هداهم وعرفو ان العداوه بينهم مالها داعي..

وبكذا استمر الحش في خلق الله والهمز واللمز على بنت فلان وعلان ، هذي وش لابسه ، وهذي شعرها كاش ، وهذي الميك أب حقها مشينها مو مزينها ، وهذي وجها كأنه لوحه من كثر الصبغ اللي فيه ، وهذي تنورتها من ذا المحل ، وهذي قميصها من ذي الماركه ، وفلانه طالعه ريحتها اليوم ، وفلانه عطرها حلو ، ويارب تنقلب فلانه على وجهها ، وضحك مسخره ومن ذا الكلام الفاضي ، بس الهمز واللمز اختفى وانقلب لتهريب وتصريف يوم جت النسره نوفوه على قولتهم (نوف وحده من بنات الرياض اللي معجبه بالشله الثلاثيه أو الثلاثي المرح ، و العكس على مايقولون صحيح ، وهو أن ساره وريم وأميره مايطيقون نوف باستثناء ريم ، لأنها وبدون مكابره تميل لها شوي ، المهم أنهم يحاولون دايم التهرب منها واهي تتليزق فيهم ، والسبب أنها مميزة وحايزه بجدارة مع مرتبة الشرف على لقب البنت اللي مو أوكي ، أو البنت سيئة السمعه ، وطبعا هذا شي معروف عنها بين كل بنات الجامعه ، و مثل مايقولون (الكتاب مبين من عنوانو) يعني جلستها طول الوقت وهي ماسكه الجوال وتكلم حتى بوسط المحاضرات ، وحركاتها (الماصخه) وحتى طريقة كلامها وضحكها بالجوال ، كلها تدل على شي واحد وهي انها بنت منحرفه ، وبيني وبينكم لو تفتشون بجوالها تحصلون كميه لايستهان بها من أرقام التماسيح المميز منها والغير مميز ومن مختلف المناطق ، يعني المدام نشاطها موضمن نطاق الرياض وبس ، لا وصل للمناطق الثانية بالمملكة......
نوف / هاااااااي جيرلز..
ساره وهي تلف وجهها عنها / وعليكم السلام والرحمه..
نوف / كيفكم صبايا..
ريم / بخير ياحرمه..
نوف وهي تجلس معهم / أخبار محاضراتكم طيب..
أميره / كالعاده ملل وطفش..

وجلست نوف تقط على مسامع الثلاثي المرح كتل من سوالفها الفاضيه والممله ، لين حدث مالم يكن متوقع ، زل لسان ريم وجابت طاري روحة السوق الليله ، وطبعا النسره نوف ماصدقت على الله ، على طول وبدون أي مقدمات عزمت نفسها على الطلعه معهم ، وهذا الشي مو مرغووب فيه عند الثلاثي ، وخاصة ساره اللي هي دايم حريصه حتى في الجامعه وبرا الجامعه ان محد يتكلم عليهم بسؤ ، وخاصة لما تكون نوف معم ، فكيف اذا راحت السوق مع وحده مثلها..
وفي الشقه أول ماوصلوا بدت ساره بلوم ريم .....

طالعه ريحتها اليوم ، وفلانه عطرها حلو ، ويارب تنقلب فلانه على وجهها ، وضحك مسخره ومن ذا الكلام الفاضي ، بس الهمز واللمز اختفى وانقلب لتهريب وتصريف يوم جت النسره نوفوه على قولتهم (نوف وحده من بنات الرياض اللي معجبه بالشله الثلاثيه أو الثلاثي المرح ، و العكس على مايقولون صحيح ، وهو أن ساره وريم وأميره مايطيقون نوف باستثناء ريم ، لأنها وبدون مكابره تميل لها شوي ، المهم أنهم يحاولون دايم التهرب منها واهي تتليزق فيهم ، والسبب أنها مميزة وحايزه بجدارة مع مرتبة الشرف على لقب البنت اللي مو أوكي ، أو البنت سيئة السمعه ، وطبعا هذا شي معروف عنها بين كل بنات الجامعه ، و مثل مايقولون (الكتاب مبين من عنوانو) يعني جلستها طول الوقت وهي ماسكه الجوال وتكلم حتى بوسط المحاضرات ، وحركاتها (الماصخه) وحتى طريقة كلامها وضحكها بالجوال ، كلها تدل على شي واحد وهي انها بنت منحرفه ، وبيني وبينكم لو تفتشون بجوالها تحصلون كميه لايستهان بها من أرقام التماسيح المميز منها والغير مميز ومن مختلف المناطق ، يعني المدام نشاطها موضمن نطاق الرياض وبس ، لا وصل للمناطق الثانية بالمملكة......
نوف / هاااااااي جيرلز..
ساره وهي تلف وجهها عنها / وعليكم السلام والرحمه..
نوف / كيفكم صبايا..
ريم / بخير ياحرمه..
نوف وهي تجلس معهم / أخبار محاضراتكم طيب..
أميره / كالعاده ملل وطفش..

وجلست نوف تقط على مسامع الثلاثي المرح كتل من سوالفها الفاضيه والممله ، لين حدث مالم يكن متوقع ، زل لسان ريم وجابت طاري روحة السوق الليله ، وطبعا النسره نوف ماصدقت على الله ، على طول وبدون أي مقدمات عزمت نفسها على الطلعه معهم ، وهذا الشي مو مرغووب فيه عند الثلاثي ، وخاصة ساره اللي هي دايم حريصه حتى في الجامعه وبرا الجامعه ان محد يتكلم عليهم بسؤ ، وخاصة لما تكون نوف معم ، فكيف اذا راحت السوق مع وحده مثلها..
وفي الشقه أول ماوصلوا بدت ساره بلوم ريم .....

ساره / ريموووووه انتي تدرين وش البلى اللي ورطتينا فيه..
ريم / أعوذ بالله ، بلى مره وحده ، أي بلى..
ساره / ليش في غيره ، روحة نوف معنا للسوق ، انتي تشوفينه عادي..
ريم / اكيد لا..
أميره / ياجماعه خلاص البنت عزمت نفسها ، عاد مانقدر نقولها مانبيك..
ساره / من قالك ، انا بكلمها وبقولها كل شي..
ريم تضحك بقوه / هههههههههاي..
ساره / انتي تدرين انها بتجيب لنا الشبهة بالسوق ، وبعدين تعالي انتي ليش تضحكين حضرتك..
أميره / أنا بقولك ، تضحك عليك لأنك قلتي بتكلمي نوف وتقولي لها مانبيك..
ساره / وهذا شي يضحك يعني ، ليش تفتكروني أمزح..
أميره / معقوله ساره تجرح حد بالشكل ذا ، لا لا لا مستحيل تسوينها أنا اعرفك ماراح تسوين شي من اللي تقولينه ، لأن قلبك أساسا مايطاوعك انك تجرحي حد ، عاد مثل نوف والا غيرها..
ريم / وتلوميني في حبها ياأميره ، ياناس أحبها..
ساره ترمي الوساده اللي بجنبها على ريم اللي دخلت الغرفه بسرعه وهي تضحك..

******************
ويجي الليل والكل يستعد لروحة السوق ، والنسره نوف مالها خبر......
ساره واقفه على الفراش / يامعشر السحالي ، أميره آند ريوووومه ، موعد الإنطلاق للرحله سوف يتم بعد ربع ساعه من الآن والمدعوه نوف مادقت ولاجت (ترفع كفوفها فوق) قولو وراي : يالله يارب العالمين ، يا أرحم الراحمين ، إرحم عبداتك الضعيفات ريم وأميره وساره من مصيبة ستحل بهن ان جت المدعوه نوف ورافقتهم للسوق ، يارب العالمين أنت ادرى بحال عبادك ، فارحمنا وارسل على نوف حالة اسهال عظيمه لم يحدث لها مثيل في العالم كله ، حتى تنرز بغرفتها وببيتهم وتستر على نفسها وعلينا ، وبلى سوق وبلا خرابيط ، قولو معي آآآآآآآآآآآآآآآمين..
أميره تضحك / حرام عليك ياسويره ، بس يلا علشانك ، آآآآآمين..

ريم / آآآآآآآمين..
وتمر الربع ساعه ، وماجاهم اتصال من نوف ، أو هي بكبرها ماجت ، وتدق نوره على ساره وتقولها تنزل لأنها وصلت وهي تنتظرهم تحت ، وهم بيطلعون....
ساره وهي تفتح الباب / ياجماعه الظاهر ان الله استجاب دعوتي هههههه..
وتفتح ساره الباب ، وتلاقي عين السيح نوف واقفه على الباب وهي تنافخ ، كانت لابسه فستان سهره ، أقصد عبايه طبعا ، وحاطه لها مكياج كامل ، وريحة العطر واصله للدمام ، يعني اللي يشوفها يقول بتروح عرس مو سوق ......
ساره وهي تلتفت لخوياتها / خير يانوف وش عندك ، تأخرتي علينا
نوف / هااااااااااه ، اييييييييه ، أنا كنت أكلم زميلتي بالجامعة ، ومشى الوقت ونسيت انكم وعدتوني أروح معكم ، ويادوب لبست وخلصت وهذاني جيت..
ساره (بنفسها) / وعدناك وإلا انتي قطيتي نفسك..
أميره / حلو أنك جيتي ألحين ، لأن شفناك مادقيتي ولاجيتي فقلنا بنمشي..
نوف / لااااا ، وش تمشون..
ريم / يابنات نوره تنتظرنا تحت ، يلا ننزل علشان مانطول عليها..
نوف / يلا..
وتمشي نوف مع ريم ، وتهمس ساره لأميره / شوفيها وشلون جريئه راحت كأنها هي اللي بتودينا ، ما كأنها هي اللي قاطه وجهها علينا ، لا ووش تقول كنت أكلم زميلتي بالجامعه (وتقلد على طريقة كلام نوف) قصدها تكلم تمساح من تماسيحها..
أميره تمسك ساره وتمشيها معها / خلاص ياساره ، انشالله يعدي الموضوع على خير، بس انتي لاتحرقي اعصابك ، ويلا ترانا تأخرنا على نوره..
ينزل الجميع يتقدمهم القائد ساره ، تفتح باب السياره ، وتدخل هي الأولى .......
نوره / هاااااااا ياسوير، أخيرا جيتي ، كذا تسفطيني ساعه بالسياره ، هذا وأنا داقه عليك..
ساره / نوره معليش ، بس بغيت أقلك ترى معنا ضيف حنا..
تهدأ نبرة صوت نوره / ضيف ، مين الضيف..
ساره / أعرفك على نوف زميلتنا بالجامعه ، درت ان حنا بنروح للسوق وقالت بتجي معنا..
نوره / هلا والله نوف ، كيفك ؟
نوف / أنا بخير ، أنتي وش أخبارك..

*****************
ويبتدي مشوار السوق ، وتبتدي قرقرة نوف الفاضية ، طبعا الكل ساكت بالسياره الا هي ، ومن سالفه لسالفه ، وياليت سوالفها مثل خلق الله ، والله أنا رحت ، والله أنا جيت ، والله جابوا لي ، والله اشتريت ، والله أخذت ، والله أمي ، والله أبوي ، والله أختي ، والله خدامتنا ، وماظل حد من عايلتهم إلا و تكلمت عنه ، بس بقى تجيب لنا أسماء قبيلتهم كلها ، وطبعا طول الطريق جوالها يدق ويدق ويدق ، والمتصل الله أعلم ، هو أكيد واحد من الشباب اللي تكلمهم ، بس كم رقمه أو وش ترتيبه ما ندري ، وهي ياتسويه سايلنت ، أو أنها تعطي المتصل بزي ، وكذا لين وصلنا للسوق ، واول مانزلنا عيون خلق الله كلها علينا ، وهذا شي طبيعي ، يشوفون بنات بروحهم بالسوق ومامعهن محرم ، طبيعي بيشدوا الإنتباه لهن ، ساره أول مانزلو من السياره لاحظت أن نوف ابتعدت عنهن شوي ، لأنها كانت قاعده تكلم بالجوال ، طبعا ساره عرفت ان اللي تكلمه الحين هو نفسه اللي كان يدق عليها بالسياره ، علشان كذا راحت لها ..
ساره / هاااااا نوف ، تكلمين مين ، يلا أمشي علشان محد يحط عينه عليك من الشباب لما يشوفك بروحك..
نوف تبهذلت وهي تكلم اللي على الجوال / شوفي خلووود بعدين بكلمك ، يلا باي ، معلش ساره هذي خويتي خلود توصيني على أشياء أجيبها لها من السوق..
ساره / طيب يلا مشينا ، (تقول بنفسها : خويتك خلوود والا خويك خالد ، علينا هالحركات)..

دخلو البنات للسوق ، وأول ماحطوا رجلهم فيه بدت المعاكسات تجيهم من كل جهة ، واللي ساعد على تفاعل المعاكسات وولادة معاكسات أخرى
نوف وحركاتها وصوت ضحكها وسوالفها مع ريم اللي تلفت عيون الشباب عليهن .......
ساره تاخذ ريم على جنب / اثقلي عاد ولا تمشين ورا هالمهبوله ذي..
ريم / طيب طيب ، وش أسوي إذا ولاوحده فيكم راضيه تمشي معها ، أتركها يعني..
ساره / لا أمشي وتمايعي معها على الشباب مثل ماتسوي ، خلك بجنبنا على طول تفهمين..
وترجع ريم وتمشي مع نوف ، وساره تروح مع أميره ونوره ......
نوف / وش تبي ساره منك..
ريم / ماتبي شي ، بس تقلي لاتحاولين تلفتي انتباه الشباب وتخلي عيونهم عليك..
نوف / وييييييييي معليك منها ، ريم ريم..
ريم / نعم ، وش فيك انهبلتي كذا..
نوف / إلا انتي اللي بتنهبلين لما تشوفي اللي أشوفه..
ريم / خير، وش أشوف..
نوف / طالعي الولد اللي يمشي بجنبنا..
ريم / شفته وشفيه ، يبي يرقم أكيد..
نوف / وش رايك فيه..
ريم / والله الولد مزيوون مره وكشخه بعد ، بس ليش تسألي..
نوف / أنا أقولك ليش ، افتحي بلوتوثك..
ريم / ما أبي..
نوف / أقولك افتحيه ولاتصيري معقده ، في ناس ينتظرونك تفتحيه على أحر من الجمر..
ريم طبعا ماعجبها كلام نوف ، مع أنها مافهمت وش قصدها ، وأول مافتحت بلوتوثها جتها رسالة من (مجنونها) على هيئة txt ومكتوب فيها (أخيرا فتحتي بلوتوثك ، معك خالد وهذا رقم جوالي -----)..
نوف / ياعيني ياعيني ، الولد طلع ينتظرك ، ماقلتلك في ناس ينتظرونك..
ريم / نوف ترى أنا مو فاهمه عليك..
نوف / طيب طيب ، انا بقولك الصراحه ، الولد هذا اللي هناك يطلع ولد خالتي ، كنت دايم أكلمه عنك ، والولد حبك وأعجب فيك وناوي يتعرف عليك..
ريم / انتي أكيد انجنيتي ، معقوله تبيني أكلم واحد غريب وما أعرفه ، وحتى لو كنتي أنتي تعرفينه ويقرب لك ، مو ظروري أنا اكلمه..
نوف / انتي وبعدين معك ، لاتصيري متحجره كذا عاد ، استقبلي استقبلي جتك رساله من (المشاكس)..

طبعا خالد مو ولد خالتها ولا شي ، وما كان يحبها ولاهم يحزنون ، حتى إعجابه فيها كذبه ، لأنه أساسا أول مره يعرفها ، خالد هذا الظاهر انه واحد من تماسيح نوف ، ملو من بعض وقرروا التجديد بالعلاقه ، ونوف طبعا اختارت ريم بالذات لسببين ، أولهم أنها معجبه بالشله الثلاثيه مرره ، وريم طرف من هالشله ، وهذا شي بيقربها منهن ، وثاني سبب أن ريم هي الوحيده اللي تحس أنها تميل لها شوي ، بعكس أميره وساره اللي تحس بنظارتها وطريقة كلامها لها أنها ماتعجبها....

وبكذا مر وقت نوف وريم بالسوق بين تراسل البلوتوثات ، واستقبال الجمل اللي تجيهم من الشباب ، مثل عطنا وجه يالحلو، وياقلبي عليك ، ويسلملي هالطول ، وأموت أنا بهالضحكه ن وغيرها من الجمل والمعاكسات البريئة والغير بريئة ، ومن بين كل البلوتوثات اللي تجي ريم ، كانت تنتظر بلوتوث يجيها من (مجنونها) اللي هو خالد ، بس ليش مهتمه فيه ماتدري ، يمكن لانه معجب فيها مثل ماقالت لها النسره نوف ، وفجأة وهي تنتظر جاها الفرج ، جاها بلوتوث من خالد ، طبعا هي ماصدقت على طول استقبلته ، ويوم وصل لها كان المسج صوره مكتوب عليها (لوكان قلبي يكفي الكون كله ماظنتي يسكن به اليوم إلا أنت) ، ريم حست بوناسه كأن أول مره شاب يرسل لها بلوتوث .......
نوف / ريم وشفيك ساكتة ، هاااااه بشري وش وصلك..
ريم / صور عاديه ، ومقاطع صوت ، وشوية أرقام مميزة هههههه..
نوف / متأكده بس كذا..
ريم / إيه أكيد ، ليش وش متوقعه..
نوف / يعني خالد ما أرسل شي..
ريم مستحيه / إلا أرسل..
نوف / وأنا اقول البنت وشفيها ساكته ، أثاري السالفه فيها ولد الخاله..
ريم / نوف أنتي فهمتيني غلط ، وإذا كنتي مفتكره أني ممكن أتجرأ وأكلم شاب ما أعرفه أنتي غلطانه..
نوف / أنا بنتظر وأشوف ياحلوه وش بتسوين..

وبنهاية كلامهم وصل لريم بلوتوث من خالد ، ويوم فتحته طلع txt مكتوب فيه (لو دريت بحالتي مالمتني أحتضن طيفك بقلبن مانساك ، لو لمست الوصل فيني وزرتني أزهرت أوراق حبي في خطاك ، لو نظرت بعين قلبك شفتني مامعي مخلوق يستاهل غلاك....ريم تسمحيلي أقولك حبيبتي أنا سمعت عنك كثير وألحين قاعد اشوفك وأتمنى من كل قلبي اني أسمع صوتك ، تكفين لاتبخلين علي بصوتك .... أحبك) ، طبعا ريم أول ماقرت المسج راحت بعالم ثاني غير

العالم اللي هي فيه ، يعني العقرب نوفو والتمساح خويها خالد قدروا تقريبا يخلو البنت تصدقهم ، لأن وحده مثل ريم يمكن بسبب الظروف اللي تعيشها تخليها ممكن تفكر في شي مثل كذا ، أبوها متوفي من يوم كان عمرها سنتين ، يعني ماعاشت معه ولاحست بحنان الأبو منه ، وغير كذا ، هي عايشه ببيت جدها، مع جدتها وجدها وأمها ، وأمها للأسف بدل ماتكون لبنتها مكان الأم والأبو وتعطيها من حنانها، مشغوله عن بنتها بدوامها، والشباب اللي تكلمهم وتطلع معهم ، وهذا شي محد يدري فيه إلا ريم ، بس كاتمه بداخلها ، يعني البنت فاقده حنان الأم والأبو سوا ، وأي حد يقدر يضحك عليها بالكلام ، والهانم نوف وخالد الظاهر انهم عرفوا يختاروا البنت المناسبة للعبتهم ....

المهم خلصوا الجماعه من السوق وطلعوا بالسيارة ، وطول الطريق ونوره تطالع ساره بنظرات مليانه عتاب ، وساره بداخلها شحنة من القهر ودها تفرغها بريم على اللي صار بالسوق ، وأول مانزلت العوبه نوف ، انفجرت نوره بساره ........
نوره / سويره وش البنت ذي اللي تماشونها ، شوفي إذا أشوفها طالعه معكم لسوق والا غيره ماتلومين إلا نفسك ، أنا بصراحه ماارتحت لها ، وبعدين باين عليها أنها مو اوكي..
ساره / طيب طيب خلص ، أنا اللي فيني يكفيني لأني بموت من القهر في بعض الناس (وتطالع ريم)..
أميره / ياجماعه خلاص ، أهم شي أن الليله عدت على خير..

ريم كانت ساكتة طول الطريق لأنها تدري ان مو من صالحها تتكلم بشي وخاصة انها منحرجه من نوره ، ويوم وصلو الشقه .....

ساره / شوفي ياريم ، تغلطين وتخلين العقرب هذيك تروح معنا للسوق أوكي ماقلت شي ، تمشين معها بالسوق بعد ماقلت شي ومشيتها ، بس انك تتمادين معها قدام الرايح والجاي وضحككم واصل لين آخر السوق ، هذا عيب عليك ، انتي خليتيني انحرج من نوره..
ريم تنرفزت / شوفي حبيبتي ، أنا سكت وصبرت عليك بس لأنك خويتي ، أما انك تقعدين تتحكمين فيني لا يقلبي ، أنتي تعرفيني زين..
ساره (حاطه يدها على كتف ريم) / ريومه حبيبتي ، أنا البنت هذيك ماتهمني ، بس أنتي وأميره أعز خوياتي ، أنتو هنا مثل أهلي ، وماارضى أي حد يتكلم عليكم بالشين ، تفهميني ياريم..
أميره / ريم ، ساره تحبك وماقصدها أي شي من الكلام اللي تقوله لك ، ولاجا في بالها أنها تتحكم فيك ، هي بس خايفه عليك من النسره هذيك ، لأننا كلنا لاحظنا أنها أثرت عليك..
ريم / طيب أنا آسفه ، بس أنتي تعرفيني مااحب حد يفرض شي علي ، وأنا بجد غلطت باللي سويته في السوق..
ساره / يلا مدام كذا ، أعتبري الكلام اللي قلته لك عتاب المحبين على مايقولون..
أميره / وااااااااو ، يلا بهالمناسبه الحلوة بطلب لكم عشا على حسابي..
ريم / هييييييي يالخبله أي مناسبه ، ماصار إلا الخير..
ساره / بس ياريم ، أنتي وشفيك ، حد تجيه النعمة ويرفسها، يازين العشا المجاني ، اطلبي أمور، أطلبي ولا عليك..
طلبت أميره لهم العشا من مطعمهم المفضل (بيتزا هت) ، تعشن وضحكن ويوم جا آخر اللليل كل وحده راحت لفراشها، والمساكين من التعب ودورة السوق نامن إلا ريم ، قبل ماتنام تذكرت أن عندها بلوتوثات بجوالها لسه ماسوت لهم سيف ، أخذت جوالها وفتحت آخر بلوتوث وصلها من خالد ، جلست تقراه تقريبا عشر دقايق وكل ماخلصت منه عادته ، ويوم شبعت البنت من قرايته سوت له ديليت ، أما البلوتوث اللي فيه رقمه على طول وبدون تفكير وكأنها مقرره من قبل أنها تخليه عندها، سوت له سيف .......

***********************
وبالجامعه كانت ريم جالسه مع بعض زميلاتها ، لأن ساره وأميره داخل المحاضرة ، جت لها السحليه نوف .......
نوف / هاااااي ريومه ، كيفك ؟
ريم / بخير..
نوف (تغمز بعينها) / وش أخبارك بعد ليلة البارح ، بشري وش صار..
ريم / تكلمي بوضوح ممكن..
نوف / كلمتي خالد..
ريم / ايه ، ليش ماقالك..
نوف / والله كلمتيه ، (تقول بنفسها : مامداك)..
ريم (تضحك) / لاطبعا ماكلمته..
نوف / ولييييييش..
ريم / أنتي مصدقه من عقلك اني بكلمه ، ياحبيبتي أنا قلتلك مستحيل أسوي شي مثل كذا ، أساسا ماعندي الجرأه علشان أكلم شاب..
نوف / انتي وبعدين معك لاتصيري معقده كذا ، ياريم انتي عمرك جربتي تحبي..
ريم / ألحين وجهي هذا وجه حب ، لاطبعا ماعمري حبيت..
نوف / ياريم ترى الحب شي ثاني والمحبوب بعد ، انتي لما تكلمي خالد راح تحسين بحنانه وحبه لك ، صدقيني ترى مافي أحلى من الحب بينسيك كل همومك..
ريم / نوف ، ساره وأميره جو عن إذنك انا بروح..
نوف حست أن ريم عجبها كلامها شوي ، مع انها مانطقت بكلمه وعلى طول دقت على خالد..
نوف / ألوووو ، هلا والله هلا وغلا ، خالد الظاهر ان اللي تبيه قريب راح يوصلك..
خالد / والله ، الله يسمع منك ، أنا بصراحه مليت وودي أتعرف عليها..
نوف / وشفيك مستعجل كذا ، بشويش عليك..
خالد / هههههاي ، أنتي اللي وشفيك ، كأنك منقهره لأن البنت عجبتني..
نوف / لامنقهره ولاشي ، أساسا أنا اللي أخترتها لك مو أنت..
خالد / طيب لاتكثري بالهرج ، حاولي أنك تأثري عليها بأقرب وقت أوك ، وألحين معلش أستأذنك..
نوف / لاعادي ، بااااااي..

***********************
وينتهي دوام الجامعه ، ويرجع مثلث برمودا لشقتهم ، وبالليل تقرر كل زاويه من زوايا المثلث أنها تكلم أهلها ، أميره دقت على بيتهم وكلمت أختها وأمها ، ساره دقت على بيتهم وكلمت أبوها وأمها وأختها الصغيره(غلا) ، ريم كالعاده دقت على جوال أمها ماردت ، ودقت على بيتهم رد عليها جدها وسألته عن أمها وقالها أنها طالعه وهذا الشي ضايقها بالحيل وكانت شوي وتدمع عينها ، بس ماحبت تبين لخوياتها ، وبآخر الليل ريم ماقدرت تنام فراحت للصاله وجلست عند التلفزيون ، وهي جالسه مرت في بالها صورة أبوها وحنت له ، وتمنت لو هو عايش ، وتذكرت أمها وعدم سؤالها وإهتمامها فيها مع أنها (وحيدتها) وماعندها غيرها ، وتذكرت أنها ماعمرها حست بحنانها وانها دايم مشغوله عنها، وتصرفاتها اللي تخجل منها لو حد درى عنها ، طبعا ريم ماتحملت وقامت تبكي ، وبوسط دوامة البكا اللي هي فيها، وسوس لها الشيطان وتذكرت سكرتيرة الشيطان نوف ، وكلامها عن الحب والحنان اللي بتلاقيه من حبيبها ، فأخذت جوالها وعطت خالد رنه وعلى طول قفلت ، طبعا خالد ماصدق عينه ، رقم ريم طالع عنده ، أساسا ماتوقع أنها تدق ، وعلى طول قام دق عليها ، في البدايه ماردت بس يوم شافت إصرار خالد على أنها ترد عليه ردت وهي ساكته .......
خالد / ألوووو..
ريم / ........
خالد / ألووووووو ، ريم ردي علي..
ريم / هلا..
خالد / هلا والله بهالصوت ، أخيرا حنيتي علي وسمعتيني صوتك ، ليش ساكته حبيبتي..
ريم (تقاطعه) / لو سمحت ياخالد ناديني بإسمي..
خالد (يتنهد) / ياحلو إسمي وانتي تنطقينه ، تصدقين أول مره أدري أن اسمي حلو بهذا الشكل ، بعدين أنتي تامري ياست ريم ماراح أناديك إلا بريم ، إرتحتي..
ريم (مستحيه) / كذا أحسن..
ومرت الليله كلها وريم وخالد مع بعض ، كلمته عن نفسها وهو بعد كلمها عن نفسه ، طبعا كل واحد كان يكذب على الثاني بأشياء والأمر مايخلا..

(الجزء الثاني)
وصل الإسبوع لنهايته ، وجا يوم الربوع، وهو اليوم اللي ينزلون فيه للدمام ، كان الكل مبسوط أنهم بيرجعون لأهلهم ، لأن مر عليهم إسبوعين وهم بالرياض ، ريم كانت متضايقه لأنها بتمل إذا راحت بيتهم ، خوياتها حسوا بهذا الشي علشان كذا وعدوها انهم بيجونها بالبيت يوم الخميس .....
ويوم وصلوا للدمام ........
أميره دخلت بيتهم واستقبلتها أختها وضحى (وضحى أخت أميره الوحيده وهي الكبيره من بعد أخوهم سعود ، قريبه من أميره حيل وماتقدر تستغني عنها) وسلموا على بعض ......
وضحى / هلا والله هلا وغلا ، أمووووور وحشتيني موت..
أميره / أنتو بعد وحشتوني ، اسبوعين مروا علي كنهم سنتين..
وضحى / على فكره قبل لاأنسى ، في ناس بعد يقولون
انك وحشتيهم حيل..
أميره / أكيد أمي صح ، وينها بسلم عليها (وتقوم من مكانها)..
وضحى / لاتتعبي نفسك أمك ببيت خالتك أم ماجد ، وبعدين يالعياره انتي تدرين أن اللي أقصده سلطان ولد عمك ، على فكره تراه يسلم عليك ويقولك متى تزورك أمه ، (سلطان ولد عم أميره يحبون بعض من يوم وهم صغار، وكل أهلهم يدرون بهذا الشي ، وسلطان ينتظر إشاره من أميره علشان توافق يتقدم لها)..
أمير وقفت ورجعت جلست بجنب وضحى / والله قال كذا..
وضحى / ايه ليش مو مصدقه ، كأن أول مره يطلب هذا الشي منك..
أميره / لا بس ، مدري..
وضحى / وشفيك ياحظي تبلعمتي ، ألحين أنتي متى بتعرسين وتفكينا ، يلا عاد خليه يتقدم لك..
أميره / أنا بروح ابدل ملابسي طيب..
وضحى / يلا معليش تتهربين ، على العموم بدلي وتعالي خبريني وش صار معك بالاسبوعين اللي مروا..
أميره / طيب شوي وبرجع..

**************************
وببيت ساره أول مادخلت ........
ساره بصوت عالي / هللوووو ، اني بودي هير ، يمه يبه..
أم فيصل (أم ساره) / حنا هنا ياساره تعالي..
ساره / هلا يمه هلا يبا (وتسلم عليهم) ، وين اخواني ، وغلا وينها..
أم فيصل / أخوانك أنتي تعرفين اليوم الربوع والحين هم ببيت جدك..
ساره / طيب وين غلا، اشتقت لها..
أم فيصل / جا خالك محمد وأخذها (محمد خال ساره وهو أقرب خوالها لها ولقلبها ، علاقتها فيه مره قويه ، يعني مو بس علاقه بنت بخالها لا، هو بالنسبه لها مثل الأب والأخ والخال والصديق بعد، وكل خوياتها يحسدونها على علاقتهم ، ويتمونو تكون علاقتهم مع خوالهم مثل ساره ، محمد شاب وسيم مرررره عمره 28 سنه بشرته بيضا وطوله متوسط جسمه معتدل مو سمين ولا نحيف مره دمه خفيف ويحب يمزح دايم ، وهو مثال للشاب اللي تتمناه كل بنت ، بس هو للأسف مايعطي وجه للبنات ، يعني يتغازل وما يغازل وكل خويات ساره يتمنونه)..
ساره / وانتو شلون تسمحوا له ياخذها ، اهو يدري اني إذا جيت ولا شفتها أتضايق ، أنا اعرفه ، بس يبي يرفع ضغطي..
أبو فيصل / رقمه عندك ، دقي عليه وعطيه من الحامي..
ساره / أنا أوريك يامحمد (وتدق ساره على محمد اللي مخزن اسمه عندها بنك (يالبى قلبك))..
محمد / هلا والله ، هلا وغلا، هلا ببنت أختي الغاليه ، هلا بأول حفيده لأمي وأبوي..
ساره / طيب ، وش تبي تقول بعد..
محمد / أممممممم ، ايه : وحشتيني موووووووت ، والله ولك وحشه يالشيطانه..
ساره / وأنت ليش تاخذ غلا من غير ما أشوفها ، لا وتدري بعد ان صار لي أسبوعين مانزلت للدمام..
محمد (يطنش كلامها) / نورتي الدمام ياعيون خالك أنتي ، لا وش الدمام ، إلا نورتي الشرقيه بكبرها من شرقها لغربها..
ساره / شوف الحين تجيبها تفهم..
محمد / وديتها عند خالاتك..
ساره / تدري ، انت ثقيل دم..
محمد (يغني علشان يقهرها) / شسولف لك عن أخباري وش الدنيا عقب فرقاك حشا والله ماتسوى لا الدنيا ولا اخباري حبيبي كم.......
ساره (تقاطعه) / ياسلام حلو حلو، خلاص حلو..
محمد (يضحك) / منقهره مني هااااااا ، بس معلش يلا تمونين ياسوير ، شوفي ألحين بجي بمرك وبنروح للبيت ، ترى خالاتك موصيني أجيبك لمهم أول ماتجين..
ساره / أول شي أنا تو ماوصلت ، وثاني شي أبي أتروش ، إلا إذا انت مصر انك تنتظرني ، ماعندي مشكله..
محمد / أكيد مافي مشكله ، لجل عين تكرم مدينه ، أنا بجلس عند أم فيصل وأبو فيصل، وأنتي تروشي وخلصي ونروح سوا بعدين ، وألحين ماابي أطول عليك ..
ساره / يلا ، بااااااااااي..

**********************
وببيت ريم تدخل ، وتلقى أمها وجدتها وجدها ، تسلم عليهم وتمشي......
أم ريم / إجلسي معنا شوي طيب ، صار لنا اسبوعين ماشفناك..
ريم (وهي تمشي لغرفتها) / وصار لي اسبوعين محد درى عني ولحد سأل علي ، أنا بنام معلش ما أبي أشوف حد..
وتدخل ريم لغرفتها وأول ماتدخل تدق على خالد...
خالد / هلا والله ، هلا بحبيبتي..
ريم / هلا حبيبي ، كيفك (تطورات صح)..
خالد / أنا بخير ، أنتي بشريني وصلتي بالسلامه..
ريم / أيه الحمد لله..
خالد / ريم تصدقين إني اشتقت لك موت..
ريم / وأنا بعد مشتاقه لك..
خالد / حبيبتي ماتشوفين أن حنا لازم نشوف بعض ، يعني أنا ماشفتك إلا هذيك المره بالسوق ، حتى وجهك ماشفته..
ريم / لاااااا أنا مقدر ، خوياتي دايم معي بالرياض ومايفارقوني أبد..
خالد / موظروري بالرياض ، أنا اجيك الدمام..
ريم / تجي من الرياض للدمام على شاني..
خالد / أكيد ياقلبي ، أجل علشان مين..
ريم / لا خالد معلش أنا مقدر..
خالد / وليش..
ريم / أنا خايفه ، وبعدين تو الناس..
خالد(منزعج) / يعني ماتبي تشوفيني ، ماتحبيني صح..
ريم / أبي وأحبك ، بس لسه بدري على الشوفه..
خالد (منقهر) / طيب تبين شي..
ريم / لا ليش..
خالد / بقفل الخط..
ريم / طيب ليش معصب..

خالد / مافيني شي ، يلا بااااااي (ويقفل الخط)..
ريم / وشفيه ، اكيد زعل ليش اني ماراح أشوفه ، أفففف ياربي وش هالحظ..
وتظل تدق عليه علشان تراضيه بس مايرد..

*****************************
وببيت ساره .... تنزل ساره من على الدرج وهي متزينه وكاشخه وبيدها عباتها بعد ما أخذت ساعه وهي تتروش ونص ساعه وهي تلبس وتتزين ، هذا بعد مشاوير أمها لغرفتها، وطلبها منها أنها تستعجل شوي .........
محمد / أخيرا وصلت العرووس..
ساره / كيف ، ماسمعت وش قلت..
محمد/ أقول كنك سندريلا ماشالله وانتي تنزلين من الدرج..
ساره / ليش تشك بحلاتي انت..
محمد / حشا لله ما أشك ، بصراحه ياسويره كلك حلى وزين يالمزيوونه..
ساره / أكيد مزيونه مدام هذي أمي وهذا أبوي وشلون ما أطلع مزيونه..
محمد / أكيد ، طيب يلا عن السوالف اللي مالها داعي ، ويلا خلينا نمشي تراك تأخرتي وأخرتيني..
ساره (بدلع) / تيب تيب لاتدف..

ويوم وصلو لبيت جدها ، أول مادخلت سلمت على جدتها وجدها أبو عبد العزيز ، اما محمد راح للمجلس لأن خويه بيجيه ، خالاتها من سمعوا صوتها على طول طلعوا من غرفهم كنهن مجنونات ، ويقمزون فوقها وحده تبوسها والثانيه تضمها والثالثه تشدها من يدها ، طبعا خالات ساره يمووتون فيها، وإذا مر اسبوع ولاشافوها يتضايقون ، فكيف وهي غايبه عنهم اسبوعبن ، ساره ماعندها إلاثلاث خالات وخمسة خوال ، خالاتها مها الكبيرة (25سنه) ومشاعل الاصغر منها (23سنه) وبعدين دانه اللي بعمر ساره (21سنه) ، دخلت ساره مع مها ومشاعل لغرفتها (طبعا مشاعل هي الأقرب لساره) ........
مشاعل / وييييييييي سوير حووووبي يالخايسه ، مشتاقه لك موووووت ، الله يقطع بليسك..
مها / أي والله ، تصدقين أن الاسبوعين اللي راحوا كلهم ملل وطفش من دونك..
ساره / وانتو بعد وحشتوني بالحيل ، اشتقت لكم واشتقت للجنان اللي نسويه هههههه..
مشاعل / على طاري الجنان ، ترى خوات أمل مشتاقين لك بعد ، واليوم بيجون علشانك ، يعني السهره الليله صباحي (طبعا امل زوجة خال ساره طلال)..
مها / يووووووه زين انك ذكرتيني ، موصيني أول ماتوصلين أدق عليهن أخبرهن..
وتطلع مها علشان تدق على البنات ، وهي طالعه يجي محمد يطق الباب ويدخل.......
محمد / ممكن أدخل..
مشاعل / مو أنت دخلت وخلصت بعد ليش تستأذن..
محمد يطالع تحت برجوله / أي والله ، أنا دخلت وأنا مدري..
ساره (تطالع بمشاعل) / يخفف دمه الأخ..
محمد / على العموم أنا مستعجل خويي ينتظرني بالمجلس بس بغيت اقولك ياسوير ترى عندي لك مفاجئه ذكريني بعدين أقولها لك..
ساره / قولها ألحين طيب..
محمد / لابعدين ، أجل وشلون تصير مفاجئة..
ساره / اكيد بتوديني لمكان ، بتعشيني صح..
محمد / هو أنا بوديك لمكان ، بس ماراح اعشيك..
ساره / يلا مافي مشكله أهم شي أنها مفاجئه..
مشاعل / والمفاجئة لساره وبس ، يعني حنا مالنا بالطيب نصيب..
محمد / أكيد أنتو بعد ، لو ما ابيكم كان ماقلتلها قدامك ، كان بيني وبينها بس..
مشاعل / بعد بعد ، يعترف..
محمد / أكيد أكيد ، وليش مااعترف ، على العموم انا بروح تأخرت على الرجال..
ويطلع محمد وبعد خمس دقايق تجي مها.......
مها / كلمتهن يقولن دقايق وبيجون ..
ساره / إلا دانه وينها، سلمت علي بعدين إختفت..
مشاعل / يعني وينها، أكيد عند حبيب القلب ، مو هم مايقدرون على فراق بعض..
مها / ايه والله عشاق هالزمن..
ساره / عند التلفزيون صح ، طيب أنا أوريها مس tv ، البنت مدمنه الله يعينها (مس tv لقب دانه اللي اختارته ساره لها)..
مها / تدرين ، أي برنامج أو مسلسل أو فلم تبين تستفسرين عنه أتصلي علينا..
مشاعل / والله وجبتيها ، ليش مانترزق الله ، خلنا نسوي مشروع..
ساره / والإعلان علي ، هل لديك مشكله مع البرامج والمسلسلات ، هل فاتتك حلقه من مسلسل أو مشهد من فلم تحبه ، هل تود الإستعلام عن موعد عرض فلم ما او مسلسل تلفزيوني ، الآن لدينا الحل ، ماعليك إلا الإتصال على بيت أبو عبد العزيز وسوف ترد عليك خبيرة التلفزيون مس tv ، إرضاؤكم هو هدفنا إتصل بنا الآن ، ونكتب تحت سعر الدقيقه 10 ريال..
مها / ههههههههههههاااي ، الله يرجك ياسوير..
مشاعل / إعلانك ياسوير فله ، والله وبنربح من دانووه..
ساره (بدلع) / لكاااااان حبيبتي ، أنا ساره مو حيا الله..
مشاعل / تعالي ، ألحين وشلون بنطلع مع محمد وأمل وخواتها بيجون ألحين..
ساره / روحي قوليله ياحظي بسرعه..
مشاعل / لااااااااااا ، روحي انتي أنا ماراح أروح..
ساره / مها حبيبتي روحي قوليله..
مها / أنا توي جايه ، وبعدين أنا بستقبل الضيوف إذا جو ،روحي أنتي وش وراك..
ساره / ماليت عليكن من خالات ، هذا وأنا توي جايه ، طيب أنا بروح بس هذي آخر مره أفز من مكاني تفهمون ، كريزي جيرلز..

(الجزء الثالث)
تروح ساره لم المجلس علشان تعطي محمد خبر أن أمل وخواتها بيجون وياخذ احتياطاته ، ويوم وصلت عند باب المجلس دقت على جواله ، وبالمجلس يرن جوال محمد (حياتي لجلها يتصل بك) .......
محمد / عن إذنك يابدر لحظه ، ألووووووو..
ساره / هلا حمووووودي..
محمد / حموووودي بعد..
ساره / تعال أبيك ، انا على باب المجلس ، يلا..
محمد / طيب أنا جاي (يقفل الخط) ، بدر عن إذنك ياخوي بس بشوف الأهل وش يبون ، البيت بيتك خذ راحتك ..
بدر / تسلم والله ، (طبعا بدر عرف أن اللي تبيه بنت لأن الصوت كان واضح مره)..
ويطلع محمد لساره عند باب المجلس ويتكلم معها ......
محمد / خير وش صاير، في وحده كلمتني تقول إنك تبيني ، لا وتغازلني تقولي حمووودي (ويقلد على صوتها)..
ساره / ياشينك بس ، المهم انا جايه اقولك ترى امل زوجة أخوك وخواتها جايين ألحين..
محمد / طيب ويعني..
ساره / يعني مانقدر نطلع اليوم معك لانهم بيسهرون الليله عندنا..
محمد / لااااااااااا عادي مافي مشكله..
ساره / وشلون مافي مشكله ، أقلك بيجون ألحين هذا إذا ماوصلو..
محمد / أنتي روحي انبسطي ولا عليك..
ساره / بكيفك ، اللهم بلغت اللهم فاشهد..
وتروح ساره ويدخل محمد للمجلس ........
محمد / حيالله بدر..
بدر / الله يحيك ، خير عسى الأهل مافيهم شي..
محمد / لامافيهم شي ، بس هذي بنت أختي ما عندها سالفه جايه تهرج معي..
بدر كن الدنيا دارت فيه يوم محمد قاله ان هذي بنت أخته ، لأنه يدري ان محمد عنده بينت أخت وحده وهي ساره ، علشان كذا حاول يسحب الكلام من محمد .......
بدر / بنت أختك هذيك ، اللي قبل ما أسافر بأيام كنت رايح تحظر ملكتها..
محمد / ماشالله لين ألحين تتذكر ، ايه هي نفسها بنت أختي ساره..
بدر / الا هي وش أخبارها ، أكيد عندها عيال ألحين..
محمد / لا ماعندها..
بدر / الله كريم ، الله يرزقهم انشالله..
محمد / لا يابدر ، خطيب ساره توفى بعد ملكتهم بثلاث شهور بحادث سياره..
بدر انصدم يوم قاله محمد هذا الشي ، كان متوقع أن ساره ألحين متزوجه وعندها ولد أو بنت..
بدر / أنا آسف يامحمد ترى والله تو مادريت..
محمد / لااااااا ماعليك داري انك ماتدري ، بس وش نسوي هذا امر الله..
بدر / طيب ساره وشلون نفسيتها ، أكيد تضايقت وزعلت صح ؟؟..
محمد / أكيد بداية الحادث زعلت مره وتعبت لدرجة أنها تنومت بالمستشفى إسبوع كامل ، بس بعدين لاااااا ، نست وصارت أحسن ، وألحين هي تدرس بالرياض وتوها جايه اليوم ، يابدر الزمن والأيام تنسي الواحد حتى إسمه..
بدر (بداخله) / معقوله الأيام قدرت تنسي ساره بدر مثل مايقول محمد ، بس أنا عمري مانسيتها ، طول هالفترة كانت معي حتى وأنا مسافر..
(بدر خوي محمد الروح بالروح ، عمره 30سنه ، أسمر وطويل وعريض (جسمه حلو بالمختصر المفيد) مملوح ، تعرف عليها لما شافها بالصدفه بحوش بيت جدها وهي منسدحه على الكرسي اللي برا ، يوم شافها انجن عليها وهي بعد أعجبت فيه ، كان على علاقه فيها يوم هي بثالث ثانوي وكانو يحبون بعض بجنون ، ماكان حد يدري بعلاقتهم غير خوية ساره وزوجة خالها وراح تتعرفون عليهم بعدين ، المهم أن ساره بعد ماتخرجت من الثانوي تقدم لها ولد أعز صديقات أمها وخطبها ، بدر في ذاك الوقت ماكان يقدر يتقدم لساره بسبب ظروفه المادية ، وساره ماكانت تقدر ترفض اللي تقدم لها علشان ماتحرج أمها مع صديقتها العزيزه على قلبها ، وهذا الشي زعل ساره من بدر لفتره ، بس بعدين تفهمت وضعه ورضت بالأمر الواقع ، وبعد ملكة ساره بيومين بدر سافر في بعثه لأمريكا لأنه ماقدر يشوف حبيبته مع واحد ثاني غيره أو يتقبل الوضع ، ومن سنتين توه راجع قبل شهر تقريبا)

***************************
وفي بيت ريم ....... تدخل ام ريم على بنتها وهي منسدحه على فراشها........
أم ريم / ريم أنتي نايمه..
ريم (تعدل نفسها وتجلس) / لا ماجاني نوم..
أم ريم / أنتي زعلانه مني صح..
ريم / لا..
أم ريم / إلا زعلانه..
ريم / ليش أنتي مسويه شي يزعلني ؟؟..
أم ريم / أدري اني مقصره لأني مااتصلت فيك ، بس شسوي والله اني انشغل..
ريم / تنشغلين ، هذا وانا بنتك الوحيده وماعندك غيري وتسوين كذا ، طيب إذا ماتقدرين تدقين على الأقل ردي على مكالماتي..
أم ريم / طيب ولايهمك انا آسفة وحقك علي ، أوعدك إني ماأعيدها..
ريم / أتمنى إنك تكوني هالمره صادقه معي يايمه ومو مثل كل مره..
أم ريم / طيب دام النوم ماجاك قومي واجلسي معنا بالصاله ترى جدك وجدتك مشتاقين لك مره..
ريم / طيب يلا نروح..

**********************
في بيت أميره الكل جالس ، أميره ووضحى وأم سعود وأبو سعود ، يدخل سعود عليهم ........
سعود / السلام عليكم ، أميره تعالي ابيك شوي..
أميره / إنشالله..
وضحى (تهمس لأختها) / وش يبي منك سعود..
أميره / وأنا وش دراني..
وضحى / أجل قومي شوفي وش يبي وبعدين تعالي قوليلي..
تروح اميره ورا سعود وتدخل لغرفته (سعود أخو أميره الكبير) ........
أميره / خير سعود وش بغيت..
سعود / شوفي ترا ولد عمك هذا غثني ، وانتي بعد زودتيها حبتين ، الولد كل يوم جاي يسألني عنك إذا وافقتي يتقدم لك وإلا لا..
أميره / هو قالك كذا..
سعود / ايه ، ويقول تراه جاهز بس منتظر إشارتك ، هاه أقوله خلاص وافقت..
أميره (باستحياء) / خلاص اللي تشوفه ياسعود..
سعود / أموووور وش اللي أشوفه انا ، ليش من بيتزوج سلطان أنا وإلا انتي..
أميره / خلاص قول لأمي وابوي واللي يقولونه أنا موافقه عليه..
سعود / أخيرا برتاح من إزعاج ولد عمك..
تطلع أميره من عند سعود وتروح تجلس بالصاله عند أهلها......
وضحى / هاااااااا ، بشري وش يبي منك..
أميره / إسكتي بس مو شغلك..
وضحى / أموووري حبيبتي لاتصيرين ثقيل دم وقوليلي..
أميره (بدلع) / ماراح اقول..
وضحى / كذا يعني ، طيب طيب ، يلا ياخبر بفلوس بكره ببلاش..
أم سعود / أنتن وشعندكن تتهامسن..
وضحى / مافي شي يمه سلامتك..
ويجي سعود ويجلس معهم بالصاله ......
سعود / وضحى صبيلي شاهي لاهنتي..
وضحى / أبشر..
ويرن التلفون ويرد عليه أبو سعود ......
أبو سعود / ألوووو ، هلا والله ، وعليكم السلام والرحمه، بخير الحمدلله ، ايه موجوده ، لحظه شوي ، أم سعود المكالمه لك..
أم سعود / ألووووو ، هلا أم سلطان ، بخير الله يسلمك ، يسلمون عليك ، بكره ، حياكم الله البيت بيتكم ، انشالله ، سلميلي على البنات ، الله يسلمك..
أميره أول ماسمعت أسم أم سلطان راحت لغرفتها......
أم سعود / وضحى تسلم عليك أم سلطان ، بكره بيجونا البيت ، إلا وين أميره ؟؟..
وضحى / راحت فوق ، خلك من اميره يمه وش تبي أم سلطان..
سعود / يعني مافهمتي يالخبله..
أم سعود / بيجون بكره يخطبون أختك لسلطان..
وضحى / والله يمه ، وأخيرا وافقت أمووور..
وتطلع وضحى لغرفة اميره وتفتح الباب ........
وضحى / وأنا اقول وش فيها البنت قامت كنها مجنونه من سمعت إسم أم سلطان ، لا ياشيطانه..
أميره / خلاص وضحى..
وضحى / وشفيها المستحيه ، على العموم مبروك ياأميره ، أخيرا بيتحقق حلمك أنتي وسلطان وبتصيرون مع بعض
أمير (باستحياء) / سلطان طول عمره وهو معي..
وضحى / بعد بعد ، والله وتعرفين تتكلمين كلام رومنسي يا اموووور ، وينك ياسلطان تسمعها..
أميره / هههههه..
وضحى / على العموم أم زوجك تسلم عليك..
أميره / الله يسلمك ويسلمها ، وعقبالك انشالله..
وضحى / انشالله ، وألحين يلا قومي نجلس تحت..
أميره / يلا..

(الجزء الرابع)
في بيت جد ساره أنواع الدجه والاستهبال والطهطله قايمه ، لأن الشله هذي إذا اجتمعوا مع بعض يقلبون المكان اللي هم فيه إلى حريقه ، ساره مع خالاتها وخوات أمل زوجة خال ساره إذا تجمعوا في بيت أبو عبد العزيز يصير البيت كأنه مستشفى مجانين ، في ذاك الوقت كان الرقص قايم ، و صوت الأغاني لآخر الدنيا هذا غير الهبال اللي يصير ، وهذي حالتهم كل ربوع يرقصون ويستهبلون لين يتعبون ، وإذا جا وقت العشا تشوفهم كأنهم اموات ، صحيح اللي قال عند البطون تعمى العيون ، بس خله يخلص العشا، إذا كان في مجال يرجعون الجو رجعوه ، وأحياننا تكون عندهم طقوس خاصه ، أحياننا يتفقوا مع بعض على أن كل وحده تصلح طبخه ، ويتجمعون ويتعشون برا بالحوش ، يعني السهره تكون بالهواء الطلق ، وطبعا نفس الممارسات تصير بس مع شوية إختلاف ، وهو ان المساطيل ما يستخدمون مسجل ولا اشرطة أغاني ، يخلون ساره هي اللي تغني (على فكره ترى صوتها موووت ، بجد مره حلو) ومجموعه تطق على العنقز والطبل ومجموعه ترقص ، وإذا زاد عليهن الطرب يطلبن من النجمه سوير أنها تغنيلهن أغنيتها المفضله (واقف على بابكم) لأن أدائها بهالأغنيه بالذات مرررره حلو، وطبعا نفس المجموعات لكن زياده عليهم مجموعه تصفيق علشان الشربكه ....

وفي المجلس محمد تعشى مع بدر جلسو يسولفو مع بعض ......
بدر / طيب يابو حميد أنا استأذنك ألحين ، ومشكوووور وماقصرت على العشا..
محمد / وين يابدر ماشبعنا منك..
بدر / معليش يامحمد ما أبي أطول عليك ، بس مواعد الربع بالكافي ، وش رايك تروح معي..
محمد / لا ما قدر إعذرني مواعد بنت أختي ساره أوديها للبحر..
بدر / طيب المره الجايه تروح معي ، وماأبي يكون عندك أي عذر..
محمد / أبشر..
ويروح بدر ويدخل محمد ويدق على جوال ساره على شان تطلع له ، وتطلع ساره له.....
ساره / هلا بأخو أمي..
محمد / خالك تخلخلت عظام العدو..
ساره / شفت أنك ستيوبد ، مو أخو امي نفسه خالي..
محمد / ستيوبد هاااااااا ، طيب يا نو سكوول شوفي من اللي يوديك البحر..
ساره / ال إيش ، وش قلت ماسمعت بتوديني وين..
محمد / أ ل ب ح ر..
ساره / ويلوموني في حبك ، يلا نجهز؟
محمد / إجهزوا..
ساره / تعاااال..
محمد / يس..
ساره / وضيوفنا..
محمد / لاتخافين ضيوفكن بعد بيروحون معكن ، يعني بتكملن هبالكن وسهرتكن هناك..
ساره / وشلون بيروحون معنا ؟
محمد / شفتي أنتي اللي راح تأخرينا ، وشلون بيروحون يعني ، كلمت طلال وقال انه بيروح معنا (طلال خال ساره وزوج أمل ، أصغر من محمد بسنه يعني عمره27سنه)..
ساره / خلني أروح أبشرهن..
وتدخل ساره على البنات / يابنات ياسحالي تجهزوا لأن التماسيح خوالي سوف يصحبونن للبحر..
دانه / والله..
مها / أجل اروح أصلح الشاهي والقهوه..
ويمشون الجماعه ، ووجهتهم كانت للفناتير بالجبيل ، لأن ساره ماتحب كورنيش الدمام ، طبعا ساره وخالاتها الثلاث مع محمد بالسياره ، وطلال وزوجته وخواتها معه بنفس السيارة ، ويوم وصلوا للفناتير فرشوا لهم على الأرض ، وجلست مشاعل ومها ودانه وخوات أمل شيما وفاطمه ، أمل وطلال راحوا يجلسون عند البحر شوي ، أما محمد نادى ساره علشان تروح معه يشتري شوية أغراض ، طبعا البنات بالبيت بالكورنيش كلو سيم سيم ، لأن قانونهم كان الخبله بالبيت خبله بالبحر ، والعوبه عوبه بكل مكان وكل زمان، و الجماعة ماقصرو غنو وضحكو كنهم مجانين والشباب رايحين جايين عليهم .........
فاطمه / ماكن ساره وأخوكم تاخرو..
مها / أكيد قاعدين يتمشون وإلا راحوا لمكان..
دانه / أكيد راحوا لباسكن روبنز، أعرفهم ثنينهم يحبونه..
شيما / جايز كل شي جايز..
دانه / والله لو تروح ساره لباسكن ولا تشتريلي شي أزعل عليهم ، تعرفني أحب الملك شيك حقهم..
مشاعل / لا يقلبي حووووبي لو راحت ظروري تتذكرنا بشي ، ساره ماتنسانا حتى لو بشي بسيط..
فاطمه / عاد مشاعل كل شي ولاساره ماترضى عليها..
شيما / حوووبها على قولتها..
مشاعل / ايه يعني حاسبن على كلامكن ، لحد يطريها بالشينه تفهمون..
وهم يتكلمون إلا يدق جوال مشاعل فجأة (حووووبي يتصل بك) .....
مشاعل / ساره تدق علي اسكتوا شوي ، ألووووو..
ساره / هلا شعووووله..
مشاعل / هلا حووووبي..
ساره / بسرعه أنا بباسكن روبنز ، إسألي كل وحده من البنات وش تبي من عنده ، دانه أدري تبي ملك شيك ، بس البقايا وش يبون..
وتعطي مشاعل ساره الطلبات وتقفل ......
مشاعل / شفتو ماقلت لكم..
وشوي إلا أمل وطلال مقبلين من بعيد ........
مها / جت أمل مع طلال الرومنسيسيين..
فاطمه / أختي وزوجها كنهم كتاكيت ماشالله ..
شيما وهي تعدل طرحتها / أي كتاكيت الله يهديك ، ماقلتي نعام تقولين كتاكيت..
وشيما تتكلم تطير غطوتها من عليها وتروح تمشي وراها علشان تمسكها، وهي بهذا الوضع مروا عليهم مجموعه من الشباب وشوية تعليق من ذا وشوية ضحك من ذاك خلاها تتنرفز ، طبعا أمل وطلال شافوا الموقف ويوم جو........
طلال (وهو يضحك) / ههههههههه وش السالفه وشفيك ياشيما ، لحظه لحد يقولي أكيد حشت بحد..
فاطمه / إيه حشت فيك أنت وأمل..
أمل / وش قالت شيموو القشره..
مها / تقول أنك أنتي وطلال وانتو تمشون كنكم نعااام..
طلال / أجل تستاهلي ماجاك ، أنا مستغرب من شي واحد ، الله بلى هالبنت ببلوه ، إذا تكلمت على حد لازم يصير لها شي ، تذكرون يوم هذاك اليوم نروح للعزيزية ، طول الطريق وهي تتكلم على وحده من خوياتها وتتمسخر عليها، وسبحان الله أول ماوصلنا ونزلت من السياره طاحت على خشتها ، والمشكله أن أي موقف يصير لها ظروري يحضر المشهد مجموعه من الشباب ، يعني الواحد صار يعرف إذا كانت متكلمه على حد وإلا لا..

المهم أن شوي وتجي ساره مع محمد ، محمد راح لمكان قريب علشان مايحرج البنات بوجوده قربهم ، وساره جلست معهم ........
مشاعل / حووووبي تأخرتي كتير..
فاطمه / لوتشوفين ياساره طافك نص عمرك..
ساره / ليش وش صار..
دانه / شيما طارت غطوتها من عليها وظلت كاشفه ، وشافوها شباب وضحكو على شكلها وهي تركض ورا الطرحه حقتها..
شيما / خلاص أنا بنتحر مابقى الا السي إن إن توصلولها الخبر..
ساره / حسافه بس طافني المشهد ، كان صورتوها ونشرتوها بلوتوث..
مها / أي والله ، وشلون طافتني..
بعد كذا أمل طلبت من طلال أنه يوديها لدورة المياه ، وراحت معه بعد ماسألت البنات إذا كان فيه وحده محتاجه علشان تروح معهم .......
والبنات جالسين يدق جوال ساره بأغنية عيسى الكبيسي تغيب (يالبى قلبك يتصل بك) .....
ساره / أسكتو شوي ماأعرف أتكلم بهالرجه ذي كلها ، ألوووووو ، هلا محمد ، طيب جايتك ..
فاطمه / مين..
ساره / ماي بوي فرند..
فاطمه / لا والله مين..
ساره / ياشين اللقافه ، مين يعني محمد خالي يبيني بروح أشوفه..
شيما / يووووووه توك جايه من عنده ، ماجلستي معنا..
دانه / حبيبتي تكلمي في أي شي إلا محمد ، ساره ومحمد أحباب..
مشاعل (تغني بهبل) / وعسى الله لايجيب عتاب ولا بعد وهجر وغياب عسانا مانتفارق يوم عسى دايم نكون أحباب..
البنات / هلا ، عاشو ، عاشو ، أيوا..
ساره (توقف) / أنا بروح أشوف خالي بعد عمري ، مايجي منكم إلا وجع الراس..
وتروح ساره لم محمد ........
محمد / هلا والله ببنت أختي الغاليه..
ساره / هاااااااه وش السالفه..
محمد / أفا ، كنك مغصوبتن على الجية..
ساره / أمزح معك شفيك أنت..
محمد / إيه على بالي شي ثاني بعد ، والله طفشت وأنا جالس أطالع الرايح والجاي قلت أناديك أسولف معك..
ساره / كان رقمت كم بنت من البنات اللي يمرون عليك..
محمد / هههههههاااااي ، أمشي أنتي قبالي وبرقمك يلا..
ساره / تخفف دمك..
محمد / لا دمي خفيف أصلا ماله داعي أخففه..
ساره / ياشين الواثق بس..

فاطمه تطالع محمد وساره من بعيد وهم مع بعض وشلون جالسين وكيف يمزحون مع بعض ويضحكون ......
فاطمه / تصدقون يابنات ، اللي يشوف ساره مع محمد وهم جالسين مع بعض مايقول هذي وحده مع خالها ، كنهم واحد وحبيبته..
شيما / كلامك صح فطوووم ، علاقتهم مره حلوه..
مها / ساره أقرب شخص لمحمد ، حتى حنا خواته ماقدرنا نتقرب له مثل ماهي قدرت..
فطمه / ياليت علاقتي بخوالي مثلها، بصراحه أنا احسدهم..
مشاعل / هيييييي أنتي قولي ماشالله ، بعدين تصيبينهم بعين..
دانه / تكلم المحامي الخاص بساره..
شيما / موكأن أمل وبعلها طلووول تأخروا ..
مشاعل / تلاقينهم يفرفرون بالسياره ويدورون..
فاطمه / أختي وأعرفها كانت تبي عذر بس علشان يتمشون مع بعض بروحهم..

ومن جهة ثانية محمد مع ساره مستمرين في سوالفهم كل واحد يعاند الثاني و يبي يقهره بكلمه .......
ساره / إلا بسألك..
محمد / إسالي يابعد تسبدي إنتي..
ساره / أنت الحين ياللي تقول بعد تسبدي ، ورا ماتعرس..
محمد (يضحك) / ليش قاعد على تسبدك أنا..
ساره / لاااا بس حامله همك ، وأنا مو ناقصه..
محمد / تكفين يميمتي ساره لاتخافين علي..
ساره / تتمسخر حظرتك..
محمد / ماعاش من يسويبك كذا..
ساره / طيب مارديت علي..
محمد / ياساره زواج ما أفكر بالزواج ألحين..
ساره / طيب ليش ، أنت مو ناقص شي ، يعني تقدر تتزوج ألحين..
محمد / السالفه مو كذا ياساره ، كل مافي الأمر اني أبي أتمتع بالعزوبيه شوي ، وبعدين لاتخافين إذا عزمت ، بقولك انتي تدوريلي على عروس..
ساره / انا ، تبيني اشتغل خطابه على غفله..
محمد / لا يابنت الحلال مو خطابه ، بس أنا أثق فيك وفي ذوقك ، انتي مو تقولين حامله همي ، خلاص أختاري انتي البنت اللي تريحني..
ساره / طيب ليش انت ماتختارها بنفسك..
محمد / لاياشيخه ، وشلون ؟؟..
ساره / يعني أنت ماتميل لبنت معينه أو تعجبك على الاقل أو اللي خبري خبرك..
محمد / عاد انا وجهي وجه حب وإلا بنات..
ساره / كلكم تقولون كذا ، بس ياما تحت السواهي دواهي..
محمد / لاااااااا الله يخليك ، أنا ماأعرف أي بنت إلا انتي بس..
ساره (تضحك) / ههههههههه حلوه عجبتني جملتك الأخيره ، بس تدري أحسن شي أنك كذا ، أنا بصراحه أغار عليك..
محمد / والله تغارين علي ، يابختي وياحظي ، صاحبة الجلالة سوير تغار علي ، هذا شي يشرفني والله..
ساره / خلاص خلاص ، صدق نفسه ألحين..

والبنات جالسين ........
فاطمه / ماتلاحظون أن أمل تأخرت كثير..
مها / أدق عليها؟..
فاطمه / وشلون تدقين وشنطتها وجوالها هنا..
مشاعل / شوفو، أنا بدق على ساره وأقولها تخلي محمد يشوف طلال وينه..
وتدق مشاعل على حوووبها اللي هي ساره طبعا .......

مشاعل / هلا حوووبي..
ساره / هلا شعوووولتي..
مشاعل / ساره خلي محمد يدق على طلال ويشوفه وينه لأنهم تأخروا هو وأمل..
ساره / أبشري بقوله ألحين..
وتقفل ساره من عند مشاعل .......
محمد / خير وش تبي مشاعل ؟؟..
ساره / يقولون لك دق على طلال شوفه وينه لأنه تأخر مررره..
محمد / يعني وين بيروحون تلاقينهم ألحين قاعدين يتمشون ، بس يلا ندق ونشوف..
ويدق محمد على طلال........
طلال / ألوووو..
محمد / هلا طلال ، وينك أنت ياخوي تأخرت أنت وزوجتك..
طلال / أنا شوي وجاي ، يلا مع السلامه..
ساره / هاه وش قال ، وينهم..
محمد / مدري والله بس حاس أن طلال فيه شي ، باين عليه من طريقة كلامه أنه معصب ومنقهر مررره..
ساره / خوفتني يامحمد ، الله يستر بس ، طيب ماقال متى بيجي ؟؟..
محمد / إلا يقول ألحين جاي..
ساره / طيب أنا بروح للبنات أخبرهم..
محمد / شوفي ياسوير ياويلك إذا تتأخرين علي ، تعالي كل شوي وطلي علي ياغناتي لاتخليني..
ساره (بدلع) / تيب تيب ، ياربي شسوي إذا الكل مايقدر يستغني عني ، صدق اللي قال حياتكم من غيري سلطه..
وتمشي ساره من عند محمد وتروح للبنات (صايره مثل اللي يسعى بين الصفا والمروة) .......
ساره / إسمعوا ياهوانم ، محمد دق على طلال ، وقاله أنه شوي وجاي مع حرمه المصون..

وشوي إلا طلال وأمل جايين ، بس وضعهم كان غريب شوي ، طلال كان معصب وأمل تبكي ، سألوها البنات وشفيك مارضت تتكلم ، محمد نادى طلال علشان يعرف منه السالفه ، وقاله اللي صار ........
محمد / خلاص ياطلال اللي صار صار ، وبعدين أمل وش ذنبها ، حرام عليك شوف حالتها شلون ، أنا اقول لو تاخذها وتمشون مع بعض وتطيب خاطرها بكم كلمه أحسن من أنك تخليها كذا ، ترى الكلمة الطيبه ياخوي تسوي العجايب..
طلال / آآآآآخ يامحمد ، كنت شوي وأرتكب جريمه بذاك الحقير..
محمد / هذاك قلتها حقير، يعني ناس مثل كذا توقع منهم هذا الشي وأزود..

راح طلال لأمل ومشو مع بعض بعيد علشان يراضيها ، والكل للحين مو عارف وش السالفه ، وعلشان يقطعوا الشك باليقين طلبوا البنات من ساره إنها تروح لمحمد وتسأله ، لأن طلال أكيد قاله عن اللي صار ، وفعلا راحت ساره لمحمد (تقطعت تسبدها مسكينة من الروحه والجية) .........
محمد / هلا بالطيب الغالي عزيز وشوفته منوه..
ساره / هلا بك يالغالي..
محمد / وينك يالقاطعه من زمان ماشفناك..
ساره / محمد عن الإستهبال وقلي طلال قالك شي..
محمد / قالي شي وشلون يعني ،،، لا ماقالي شي قالي شيين ههههههههاااي..
ساره / عاد مو وقتها أبد تخفف دمك..
محمد / خير ياحلوه وش تبي تعرفين ؟؟..
ساره / وش فيه خالي طلال معصب ، وليه أمل تبكي ؟؟..
محمد (يبي يرفع ضغط ساره) / لو قلتلك كم تعطيني ؟؟..
ساره / محمد وبعدين..
محمد / خلاص خلاص بقولك ،، على فكره قبل لا أتكلم بشي ، تراك تجننين وأنتي معصبة..
ساره تناظر محمد بنظرات كأنها تقوله بذبحك..
محمد / بسم الله علي ، خلاص بتكلم ، طال عمرك طلال يقول يوم راح مع أمل لدورة المياه نزلت ودخلت وظل أهو بالسياره ينتظرها ، وهناك الظاهر أن في واحد من الشباب التافه والفاسد نفسه ضعيفه ، لاحظ أن في حرمه دخلت ومامعها حد ، قام دخل وراها ، والمسافه بين أرضية الحمام وأنتي بكرامه والباب كبيره شوي ، قام الولد هذا توقعي وش سوى ، نزل نفسه لأرضية الحمام وقام يناظر من تحت..
ساره / ياوييييييلي ، وأمل أنتبهت له ؟؟..
محمد / إلا، بس بعد إيش ، يوم بتطلع شافته ، عاد الولد يوم حس أن امل شافته ، هج بسرعه ، وهو طالع شافه طلال ، وعلى طول نزل من السياره يبي يتأكد المكان اللي دخلت فيه زوجته دورة مياه للرجال والا للنساء ، وانهبل يوم شاف إنها دورة مياه النساء ، وهو هناك إلا أمل طالعه وهي تبكي ، وقالتله اللي صار..
ساره / وطلال وش سوى..
محمد / طلال راح يمشي ورا الولد لين حدد مكانه ، بعدين راح للدوريه اللي كانت متواجده هناك وخبرهم بالسالفه ، وراحوا معه ومسكو الولد وأخذوه معهم ، والله ستر لأن طلال كان شوي ويضربه..
ساره / أما بعض الشباب غريبين ، معقوله توصل فيهم الدناءة أنهم يسوون شي مثل كذا ، والله حرام..
محمد / هذا انتي قلتيها بعض الشباب أنفسهم ضعيفه ، الشيطان يغلبهم دايم ويخليهم يتبعون هواهم..
ساره / الله لا يبلانا انشالله ، والله انا صرت أخاف على أخوي فيصل لما يكبر يلعب بعقله واحد من أصحاب السؤ وينحرف (فيصل أخو ساره ، بثالث متوسط ، عاقل وذكي واللي يجلس معه يحس إنه جالس مع واحد كبير ، دمه خفيف ودب)..
محمد / لا ياساره فيصل عاقل وماينضحك عليه..
ساره / بس الشيطان شاطر..
محمد / تطمني ، مدام خاله محمد وراه ماراح يقدر يسوي شي تسذا وإلا تسذاتا..
ساره / تكفى يالذيب ، الله يستر منك بس ، ياخوفي نجيبك عون تصير فرعون..
محمد / افاااا ياذا العلم ، والله مي الهقوة منك تقولين عني كذا ، هذا مو عشمي فيك يابنت أختي..
ساره / ويييييييي أمزح معك ، المهم انا بروح للبنات ، لو أتأخر عليهم شوي بيذبحونن ، يبون يعرفون وش السالفه..

وتروح ساره للبنات ، وتقولهم السالفه من طق طق للسلام عليكم .......
شيما / بعد عمري وخيتي اموول..
فاطمه / أنا لو مكانها أقطع نفسي حته حته مو بس أبكي..
مها / تدرون أنا ما أستغرب حركة مثل كذا على شاب سعودي..
فاطمه / وليش يعني..
مها / لأن الشباب السعودي من بد كل الشباب فيه ميزه وهو إنه....
مشاعل (تقاطعها) / شباب تافه وفاسد..
شيما /حرام عليك مو كلهم ، في منهم الزين..
ساره / صح عليك ياشيما، مو كل شبابنا تافه ، ياكثر الناجحين والزينين عندنا..
مها / أنا معك ، بس مثل مايقولون الخير يخص والشر يعم ، وخاصة في مجتمعاتنا الخليجية..
ساره / الناس كذا طبعها الخير ماتتكلم فيه ، بس الشر ياساتر يتكلمون فيه لو تمر عليه سنين..
دانه / تدرون ياجماعه أن فيه وحده من خوياتي صار لها تقريبا موقف مشابه للموقف هذا..
البنات / ليش وش صار..
دانه / كانوا رايحين لكورنيش الدمام أهي وعماتها مع أخوها وولد عمتها ، الشباب كانو ثنينهم بالسياره ، والبنات جالسين برا ، وأحتاجت وحده منهم للحمام الله يعزكم ، فراحت معها خويتي بدون مايدري أخوها ، كانت الساعه ثلاث الفجر والكرنيش كان تقريبا فاضي ودروة المياه بعيده شوي عن مكانهم ، راحت البنت وعمتها يمشون ويوم وصلن لقوا شاب داخل سيارته يدخن وكأنه ينتظر حد ، المهم أن البنات دخلن للحمام ويوم خلصن وطلعن لقوا نفس الولد اللي كان بسيارته واقف عند باب دورة المياه ورافع رجله اليمين على الطرف الثاني من الباب ، يعني بالوضعيه اللي كان فيها محد يقدر يمر ، كان الولد يغني ويدخن وشكله مرره يخوف وهو يطالع فيهن ، خويتي وعمتها اللي معها تجمدن مو عارفين وش يسوون ، وفي ذاك الوقت كان أخو البنت نازل من السياره علشان ياخذ مويه من عند أهله اللي جالسين ، ولاحظ أن اخته ووحده من عماته مو موجودين ، سأل عنهم وقالوله أنهم إحتاجو لدورة المياه وراحوا ، الولد عصب وقال شلون يروحون ومايقولون لي علشان أنا أوصلهم ، المهم إنه راح بسرعه لهم ويوم وصل لقى الولد واقف على الباب ، وكان شوي وبيدخل على البنات ، ولوما أخو البنت لحق عليه كان من زمان الله أعلم وش سوى ، طبعا مسك الولد وقام يتهاوش معه وضربه ضرب لين قال بس ، خويتي وعمتها حصلوا شوية تهزئ من أخوها وحرموا على أنفسهم أنهم يمشون بروحهم مره ثانية ، وعلى فكره الولد كان سكران ورايح فيها وكان ينتظر أي حرمه تجي علشان يصيدها..
فاطمه / لو أنا مكانها ما أنام أسبوع كامل..
شيما / أتحداك ، أنتي كل شي عنك يمشي إلا النوم والأكل مع اني مستغربه ، وحده مثلك المفروض تكون كازونا..
ساره / بس يابنات لاتظلمون شبابنا ، ترى كل بلد وله عيوبه ، وكل بلد وفيه شباب فاسد والأمر مايخلا..
مشاعل / بس حنا نتكلم عن شي نشوفه ، يعني مو شي من جيوبنا..
مها / لا وش يقولون ، شباب المستقبل ، شباب المستقبل طل..
ساره / مها حاقده على الشباب ككل ، الشين فيهم والزين..

ووسط النقاش يدق جوال ساره بأغنية تغيب لعيسى الكبيسي (تغيب تسهر عيوني أراقب ساعتي والليل ، إلين الشمس ماتشرق أقود العذر للغايب ، غشى صمت الكلام شفاه منهو يعشقك بالحيل ، عزمت جروحك بصدري وطيفك بالسهر نايب).......
ساره / هاذي أميره ، أسكتوا لحظه ، ألوووووو..
أميره / هلا سويره ، كيفك..
ساره / هلا أموور ، أنا بخير..
أميره / شكلك طالعه صح..
ساره / أي والله ، توقعي انا وين..
أميره / وين ، لحظه ، شكلك بمنتزه..
ساره / لا يافالحه ، انا بالفناتير..
أميره / يابختك ، ياليتني معكم..
ساره / تعالي حياك..
أميره / ألحين خلنا من الهرج الفاظي ، عندي لك خبر حلو..
ساره / خير ياأم أخبار حلوه..
أميره / ساره ، سلطان بكره بيجي مع امه لبيتنا علشان يطلب يدي ، وحبيت تكوني اول وحده تدري بالخبر..
ساره / والله ، وأخيرا يا أمووور بنفرح فيك ،تستاهلين يابعدهم..
أميره / يعني بكره أبيك تعتذرين من ريم ، طيب..
ساره / ولا يهمك ، بس شوفي كلميني أول مايطلعون ضيوفكم ، أوك..
أميره / أكيييييييد ، طيب اتركك أنا تنبسطي ، وسلميلي على اللي معك..
ساره / يوصل..
أميره / يلا باااااااااااي..

ويمر الوقت ، ويجي الفجر ، ويقرروا أنهم يرجعوا للدمام بعد ماراحت كل طاقتهم في الضحك والسوالف والإستهبال ، وبالطريق كان الكل ساكت باستثناء مسجل السياره ، أهو الوحيد اللي مسوي جو، وأول مامشو كانت على أغنية عبد المجيد عبد الله (خلاص ابعد) ، ويوم وصلوا للدمام على أغنية أصيل أبو بكر (كشف الخوافي) ، طبعا نزلت ساره ببيتهم وراح خالها مع خالاتها للبيت ...

**************************
بيوم الخميس كان الكل مجتمع عند ريم ، ساره وفوز ولطيفه وندى ، باستثناء اميره اللي أعتذرت من ريم ، (طبعا فوز ولطيفه وندى خويات ساره وأميره وريم من أيام الثانوية ، وهم الوحيدين اللي ظلت علاقتهم مستمره مع الثلاثي المرح ، فوز تدرس بكلية الدمام تخصص جغرافيا ، وندى تدرس مع أختها رنا التوأم بمستشفى المانع بالخبر ، أما لطيفه فهي أخيبهن ، جالسه بالبيت حتى شهادة ثانوي ماعندها ، لأنها يوم رسبت بثالث ثانوي طلعت ومارضت تكمل) .........
فوز / إلا أمووور وينها ليش ماجت..
ساره / ياطويلة العمر أموووور الله يسلمك جايينهم بيت عمها بالبيت..
ريم / يطلبون يدها لولدهم سلطان..
لطيفه / وأخيرا بيتزوجون..
ندى / الله يهنيهم انشالله ، تستاهل أميره..
ريم / طيب أنتي وش صار على موضوعك..
ندى / خليها على الله ، أنا لين ألحين خايفه أن أبوي يفشلني مع ناصر (ناصر أخو صديقة ندى

، شاب على قد حاله بس يحبها حيل وشاريها)..
فوز / طيب أنتي ليش ماتفهمين أبوك أن الرجال مايعيبه شي..
ندى / المشكله أنا حاولت أجس النبض ، بس يوم سمعت رد أبوي قلت الظاهر أن مافي أمل اتزوج ناصر..
ساره / خذوهم فقراء يغنيهم الله ، المفروض امك تساعدك بموضوعك و تفهم أبوك هذا الشي..
ندى / مشكلة أبوي أنه مستحيل يرضى بشخص مستواه المادي أقل من مستوانا ، أختي رنا تقدم لها شاب ماشالله عليه ملتزم وولد ناس ومايعيبه شي ، بس أبوي رفض ليش ، لان مستواه المادي أقل مننا بشوي ، فكيف ناصر اللي تقريبا ضعيف ماديا ، وبعدين ابوي لين ألحين يشوفني أنا ورنا صغار على الزواج..
ريم / أي صغار الله يهديك ، اللي أصغر مننا تزوجو وصار عندهم عيال..
لطيفه / مالك إلا تدعي ربك إنه يهدي أبوك ، أو انك ترددين ياليل ماطولك..
ندى / الله يهديه..

*************************
وفي بيت أبو سعود ، بيت عم أميره جالسين ويتناقشون على موضوع زواج أميره على سلطان ، كانت أميره جالسه معهم بكامل أناقتها.....
أم سلطان / أنتي تدرين ياأم سعود أميره مثل بنتي وبحطها بعيوني أنشالله ، وسلطان ماراح يلقى أحسن من بنت عمه ، وحنا بعد ماراح نلقى أحسن منكم..
أم سعود / الله يخليك إنشالله ، والله أني عارفه ، ومثل ماقلتي أميره بنتكم واللي تبونه بيصير..
أم سلطان / هااا يا أميره وش رايك ؟..
أميره (باستحياء) / اللي تشوفونه..
أم سلطان / أجل خلاص الملكه السبوع الجاي على خير..
أم سعود / تم..






(الجزء الخامس)
الفوضى قايمه بالجامعه ، وكل بنت تقول سالفه غير، بس كل سالفه موضوعها واحد ، وهو هيفا والعنود ........
ريم / ألحين وش اللي صاير بالتحديد..
أميره / والله أنا كل ماأسأل بنت تقولي سالفه شكل..
ساره / جبت لكم السالفه..
أميره / هااااااا وش السالفه ؟!..
ساره / طال عمرك انتي وياها ، السالفه هي أن العنود وهيفا كانوا يسولفون مع بعض قبل يومين ، والظاهر ان العنود قامت تسأل هيفا عن بعض الأشياء بمذهبهم وتستفسر عنها ، وكلمه من ذي وكلمه من هذيك ، صار الجو بينهم مكهرب ، العنود تستخف بالمذهب الشيعي وهيفا تستخف بالمذهب السني ، وبكذا صارت كل وحده حاقده على الثانيه..
ريم / طيب وبعدين ؟..
ساره / على حسب اللي وصلني إن العنود راحت للهيئة وقالت لهم أن في بنت تسب الصحابة ، قامت الهيئة ومسكت هيفا وضربوها وقطوها بالحجز النسائي ، طبعا الخبر وصل لأهلها بالقطيف..
ريم / وش قالو أهلها..
ساره / كان عندهم هناك شيخ كبير ومعروف بينهم ، كلموه عن سالفة بنتهم واللي صار لها ، وراح الشيخ هذا وكلم شخصية كبيره بالبلد ، وقاله بالسالفه ، طبعا الكبير هذا طلع البنت من الحجز ، وتوعد للي أذوها أنهم بيلومون انفسهم ، لأن البنت تأذت نفسيا بصوره كبيره..
أميره / معقوله هذا اللي صار ؟!!..
ساره / والله هذا اللي وصلني من خوية العنود ومن بعض البنات ، عاد هاذي الحقيقه والا لا ، الله أعلم بهذا الشي..
أميره / مسكينه هيفا والله انها بنت طيبه..
ريم / إلا تستاهل ماجاها وأكثر..
ساره / لا ياريم حرام عليك لاتصيرين كذا ، أنا بصراحه مايعجبني اللي يحقد بالشكل هذا ، يعني ليه كل هذا الحقد مننا على بعض ، ليه الشيعه يحقدون علينا وليه حنا السنه نحقد عليهم ، مو كلنا مسلمين وربنا واحد ، يعني سنه والا شيعه نعبد رب واحد ونبينا واحد..
ريم / أشوفك متحيزه للشيعه..
ساره / ياغبيه هذا مو تحيز ، أنا كنت مثلك ما أحب الشيعه ، بس تعرفت على بنات شيعيات والله اخلاقهن وعشترتهن مررره حلوه ، ولعلمك احيانا أرتاح معهم أكثر من البنات السنيات ، وهذا الشي خلاني اغير فكرتي عن الشيعه ، أكيد مايعجبني مذهبهم ، بس كأشخاص أنا بصراحه احترمهم بس من دون ما اتأثر فيهم..
ريم / ساره أنتي ماتعجبيني إذا تكلمتي كذا..
ساره / ليش لأني أتكلم بعقل..
أميره / ريم ماعليك من ساره ، هذا رايها، وهذا شي حره فيه..
ساره / خليها يا أميره ، أنا مو عاجبتها لان تفكيري مو سطحي ، ولأني مو حاقده على خلق الله مثلها ، ياحبيبتي أنا عقليتي اكبر من كذا ، أنا أفكر بأشياء أبعد من اللي أنتو تفكرون فيه..
ريم / لا والله ، أشوفك بديتي تغلطين علي..
ساره / أنا ماغلطت عليك بس أنتي اللي تستفزيني..
أميره / يالله بدت الهوشه ، خلاص انتو وبعدين معكم ، ترى وربي أنا أنغثيت منكم..
ساره / لاهوشة ولاهم يحزنون ، أنا مهما تكلمت قلبي مايزعل ، وانتو ثنتينكم تعرفوني زين..

وتجي نوف للجماعه ........
ساره / لا حول ولا قوة إلا بالله ، جت هذي..
نوف / هلا صبايا..
ساره وأميره / هلا فيك..
ريم / نوف تعالي ابيك بشي..
ساره (مستغربه) / وش صاير ، ريم تبي نوف بموضوع..
أميره / وش السالفه..

وتبعد ريم مع نوف شوي عن ساره وأميره.......
نوف / وش فيك ريم ، خير..
ريم / تكفين نوف شوفي خالد ، صار له مده ماكلمني ولا يرد علي..
نوف / أفااااااااا ليش ؟؟..
ريم / مدري ، زعلان علي من يوم الربوع اللي راح..
نوف / ليش أنتي وش سويتي..
ريم / والله ماسويت شي ، بس اهو قال يبي يشوفني..
نوف / ايه..
ريم / وأنا رفضت..
نوف / تدرين إنك خبله..
ريم / وليش ؟!!..
نوف / أكيد بيزعل عليك ، ياريم خالد يبي يشوفك ويحس بحبك له ، وطبيعي إنه بيزعل لأنه يفتكر إنك يوم رفضتي شوفته ماتحبينه وهو عكسك يموووت عليك..
ريم / أنا مو بس أحبه أنا أمووت فيه..
نوف / اجل ليش رفضتي..
ريم / خايفه يانوف ، أنا دايم أسمع قصص عن شباب قصو على بنات..
نوف / يالخبله ، أنتي ماتحسين أن خالد يحبك..
ريم / إلا، ويخاف علي بعد..
نوف / خلاص مدام يحبك ويخاف عليك مستحيل يأذيك بشي ، شوفي اول ماترجعي دزي له مسج ، وقولي له أنك تبين تشوفينه ، أوك..
ريم / خلاص صار..
نوف / صدقيني ماراح تندمين وبتشكريني..
ريم / الله يسمع منك..
نوف / وألحين روحي لم خوياتك ، لأنهن قاعدين يناظرنك ، باااااي..
وترجع ريم لخوياتها.....
ساره / وش تبين بالعقرب..
ريم / مو شغلك..
ساره / بكيفك ، بس بيجي يوم وبتندمين..
ريم / أندم على ايش ؟
ساره / أسألي نفسك ، لعلمك أنا حاطه نفسي مو فاهمه شي..
ريم / تراك فاضيه وما عندك سالفه..
ساره / بس بقولك أنتبهي لنفسك ياريم..

وترجع الشله للشقه ، وأول مافضت ريم وصارت بروحها أرسلت لخالد المسج ، طبعا خالد كان ينتظرها من زمان وأول ماوصل له المسج دق عليها ...
ريم / هلا حبيبي..
خالد / هلا..
ريم / وحشتني موووت ، حرام عليك كذا تسوين فيني..
خالد / انتي اللي جبتيها لنفسك..
ريم / طيب أنا آسفه ، وعلشان أثبت لك أني أحبك أنا موافقه أشوفك..
خالد / يعني كلامك اللي بالمسج صحيح ؟؟
ريم / أيه ياقلبي..
خالد / أنتي اللي قلبي وعمري وحياتي بعد ، يلا متى أشوفك..
ريم / أنت فصل وأنا البس..
خالد / وش رايك بكره..
ريم / لاااااااااا هنا بالرياض مقدر ، خليها عندنا بالشرقية..
خالد / خلاص مو مشكلة أجيك بالشرقية ، بس وين أقابلك فيه..
ريم (بدلع) / لما تشرفنا أتفق معك..
خالد / ريووومه أنا احبك..
ريم / وأنا بعد ، ألحين ابتركك علشان ماتصيدني وحده من البنات طيب ، باااااي..
خالد / بااااااايااات..

*********************
ويجي يوم ملكة أميره ، تدخل أميره على سلطان وأبوها الغرفه ، تسلم وبيدها صينية فيها العصير والفاكهة ،كانت لابسه فستان أخضر بسيط وشعرها نازل على أكتافها ، وأول ماتدخل يوقف سلطان وياخذ عنها الصينية وتجلس بجنبه ، ويطلع أبوسعود ويخلي بنته وولد أخوه ياخذو راحتهم .......

سلطان / كيفك أميره ؟
أميره (باستحياء) / بخير الله يسلمك ، أنت وش أخبارك ؟
سلطان / دامني شفتك انا بألف خير ، وش أخبار الرياض معك ؟
أميره / تسلم عليك..
سلطان / هههههه ، أخيرا وافقتي أتقدم لك ، حرام عليك ماكسرت خاطرك ، كل يوم أنتظر منك رد..
أميره / ........
سلطان / وش فيك ساكته..
أميره / هاااااااا لا ولا شي ، عن إذنك..
وهي تقوم من مكانه سلطان يمسك يدها........
سلطان / وين أجلسي شوي..
أميره / معليش بروح..
سلطان يجلسها / ماشبعت منك ، سولفيلي عنك..
أميره / ماعندي شي أقوله ، كل شي تعرفه عني..
سلطان / طيب تسمحيلي أتكلم أنا..
أميره / أكيد ، تفضل..

ويجلس سلطان يسولف لأميره عن نفسه و عن الزواج ، اتفقوا على كل شي ، قالها أنهم إذا تزوجو بيسكنون بشقه ، قالها عن دوامه في العمل وطبيعة شغله ، قالها وش أكثر الأكلات اللي يحبها ، كلمها عن موعد زواجهم ، وقرروا أنهم يتزوجون بالعطلة ، قالها أنها طالعه قمر وأنه يحبها حيل ، أميره يوم حست أن الكلام انقلب لرومنسيه قررت أنها تسحب نفسها ، وتطلع أميره من الغرفه ووجهها أحمر من كثر ماهي مستحية ، وقبل مايطلعو بيت عمها ، سلطان إستأذن عمه إنه يكلمها بالتلفون ، طبعا أبو سعود وافق على طول لأن هذا من حق سلطان ولأن أميره زوجته ألحين ، وأول مارجع للبيت دق على أميره .......
أميره / ألووووو..
سلطان / تسمحيلي أقولك شي..
أميره / تفضل..
سلطان / أول مره أشوف قمر يمشي على الأرض اليوم..
أمير (باستحياء) / تبالغ..
سلطان / والله أني صادق وما أبالغ ، أميره..
أميره / يالبيه..
سلطان / لبى قلبك والله ، أميره انا احبك..
وجلسوا طول الليل مع بعض على التلفون......

(الجزء السادس)
اليوم بتمر بأول تجربه لها ، اليوم بتشوف حبيبها ، قلبها بهاليوم جمع بين كل المشاعر ، الشوق الخوف الإرتباك الحب ، ريم جالسه تتزين وتتعطر، لأن دقايق وتقابل حبيب القلب بمجمع الراشد بالخبر ، وهناك يدق عليها خالد .......
خالد / حبيبتي وينك أنتي..
ريم / أنا تحت ، قريب البوابه الرابعه..
خالد / طيب أنا جايك ألحين ، سوي نفسك تشوفين أي شي ، طيب..
وريم منشغله تسوي نفسها تشوف المحلات الا ويجيها واحد من وراها ........
ياحلو مالقيت شي يناسبك..
تلتفت ريم بسرعه / خالد هذا انت..
خالد / يلا نمشي سوا بسرعه لحد يشك..

ويطلعون برا المجمع ويروحون للسياره ويركبون ، وبالسياره.....
خالد / إكشفي وجهك بشوفك..
ريم / لا مو وقته ، مو بالسياره..
خالد يمد يده / يلا عاد بشوف القمر..
ريم / هههههه لا خالد مو هنا..
خالد / طيب وين نروح ياقلبي..
ريم / المكان اللي تحب..
ويروحون للمطعم الصيني وهناك .......
خالد / هذا احنا جلسنا، يلا عاد بشوفك..
ريم تشيل الطرحه اللي عليها بشويش ، وخالد ينهبل ، ويقعد يناظر ريم وهو ساكت.......
خالد / ........
ريم / لا تطالع فيني كذا..
خالد / ريم أنتي قمر..
ريم / مشكوووور..
خالد / والله بجد أنتي حلوه..
ريم (بدلع) / من ذوقك..
خالد يمسك يدها ويبوسها / هااااااا حبيبتي وش تبي نتعشا..
ريم / بكيفك ، اللي إنت تبي..
وكذا مر الوقت بينهم سوالف وضحك وغزل ، ويوم جا العشا وتعشوا وخلصوا رجعها للبيت ، وواعدها أنه يدق عليها بالليل........
***********************
اليوم يوم الأربعاء ، والكل مجتمع ببيت أبو عبد العزيز ، ساره وأمها وخالاتها وخوالها وزوجاتهم........
يدخل خالها سالم (سالم اصغر خوالها بعمر أخوها فيصل ، ولأنه آخر العنقود ومحد يقدر يقوله لا مدلع ومنحرف ، وجدتها ماتقدر تزعله ولاترضى حد يزعله) كانت ساره لابسه لبس شوي كاشف عن منطقة الصدر ، ولما دخل سالم شاف ساره جالسه وحاطه رجل على رجل ويدها على خدها وهي تضحك ، قام يطالع فيها من بعيد بعدين دخل وجلس بجنبها .......
سالم / ساره كيفك ؟
ساره / بخير..
سالم / عطيني جوالك بشوفه لحظه..
ساره (متضايه) / لامعليش سالم مقدر..
سالم (يقرب لها اكثر) / يلااااااا عطيني اياه بس بشوفه..
ساره / عندي أشياء خاصه..
سالم / والله ماراح أدخل على أشيائك الخاصه..
ساره / قلتلك لا..
وتقوم ساره تروح للمطبخ ، ويروح ويدخل وراها ......
سالم / طيب عنك بلوتوثات جديده..
ساره / وبعدين معك سالم..
سالم / طيب بقولك شي..
ساره / قول خلصني..
سالم / أنتي موووووت..
ساره (معصبه) / سالم إنت قليل أدب تدري..
سالم / أقصد إنك حلوه يعني..
ساره / وخر شوي لو سمحت..
وتطلع ساره من المطبخ وهي معصبه ويقابلها محمد .......
محمد / يااهوووووو عطونا وجه..
ساره / هلا هلا..
محمد / هلا هلا ، وشفيك..
ساره / شوف ، ادب اخوك أحسن لك وله ، لا وربي بقول لأبوي عن كل شي ، مو كفايه أخوي بندر واللي جاه منه..
محمد / ليش وش سوى لك سالم..
ساره / ماسوى شي ، بس نظراته وسخه ، وألحين يقولي أنتي مووووت..
محمد / والله قالك كذا..
ساره / أجل اكذب عليك أنا..
محمد / طيب ولايهمك أنا أوريك فيه ، أنتي روحي لخالاتك و بعدين بناديك أبيك..

(سالم قبل سنه تقريبا تعرض لبندر أخو ساره ، وكان عمره خمس سنين (تحرش فيه جنسيا) ، بندر راح لساره وقالها اللي سواه سالم فيه ، طبعا ساره انهبلت وعلى طول قالت لأمها ، وأمها كلمت أخوانها عن السالفه وضربوه وصارت مشكله كبيره بين أم فيصل وأمها ، بس من دون مايدري أبو فيصل ، لأنه لو درى ماراح يخليه بحاله ، وأبو فيصل كل شي عنده يهون إلا عياله وبيته ، سالم ولد قليل أدب ، يسرق ، يتحرش بالأطفال ، ويدخن رغم صغر سنه ، بس محد قادر يوقفه عند حده ، والسبب أمه اللي ماترضى حد يكلمه أو يغلط عليه بشي)...

محمد كلم سالم ، وهدده إذا عاد اللي سواه مع ساره بيندم ، بعد كذا راح لساره وناداها ، وطلعت له ........
محمد / وانتي لين ألحين متضايقه ، خلاص أنا هاوشته وقلتله مايعيدها..
ساره / ضحكتني يامحمد ، أساسا دام أمك وراه ماراح يتوب أو يعتدل..
محمد / بعد شنسوي ياسوير ، أمي وتعرفينها تزعل على طول علينا إذا سويناله شي..
ساره / الله يهديها..
محمد / هااااااا وألحين وش تامرين فيه..
ساره / سلامتك..
محمد / وش رايك نطلع لمكان ، يلا أنا عازمك على عشا..
ساره / لامايصير الجماعه كلها هنا..
محمد / طيب براحتك (ويدق جوال محمد ويرد عليه)..
ساره / خلاص أنا بروح طيب..
محمد / طيب ، هلا بدر (طبعا بدر سمع صوتها)..
بدر / هلا محمد ، من معك خويتك (يستعبط)..
محمد / لاااااااا وش خويتي الله يهديك ، هذي سوير بنت أختي..
بدر / وأنت ماعمرك جلست مع وحده من خواتك ، دايم سار ساره..
محمد / شسوي بعد ، اهي اللي تفهم علي ، وبعدين صايره لها سالفه وتبيني أحلها..
بدر / تكفى يالقاضي ، خير أنشالله وش فيها..
محمد / طال عمرك أخوي سالم تعرفه..
بدر / ايه أعرفه شفيه ؟
محمد / ساره متضايقه منه لأنه يناظرها بنظرات على قولتها وسخه ويغازلها..
بدر / قل والله..
محمد / والله ، تقول أنه قبل شوي قاعد يقولها ساره أنتي مووووت ، تخيل..
بدر / أنعن شكله ، والله الولد ينخاف منه..
محمد / شنسوي بعد ، امي ماترضى حد يكلمه ، وساره خايفه إنه في يوم يسوي فيها شي ، لأنه ألحين كبر وجسمه صار قوي..
بدر / إنتبه له بس ، وقولها تنتبه لنفسها (طبعا بدر بداخله بيموووت من القهر ووده يذبح سالم)..
محمد / هااااااا أجيك الإستراحه..
بدر / أيه أنتظرك أنا والربع ، يلا..
محمد / مع السلامه..

**************************
(ونتخاوى أنا والليل الحزين .. رحله من عمر السنين .. غرفتي بس علميني .. أنا وأنتي ، منهو داخل الثاني سجين)

وفي يوم كان بدر جالس بغرفته وقاعد يفكر بساره ، لأنه من سمع صوتها هذاك اليوم وهي على باله ، أساسا هي عمرها ماغابت عنه ، مشتااق لها ووده يكلمها، بس مايدري لو كلمها بتتجاوب معه والا بترده ، ومايدري غيرت رقمها والا لسه ماتغير ، تذكر أيامه معها ، تذكر خفة دمها ولطافتها ، وتذكر اللي كان يحس فيه لما يكونون مع بعض ، تذكر كلامها الحلو اللي يخليه يحس بحبها بجد ، تذكر الخواطر اللي كانت تكتبها له ، واللي لين ألحين محتفظ فيها ، أخذها وجلس يقرا بعض منها ، وكل خاطره والسبب أو الحدث اللي خلاها تكتبها له ، بعضهم بدون سبب ، كانت تقوله إنها حست بشحنة حب زياده وفرغتها في الورق ، تذكر إذا زعل عليها، كان دايم يقولها ليتك بجنبي ألحين علشان أضربك بالعقال ، وتذكر الخاطره اللي كتبتها له يوم يزعل عليها لأنها راحت للسوق بدون ماتخبره ، ولأنها تعرضت لمعاكسات جريئه ومو بريئة ، هذاك اليوم قالت له أحبك ورد عليها أنتي كذابه ، كانت تموووت فيه لما يغار عليها ، علشان كذا كانت دايم تحاول ترفع ضغطه ، كانت تقوله أنها راحت لمحل الذهب اللي يشتغل فيه الرجال اللي يشبهه وشافته ، كانت تقوله كل ماشفته ودي أضمه لأنه يشبهك ، كان ينقهر ويقولها خلاص كلما اشتقتيلي روحي له ، بعدها قالت له بدر أحبك ، ومن القهر اللي بداخله عليها قالها مشاعرك كلها طل ، بدر كان عصبي مره وإذا عصب يقول كلام مايدري عنه ، لدرجة إنه يجرحها أحياننا بس هي مايهمها، كانت تمتص غضبه بمهاره ، وكانت تتحمله ، وهذا الشي اللي خلى بدر يتعلق فيها ومايقدر يستغني عنها ، لأنه صعب مرره ومو أي حد يقدر يتأقلم مع شخصيته ، بس ساره قدرت ، هذاك اليوم ظلت تدق عليه وهو مايرد ، و كل مادق

جواله ولا رد ، قلبه كان يوجعه لأنه ماوده يسوي كذا بس غصبن عنه علشان تحس إنه زعلان ، كانت كاتبه له :
الله يالدنيا فيك والله ماهقينا..
هنا على قلبك وإحساسك وأطلق لسانك عباراته علينا..
هان حبي وصوت نوحي مع دمعي اللي على خدي أنتثر..
مدري ليه وكيف كل شي فيك حتى قلبك صار أقسى من الحجر..
وهذا والله مو عشمنا فيك يالدنيا تتجاهلينا..
أعترف إني مخطي بحقك ويشهد الله كل قصدي أثير شوي من الغيره علينا..
الدنيا هذي ما اقصد بها دنيا البشر..
أقصد بها دنيتي أنت ياقليبي بدر..
أكتب إحساسي تجاهك وأنوي أقراه على قلبك وسمعك شويه..
وأقول بهاجسي وشلون بقوله اللي بقلبي والله إني مستحية..
تفاجئني وتجرحني بقولك ما ابي أسمع منك شي يالمفتريه..
مفتريه ... أنا ياللي بصادق شعوري أحبك أتسمى مفتريه..
غبت عني وغاب حسك بعدها..
وانمحى قول إني أنام لي ليله هنيه..
واليوم أبشرك حالتي ماتسر العدو ولا ذاك الصديق صاحب العلاقه القوية..
اليوم حالي باختصار بين شوقي وحبك ونار صدك مبتلية..
أذكر إني قلتها لك "ضرب العقال" عندي يهون ولازعل الغالي بدر عليا..
وبالنهاية أبعتذر لك عن كل اللي قلته واللي أقوله..
نسيت قولك لي ما ابي أسمع منك شي يالمفتريه..
ونسيت إني عندك خاينه وما اسوى شي وواطية ، هذا غير المفترية..

كانت ساره تكتب له بكل قلبها وهو كان يحس بهذا الشي ، كان يذكر كلامها له ، كانت دايم تقوله أنها مغرمه فيه مو بس تحبه ، وكان دايم يتعجب من كلامها ، كان يمووت برومنسيتها يحس انها تقوله كلام ماقاله حد قبل كذا ، تذكر جوابها يوم سالها ليش هي مغرمه فيه مثل ماتقول ، كانت تقراله شي وتقول : قليل هم الذين يعرفون معنى الغرام ، الغرام هو قمة العذاب وشدة الألم ، أليس غريبا أن تكون كلمة كهذه وصف لقمة الحب والهيام ، أإذا وصل الحب إلى ذروته صار عذابا وألما ، الله سبحانه وتعالى وصف عذاب جهنم بالغرام : (إن عذابها كان غراما) ، كان يقولها معقوله كل اللي يحبون يتعذبون ؟ والا بس اللي توصل عندهم المشاعر والعاطفة لحد الجنون مثلي ، تذكر كلمة أحبك لما تقولها له والدفا اللي كان يحسه بصوتها لما تتكلم ، تذكر صوتها المبحوح ، جملته ماتغيرت لين ألحين (أموت بصوتك المبحوح) ، تذكر ملامح وجهها ، كانت اجمل بنت شافها ، كانت بالنسبه له كامله من كل النواحي ، تذكر يوم ملكتها ، عمره مابكا غير في ذاك اليوم ، تذكر يوم يسافر ، كان يحس أن كل شي ضده إلا الراديو ، كان يذيع أغنية راشد الماجد أسافر عنك..
وهو بوسط ذكرياته قرر يجرب يدق على رقم ساره ، كان متأكد إنها غيرته بس جا في باله إنه يدق ، ودق ، والمفاجأة كانت يوم لقاه يرن ، يعني مو مفصول ، ساره رقمها لسه ماتغير ، أكيد إنها كانت تنتظره ، لا.. ساره مستحيل تفكر أنها تخون زوجها وتكلمه ، أكيد اهي كانت واثقه فيه أنه مستحيل يدق عليها وهي على ذمة زوجها ، بدر انبسط يوم لقى جوالها يشتغل ، بس المشكله إذا تذكرت رقمه وإلا لا........

(الجزء السابع)
كالعاده يدق المنبه ، وهم بعد كالعاده ساره أول من يصحى بالشله ، ويوم خلصت من لبسها وزينتها راحت أخذت جوالها اللي كان فوق فراشها ، لقت ثلاث مكالمات لم يرد عليها ، ثنتين من لطيفه خويتها، والثالثه من رقم غريب ، ظلت خمس دقايق تناظر بالرقم ........
ساره / الرقم هذا مو غريب علي شايفته قبل كذا بس ، مدري يمكن مشبهه عليه..
ريم / سوير يلا راح نتأخر..
ساره / يلا يلا جايه..
ويروحو البنات للجامعه ، ساره بالبدايه قامت تفكر بالرقم لأنها حاسه أنها تعرفه ومار عليها قبل كذا ، بس بعدين نست الرقم وموضوعه ودخلت لمحاضرتها...
*************
بعدها بيوم وبالليل كانت ريم بالصاله تكلم خالد ، وأميره تتروش ، وساره نايمه ، ساره صحت من نومها لأنها حست بالعطش ، وقبل لاتقوم من فراشها لقت جوالها دق رنه وسكر ، فتحت سجل المكالمات ولقت نفس الرقم ، وجلست تبي تتذكره ، المشكله انه مو غريب عليها ، إلا تعرفه بس مو متذكره ، الرقم مميز ومايتنسى بسهوله ، وهي ماسكه جوالها وصل لها مسج ، فتحت المسج كان بنفس الرقم ومكتوب فيه : آسف على الإزعاج بس تسمحيلي أدق أبي أتكلم معك ، ساره انصدمت ما عرفت وش تسوي ، تذكرت الرقم وتذكرت صاحبه ، تذكرت بدر ، هذا هو رقمه ، بس ليش ماتذكرته مع إنه مميز مره ، تذكرت كل شي كان بينهم ، حبهم ضحكهم رومنسيتهم زعلهم ملامح وجهه وصوته ، تذكرت أنه سافر لأمريكا بعد ملكتها بأيام ، معقوله الحين رجع ، معقوله مانساها ، لا.. أكيد مانساها والدليل أنه لين الحين محتفظ برقمها ، اللي كان بينهم أكبر من أن سنه والا ثنتين وإلا حتى ثلاث تمحيه ، تذكرت أيامها معه ، تذكرت المواقف اللي كانو يعيشونها مع بعض ، الحلوة والمره ، تذكرت اهتمامه فيها ، تذكرت يوم تقوله أنا جوعانه ، بيومها قفلها من عندها كانت الساعه وحده بالليل راح جاب لها عشا وحطاه عند باب بيتهم وهي ماتدري ، وتذكرت يوم تسوي لها عملية الدوده الزائدة ، هذاك اليوم مانام طول الليل وهو يدعي ربه انه يقومها بالسلامه ، كان يستغل الأوقات اللي مايكونون أهلها معها ويروح يزورها بالمستشفى ويجيبلها كل شي تحتاجه أو ودها فيه ، ساره من هذاك اليوم حست أن بدر يخاف عليها أكثر من نفسه ، كان مهمل نفسه ودوامه وربعه وحتى أهله علشان بس راحة ساره حبيبته ، وعلشان تحس أنه بجنبها على طول ، كان مايرضى أي شي يسبب لها أذى أو ألم حتى ولو كانوا أهلها ، حتى غيرته عليها كانت تموووت فيها رغم انها مثل ماكانت تقوله انها غيره من أيام الجاهلية ، حست بشوق مو طبيعي له ، بس وشلون تكلمه ، هي مشتاقه حتى لنبرة صوته ، وهي بدوامة تفكيرها بحبيبها وذكرياتها معه إلا ويدق جوالها ، بدر يدق.. هذا نفس الرقم ، ماتدري ترد عليه وإلا لا ، ودها تكلمه وترد عليه وتقوله عن كل اللي بقلبها له ، بس خايفه من ايش ماتدري ، فصل الخط ، ساره تضايقت كانت تتمنى لو إنها ردت عليه ، قامت من فراشها بتشرب مويه ، يوم وصلت عند الباب دق جوالها ، رجعت لفراشها مثل المجنونه ولقت نفس الرقم يدق عليها ، حاولت تاخذ أنفاسها وردت أخيرا .......
ساره / ............
بدر / .............
كان كل واحد منهم ساكت ويسمع صوت أنفاس الثاني ، لين تجرأ بدر وتكلم ...
بدر / ألوووووو..
ساره / ...........
بدر / ممكن أسمع كلمه وحده بس على الأقل..
ساره / ........
بدر / ساره..
ساره يوم سمعته يناديها بإسمها طلعت من صدرها لا شعوريا تنهيده حاره لدرجة ان بدر حس بالدفا والشوق اللي فيها..
بدر / ساره أبي أسمع صوتك ، تكلمي تكفين..
ساره / وش تبيني أقول..
بدر يوم سمعها تكلمه حس أن دمعته بتطلع من عينه من كثر اللهفه اللي بداخله لها..
بدر / أي شي يرد فيني الروح..
ساره / متى رجعت من أمريكا ؟
بدر / قبل شهر ، بس وشفيك ترتجفين ؟
ساره / أنا ما ارتجف..
بدر / بس أنا أحس بكذا..
ساره / تحس ؟؟..
بدر / إيه ياساره أحس ، ممكن أقولك شي..
ساره / تفضل..
بدر / ترى لين ألحين ماتغير أي شي..
ساره / طيب أنت ألحين ليش داق ؟
بدر تعجب من سؤالها بس بعدين فهم ، لأن محد غيره يفهمها / لاتخافين أنا مادقيت إلا يوم حسيت إني ماراح أسبب لك أي مضره..
ساره / أنا ماغيرت رقمي لأني وثقت فيك..
بدر / وأنا ماخنت ثقتك فيني..
ساره / إلا، والدليل إنك دقيت علي ألحين..
بدر / ساره ، أنا اللي كنت مع محمد بالمجلس هذاك اليوم يوم تجين وتكلمينه علشان طلعتكم للبحر ، وأنا اللي دقيت عليه يوم يضايقك خالك أحمد ، وسمعت صوتك وأنتي تقولين له أنا بروح ، محمد قالي عنك كل شي ، أو أنا عرفت كل شي بطريقتي ، وأنا مادقيت عليك إلا وأنا مثل ماقلتلك متطمن من اللي سويته..
ساره أنحرجت / أنا آسفه..
بدر / لا ، لاتعتذرين ، أنا مالومك ولك الحق إنك تقولين أي شي ، وإذا مكالمتي ضايقتك أنا اوعدك ما أدق ، بس ساره أنا لين ألحين أحبك وأكثر من قبل..
ساره / ........
بدر / ساره نقدر نرجع لبعض ، نقدر نعطي أنفسنا فرصه ؟؟..
ساره / .........
بدر / أنا بعكس الآية وبفسر معنى سكوتك على إنه رفض..
ساره / ............
بدر / طيب أهم شي عندي راحتك ، يلا أتركك أنا وآسف لأني دقيت عليك وصدقيني ماراح أزعل دام هذا الشي أنتي تبيه ومقتنعه فيه..
ساره / ..........
بدر / يلا مع السلامه..
ساره / ..........
بدر / ساره ، بقفل أنا طيب..
ساره كانت مشاعرها متضاربه ، معقوله بدر يجيها لين عندها يطلبها ترجع له وهي ترفض........
ساره / لا لاتقفل..
بدر / كيف ماسمعت ؟..
ساره / بدر أبسألك شي بس تجاوبني بصراحه وأحلفك بالله ماتكذب علي..
بدر / أسالي اللي تبين..
ساره / بدر ماحاولت أنك تدور على غيري بعد مافقدتني..
بدر / مجنونه أنتي ، أنا عمري مافقدتك ، أنا ما انكر أني حاولت بس ماقدرت ، انتي كنتي معي بكل لحظه حتى مسجاتك عندي، وخواطرك لين ألحين معي، كلامك عمري مانسيته حتى ملامح وجهك ، كل شي فيك كان حاضر معي..
ساره من الفرحه اللي كانت حاستها قامت تبكي ، بس بكاها كان بنفس الوقت خوف نابع من داخلها..

ساره (تبكي) / مقدر أصدقك..
بدر / ساره حبيبتي ليش تبكين ، تكفين ما أبي أسمعك وأنتي كذا..
بدر كان أكثر شي يضايقه دموعها ، كانت مثل نقطة الضعف بالنسبة له..
بدر / شفيك ياقلبي..
ساره / ما أدري ، بدر أنت تكذب علي ؟..
بدر / أنا أكذب عليك ، في أيش..
ساره / يمكن في كل شي..
بدر / أنتي كذا تظلميني ، أنتي تدرين أن عمري ماكذبت عليك بشي..
ساره / بس أنا خايفه..
بدر / مني انا..
ساره / لا ، خايفه أرجع لك وأتألم مره ثانيه مثل قبل ، أو أني أتعلق فيك بعدين تتركني بروحي..
بدر / إذا المره اللي راحت خذوك مني ، هذي المره مستحيل حد يقدر ياخذك مني إلا موتي..
ساره / بسم الله عليك..
بدر / خايفه علي..
ساره / ...........
بدر / يابداية قصتي يامالا نهاية..
يا اول نبض بقلبي نادى أنا حب أنولد..
لو قلت كلي خذت كلي ومابقى لي إلا بعضي..
الأول تهنا والثاني تعذب..
لو قلت مدري احلف إني والله مدري..
أقول مغرم وإلا هايم وإلا معجب..
أذكر اني قلتها لك يادافي الحس يابراءة تنطق دون أي معنى للجمل..
وأذكر إني قلتها لك ياعيونن سهمها يجعل مصابي جلل..
يابحر تايه تغدر في كل من يوصل لمرساك..
أي نعم أنت بحر..
أنت بحر بحبك في عطاك..
وأنت بحر بعنادك مع قسوة جفاك..

لو تدري وش اللي أحسه يابدر لا قلت كلمه بخاطري ودي تقوله..
قليله وقتها جسمي كله يقشعر وتضيع كل عباره بفكري خجوله..
وبرد أقول.. غدرك أنت يابحر مو مثل غدر البحور..
إنت بغدرك أقصد بحبك تسلب العاشق حواسه..
أنت تغري ولما تغري يوقع بموجك من يسمونه ضحية..
هذي الحقيقه واعترف انا ضحية..
أذكرك لاقلتها لي كلمتن ماهي بالحروف الأبجدية..
كلمتن خطها احساسك وحروفها أنفاسك الدفية..
والطريقه همستن بالحرف الأول ترتعش منها كل الجروح..
والبقايا غير أن أحاسيسي تذوب إحسب اني رحت فيها لخالق الروح السبية..
كلمتن لاقلتها ذاب فيها صوتك بهمسك مع أنفاسي والتناهيد الخفية..
ويظل نور الدنيا كله يضوي دروبي معك..
فجرها ، نهارها ، وبالعشية..
لاقلتها ترد روحي وقلبي يتقدم لك هدية..
وأرجع أقولك.. لبه والله عروقك يابدر مذكر إني حسيت بهذا الشعور..
خذتني من دنيتي طفلة أحمل مشاعر جاهلة وبالبراءة محتمية..
وصرت منك شخص عاشق شخص هايم يحترق شوقه لامر طاريك على سمعه شوية..
ماغلط من قال لك واللي يقول..
أنت فضائل ، انت قيم وأخلاق ، انت مبادئ فوق معتلية..
فيك همي فيك حلمي وفيك وهمي..
انت بيني انت فيني وانت مني..
انت يومي انت صبحي وانت امسي..
انت ليلي انت فجري وانت شمسي..
انت كلي انت بعضي وانت نفسي..
يعني معناها باختصار انا لغيرك شي منسي..
ساره / لين الحين عندك ؟..
بدر / معقوله مايكونون معي ، إذا تبيني أقراهم كلهم قريتهم..
ساره / تدري ، أنا مو مصدقه اني أكلمك ألحين..
بدر / أجل انا وش أقول يوم قالي محمد أنك انتي اللي كنتي معه..
ساره / هههههه محمد..
بدر / ايه محمد ، تذكرين قبل يوم كنت أغار من علاقتك فيه..
ساره / أذكر ، وأذكر كل شي بعد..
بدر / تصدقين ياساره ، ماقدرت أتصور دنيتي بدونك علشان كذا سافرت ، كنت أبي انساك بس ماقدرت ، لأن بداخلي ما أبي هذا الشي..
ساره / ودي أقولك أشياء في داخلي بس ماعندي جرأه أني اقولها لك الحين..
بدر / تكفين قولي ، انا ابي أسمع كلامك ، محتاج له..
ساره / لا ما أقدر ، ألحين انا أستأذنك لأن خوياتي معي ، وبروح أشرب مويه..
بدر / هههههه ليش وش فيك عطشتي ، نشفت ريقك صح..
ساره / لا، أساسا أنا كنت نايمه وصحيت علشان أشرب مويه..
بدر / أجل من حسن حظي اني دقيت في الوقت اللي صحيتي فيه..
ساره / أكيد من حسن حظك..
بدر / هههههه ياقلبي انتي لين الحين ماتغيرتي ، طيب أتركك انا ، مع السلامه..
ساره / الله يسلمك..
ويقفل بدر الخط ، ساره تحضن جوالها وهي مبتسمه ، مو مصدقه ان اللي كلمته حبيبها بدر اللي آخر مره سمعت صوته فيها كانت قبل سنتين ، من الليله ساره ماراح تكون ساره اللي قبل ، ساره اللي قبل فاقده حبها بس ساره الحين لقت حبها، في داخلها ودها ترجع له ، بس خايفه الزمن ياخذه منها ، أو الظروف تفرقها عنه مثل قبل ، لأن الألم اللي ذاقته قبل سنتين مستحيل تقدر تعيده مره ثانية ، لكن الحب دائما يغلب عليها وخاصة إذا كان متعلق بحبيبها اللي عمرها ماحبت غيره .. بدر ...

تطلع ساره من الغرفه علشان تشرب مويه ، وأول ماتطلع تلقى ريم جالسه تكلم ، ريم أول ماشافت ساره تبهذلت وما عرفت وش تسوي ....
ريم / ايوا بدريه أكلمك بعدين طيب..
ساره / من تكلمين..
ريم / باااي نوف (وتقفل) ، أكلم نوف..
ساره / توها قبل كم ثانيه بدريه والحين نوف..
ريم / ايه كنا حاطين مكالمه جماعيه..
ساره / مكالمه جماعيه ، أييييييييييه ، طيب بسوي نفسي صدقت..
ريم / أنا بنام طيب..
ساره / نوم العوافي..
وتروح ساره تشرب مويه ، وتطلع أميره من الحمام ........
أميره / أنتي مانمتي لين ألحين..
ساره (مبتسمه) / إلا نمت ، بس حسيت بعطش وجيت أشرب شي..
أميره / طيب شفيك مبسوطه كذا..
ساره / ليش ، ماتبيني انبسط..
أميره / لا مو قصدي ، الله يدوم الوناسه عليك ، بس كأن في شي..
ساره / أبسألك سؤال أموور..
أميره / تفضلي إسألي يابعد قلب أمووور..
ساره / تحبين سلطان ؟
أميره / أحبه وبس ، يووووه ياساره ، انا أموت بالتراب اللي يمشي عليه ، بس ليش تسألين ؟
ساره / بس كذا ، جا على بالي أسالك ، بشوف اللي يحبون وش يحسون فيه..
أميره / ههههههه الله يرجك ياسوير ، يلا ننام بس ورانا جامعه..

(الجزء الثامن)
انتهت الإختبارات الشهريه ، واليوم الربوع ، خويات ساره اتفقوا على انهم يجتمعون في بيت جدها لأن من زمان ماشافوا خالاتها......
مها (تكلم بالجوال) / أنتو وبعدين معكم ، متى بتجون ، ساره وخوياتها هنا ينتظرونكم ، عشر دقايق لو ماتجون بنقفل باب البيت..
ومها تكلم بالجوال يطق باب غرفتها ......
مها / تفضل..
فاطمه وشيما / سربرايز..
مها (تقفل الجوال) / الله يقطع بليسك أنتي وياها ، لا.. ويقولون عشر دقايق ونجي (تقلدهم) ، يلا ألحين بتجي ساره وخوياتها..
فاطمه / مهايووو ، ليش تكذبين وتقولين إنهم جو..
مها / لأني اعرفكم ، إذا ماقلتلكم كذا ماراح تجون إلا بكره..
شيما / فطوووم ، يلا بنرجع البيت..
فاطمه / يلا مشينا..
مها (ماسكتهم ثنتينهم من عبيهم) / أقول عن ثقالة الدم ويلا نروح لغرفة الجلوس..
وتدخل مها وفاطمه وشيما للغرفه وهناك كانت دانه ومشاعل وأمل .....
مشاعل / أخيرااا..
أمل / يعني الواحد لازم يحرق جوالاتكم من الإتصال وإلا ماتجون بدري..
شيما / وأنتي حضرتك ليش مامريتي علينا وأنتي جايه علشان نجي معك..
أمل / نعم !!؟ ، ليش أنا مادقيت وقلتولي بعدين بنجي بعد ماينتهي مسلسل مجاديف الأمل..
فاطمه (تغمز لأمل) / هههههه أموووول حبيبتي ياحبك للكذب..
دانه / لااااااااا ، مدام السالفه فيها مجاديف الأمل ، عاذرينك يافطوووم ، اليوم الحلقه الأخيره..
مشاعل / وش أخبار ماجد مطرب معك..
فاطمه / والله بخير ، تصدقين اليوم كلمني وقالي بعد ماتطلعين من بيت أبو عبد العزيز بمرك علشان أنا عازمك على عشا رومنسي..
شيما / تدرون أنها صورته بجوالها من التلفزيون ، تقول لأن اليوم الحلقه الأخيره بعدين ماراح تشوفه..
أمل / أختي هذي صايره الله بالخير..
(فاطمه من أشد المعجبين بالممثل السعودي ماجد مطرب فواز ، أو نقدر نقول أنها مجنونه بشي إسمه ماجد ، دايم تحلم أنه يجيها ويخطبها أو أن تكون بينهم علاقة حب ، البنت مسكينه حالها وصل لدرجة الهوس حتى أنها إذا شافته بالتلفزيون تجلس عند الشاشه وتقعد تبوسها)..
ساره (تطل من الباب وهي تغني) / وااااقف أنا على بابكم ولهان ومسير ، أسأل عن اللي سأل محبوبي لصغير..
البنات / هلا باللي لفاني ياهلا به ، عدد دقات قلبي في غيابه..
ساره (تدخل ومعها أميره وريم ولطيفه) / ياقدمكن ، لحظه أنادي سوني تنظف غباركن..
ويسلم البنات على الضيوف .....
مشاعل / مبروك أميره..
أميره / الله يبارك فيك حبيبتي ، عقبالكم..
فاطمه / آمين ، الله يسمع منك..
مها / ريم أنا زعلانه منك..
ريم / أفاااااااا ليش ؟..
مها / أبد ماتسألين عنا ولاتجينا..
ريم / والله إني أسأل عنكم دايم..
دانه / والله مافيكم إلا لطيفه ، دايم تدق وتسأل..
أميره / أنتو تعرفون الجامعه والوقت ، وبعدين لطيفه فاظيه ماعندها شي..
مشاعل / وأنتي لطووووف ماقررتي تكملين دراستك وتاخذي الثانويه..
لطيفه / شوفو انا وحده ضاق خلقي من المدرسه..
دانه / على الأقل تاخذين الثانويه..
لطيفه / هذا انتي ماخذه الثانويه وشسويتي ، جالسه بالبيت ، يعني مثلي..
ساره / ياحبيبتي تفرق..
أميره / ذكرتوني بأيام الثانويه ، والله وناسه..
ريم / هههههههه ، تدرون وش تذكرت..
البنات / أيش..
ريم / تذكرت فطوووم وأمها وسوالفهم مع بعض..
أميره / أذكر يوم الإداره ينادون أمها، كان مكتب المديره فرش..
لطيفه / ايه أذكر قبل لاتدخل فصخت شبشبها وحطته عند الباب ودخلت..
فاطمه / فشلتني هذاك اليوم قدام المديره..
شيما / ياحليلها أمي..
فاطمه / كانو كل بنات الفصل يحبونها..
شيما / من كثر ماتجي المدرسه بسببك وبسبب شطانتك..
ساره / والله ايام حلوه ، تذكرون أيام الخفافيش اللي بالمدرسه ، أذكر يوم لطووووف تقفل على

فطووم باب الفصل ، مسكينه ظلت تصارخ خايفه من الخفافيش اللي كانو داخل الفصل..
ريم / يابنات و معجبات ساره واللي يحبونها..
أميره / والرسايل والهدايا وباقات الورد..
لطيفه / مسكينه سوير كانت تعاني بجد ، هذي تغار من هذي وهذي تقولها لا تكلمي فلانه ، وخويات فلانه يجونها يقولون فلانه تبكي ليش أنك اليوم شفتيها وماسلمتي عليها..
ساره / ههههههه والله وذكرتوني بأيام المعاناة..
مشاعل / حتى بعيد الفالانتاين وعيد ميلادها انواع الهدايا تجيها..
فاطمه / وحنا خلف الله علينا حتى ورقه محد يعطينا..
شيما / فطوم كانت كل يوم صباح تتكحل وتتزين وإذا سألتها وش عندك ، تقول يمكن تحبني بنت اليوم مثل سوير..
لطيفه / مدري وش يعجبهم فيها..
ساره / إكسك يوزمي..
ريم / تذكرين هيا الشاذه ، كانت تمووووت بسوير ، حتى حركاتها تقول كذا..
فاطمه / سوير تذكرين يوم تهاوشتي معها ليش انها باستك برقبتك..
ساره / وييييييييي ، حامت كبدي هذاك اليوم..
ريم / انعن يومها جثتها كبيره كنها رجال ، والله ياسوير لو تشيلك وتاخذك ماتقدرين تفكين عمرك منها..
شيما / إلا أذكرها أنا ، لحقت عليها سنه ، بقولكم عن أبوي البارح وش يقولي..
مها / وش صار بعد..
شيما / البارح أنا وفطوم وأمل طالعين مع ابوي للخبر نشتري ملابس..
فاطمه / أنا بكمل لكم ، وحنا نمشي بالسياره شيموه شافت همر بالشارع ، يوم شافته قالت الله همر ، ابوي يوم سمعها عصب ، قولو ليش..
البنات / ليش ؟..
فاطمه / يقول : شيموه آخر مره تجي معنا كل المحلات تبي تدخلهم..
ساره / هههههههههههههه ياحليه أبوك على باله الهمر محل يعني..
شيما / قلتله يبه همر سياره مو محل ، ويوم تفشل قام يصرف الموضوع يقول إسمعو موضي شلون تطق وقام يغني..
أميره / تدرون وش صار ببنت جيراننا وأخوانها الثلاث..
لطيفه / جيرانكم ، أي جيران..
أميره / يمكن أمك تعرفهم ، بيت أبو أنور..
لطيفه / ايييييييييه مره جو بيتنا حريم وفي وحده منهم اسمها أم انور ، بس مدري اهي والا لا..
أمل / وش فيهم بيت جيرانكم..
أميره / معقوله ماسمعتو بالسالفه..
دانه / أميره قولي يلا..
أميره / طال عمرك أنتي وياها ، أم أنور هذي عندها بنت متزوجه إسمها عواطف ، وعواطف عندها بنت عمرها خمس سنين ، وولد عمره سنتين ، طبعا عواطف الكل يدري إنها مو زينه من قبل ماتتزوج وحنا نعرف إنها مو أوكي ، وحتى بعد ماتزوجت ماتغيرت..
مها / طيب وش سالفتها هذي..
أميره / زوجها طلقها..
ساره / ليش ؟
أميره / ليش ، هذي هي السالفه ، زوجها وصل له بلوتوث ، والبلوتوث هو صوره لزوجته عواطف وهي عاريه كما ولدتها امها ، طبعا الرجال جن لما شاف الصوره ، قام وراح للحضانه اللي فيها عياله وهي بالدوام وأخذهم ، وطلق زوجته وحرمها من إنها تشوف عيالها ، لأنه يقول دامك كذا أنا مو مستعد أخلي عيالي تربيهم وحده فاسده مثلك..
شيما / وبعدين..
أميره / طال عمرك راحت عواطف لأخوانها وقالت لهم أن فلان طلقني ومو راضي أشوف عيالي ، طبعا أهلها مايدرون عنها وعن سوالفها، وهي تدري أنهم مايصدقون فيها أي شي ، وضامنه أنها راح تكون مظلومه بالنسبه لهم ، راحت وقالت لأخوانها أنه يتهمها بشرفها ، راحو أخوانها أخذو الرجال المسكين وقطوه بالبر ، وضربوه ضرب حتى عينه راحت من قوته ، وبعدين دفنو جسمه بالأرض وخلو راسه برا..
فاطمه / إستغفر الله ، وحوش هذولي مو أوادم..
أمل / طيب وبعدين وش اللي صار..
أميره / طبعا الإخوان ثلاثتهم بالسجن والرجال مسكين فقد عينه..
شيما / وعواطف..
أميره / بصراحه ماأدري ، يقولون أنها بالحجز النسائي علشان التحقيق..
ريم / تستاهل..
ساره / بصراحه تستاهل أكثر من كذا ، تحمد ربها أن زوجها عاقل وماذبحها ، شوفو شلون تصرف ، عين العقل ، يعني تجنب أنه يواجهها لأنه يدري إنه لو تواجه معها بيذبحها..
مشاعل / صح ياساره ، لأن مافي أي رجال يشوف شي مثل كذا على زوجته ويسوي اللي سواه هذا الرجال ، أقلها أقلها المفروض يضربها لين يكسر ضلوعها..
أميره / زوجها كان طيب وعاقل وحبوب..
أمل / أنتو ماتدرون ، البيوت أسرار لاتظلمون حد يمكن السالفه مو كذا..
أميره / لا ياأمل يمكن تكون السالفه مو كذا بالضبط ، بس صدقيني انا أعرف عواطف من زمان والكل يتكلم عنها..
أمل / جايز..
ساره / تصدقون انا بعد اعرف عايله بالرياض عندهم ولد منحرف بكل ماتحمله الكلمه من معنى..
دانه / كيف يعني..
ساره / الولد يشرب ، ومدمن مخدرات ، وعاق ، وتراه متزوج..
شيما / ومن البقره هذي اللي رضت تتزوجه..
فاطمه / قولي من المسكينه اللي قطوها عليه..
ساره / لايقلبي أنتي وياها ، زوجوه البنت اللي تناسبه بجد..
شيما / كيف يعني ؟
ساره / تخيلو قامو يدورون له بنت علشان ياخذها ، ولا بنت بالرياض رضت فيه ، الكل يدري عنه ، قامت صديقة امه لقت له وحده من حايل ، ومثل مايقولون الطيور على أشكالها تقع ، أو وافق شن طبقه..
فاطمه / هههههه ليش..
ساره / اللي لقوها له ألعن منه ، تدرون انها مو بكر يوم ياخذها..
مشاعل / قولي والله..
ساره / أنا هذا اللي سمعته ، سمعت إنه وهو سكران قال لأخوه أن زوجته مو بكر..
أمل / هههههه صحيح إن شر البلية مايضحك..
ساره / وألحين عندهم بنت صغيره عمرها ثلاث سنوات ، مسكينه تكسر الخاطر، لا أم عدله ولا أبو مثل الناس..
مشاعل / ياقلبي والله حرام عليهم ، المفروض يتوبون علشان بنتهم على الأقل..
ساره / ضحكتيني ، قال ايش قال يتوبون ، تدرين أن أبوها المجنون أحيانا ياخذها معه بالسياره ويفحط معها..
شيما / ههههههههههه مجنون هذا..
فاطمه / الخبل مو صاحي..
ساره / وربي ، تخيلو بنت عمرها ثلاث سنين يفحط معها ، مو حرام عليه وعلى أمها..
دانه / وأنتي شلون عرفتي عنهم..
ساره / بيني وبينكم السالفه هذي قالتها لي وحده من زميلاتي اللي بالرياض ، خويها هو اللي قالها..
شيما / خويها..
ساره / ايه المنحرف هذا يطلع أخوه..
تدخل الخدامه / ماما مها الأشا جاهز..
لطيفه / أخيرا ترى بمووت من الجوع..
مشاعل / قوليلي في مره ماجعتي..
لطيفه / لا ولا مره..
ساره / عن الهرج الفاضي ويلا ، ترى الكل يبي يتعشا مو بس لطوووف..

وبعد العشا كمل البنات جلستهم ، سوالف وضحك وذكريات العمر ، شوي وراحو الضيوف لطيفه وريم وأميره ، وجا الجماعه خبر طلعتهم للفناتير ، البنات ماصدقو خبر لأنهم من زمان ماطلعوا للبحر ، شيما ترقص ، وفطوووم تصفق ، دانه تيبب ، ومشاعل فاطسه من الضحك عليهن ، وساره ومها راحوا يجهزون الأغراض ، وأنواع الدجه قايمه كأنهم أول مره يطلعون برا البيت ، بس المره هذي غير ، المره هذي الكل بيركب الدوج حق ابو عبد العزيز، وهذا اللي خلى البنات ينهبلن وينبسطن أكثر ، لأن مثل مايقولون الطلعه بالدوج أكثر متعه ومثل ماجده غير ، الدوج بعد غير...

وابتدت الرحله ، القائد طلال وأمل بجنبه ، مشاعل وساره ودانه ورا طلال وأمل ، شيما وفاطمه ومها بنهاية المركبه ، وبالطريق أنواع الإستهبال ، الكل كان يغني حتى طلال ، من أغنيه للثانية ، حتى انهم لعبوا لعبة الأغاني كل وحده تغني بالحرف الأخير من أغنية اللي قبلها ، وطبعا طلال وأمل مشاركين باللعبه ، ويوم ملو قامو يغنون أغنيتهم المعتادة إذا ركبوا الدوج ، وهي : بنات الدوج خياله ، عليهن ردة الرايه ، لافرق الله شملهم ، يازين شيما بينهم (طبعا الهوشه تقوم على البنت اللي ينقال إسمها بالأغنية ، بزران ماعليهن شره) ، و بوسط هالوناسه والضحك والإستهبال صار اللي ماتوقعوه ، تعطل الدوج عليهم ووقفوا بوسط الطريق السريع ، الوضع كان طاش ماطاش أصلي ، السياره متعطله على الطريق والبنات فارشين لهم على الشارع وجالسين ، والواحد منا إذا مر بوضع مثل كذا يتضايق وتنسد نفسه ، بس جماعتنا يوم صارو بهالوضع زادت عندهم جرعة الهبال زياده ، كان عندهم مسجل صغير ، وكانو مشغلين شريط موضي الطقاقه ، والجو على كيف كيفكم ، جو استهبالي طهطلي في الهواء الطلق ولا أحلى ، كانو يرقصون بالشارع كنهم مجانين ، وكلما مرت سياره تحولو لعقل واللي يشوفهم يقول ماشالله ثقل لاإله الا الله ، طبعا طلال دق على محمد وقاله يجيه لأن محمد كان بالإستراحه مع أخوياءه ، وظلو على وضعهم هذا لين طلعت الشمس لأنهم مشو متأخرين ، وبكذا صار شكلهم أوضح للرايح والجاي ، والبنات جالسين على الطريق مرت سياره كلها شباب وقامو يضحكو على شكلهم ، دانه تقول انها شافت واحد منهم قاعد يصورهم ، بعدها بشوي جا المنقذ محمد مع فهد أخوه ، وصولو البنات لبر الأمان بالفناتير، والدوج بس شوية تصليح من طلال وصار مثل الفل ، بعدها راح طلال لهم وكملوا جلستهم مثل كل مره .........

(الجزء التاسع)
زواج أميره قرب ، والبنات كل مشاويرهم للسوق ، وفي يوم قررت ساره أنها تشوف بدر ، فقالت لأمها أنها بتروح مع لطيفه يشترون أغراض علشان عرس أميره ، وتروح ساره مع لطيفه للسوق ، ساره بتلاقي بدر ولطيفه بتلاقي خويها عبد الله ، وهم يتمشون دق عبد الله على لطيفه وحددت له مكانها بالضبط وكانت بستار بكس كافي ، وجا عبد الله (عبدالله القصيمي خوي لطيفه من منطقة القصيم وبالتحديد الرس ، عبد الله شاب وسيم مررره ، مدرس تربيه بدنية (مثل مايقول) عمره 28سنه) كانت ساره مع لطيفه ، وأول ماوصل عبد الله كان يناظر بساره ......
عبد الله / السلام عليكم..
لطيفه / وعليكم السلام..
عبد الله / وش أخباركن ؟
لطيفه / بخير..
عبد الله / معنا ضيوف..
لطيفه / ايييه ، هذي ساره أعز خوياتي..
عبد الله (ماد يده) / كيفتس ساره ؟
ساره / بخير..
عبد الله / طيب سلمي ، تعبت وأنا مادن يدي..
ساره / نعم ؟؟؟؟؟..
لطيفه (بعصبيه) / عبد الله ساره ألحين بتروح..
عبد الله / أفااااا ليش ماتجلس معنا شوي ، أجلسي أنا عازمتس على عشا..
ويدق جوال ساره / عن إذنكم أنا بروح..
وتروح ساره وتطلع برا وتركب مع بدر السياره علشان يروحون لمطعم .....
ساره / السلام عليكم..
بدر / وعليكم السلام ، كيفك ساره ؟
ساره (باستحياء) / بخير الحمد لله..
بدر / يالله ، مو مصدق أن اللي معي بالسياره ألحين هي ساره..
ساره / ...........
بدر (يبي يمسك يدها) / ساره اشتقتلك..
ساره (تسحب يدها وقلبها يدق) / تشتاق لك العافيه..
بدر / حبيبتي وين تبينا نروح..
ساره / عادي أتشيرط يعني..
بدر / أنا كلي لك ياقلب بدر أنتي..
ساره / وش رايك نروح للبحر..
بدر / البحر بعد ، يلا طلباتك أوامر ، تبين البحر ، نروح للبحر..
بدر إختار مكان يناسب وضعهم ، بحكم أنه أول مره يشوفها من بعد سنتين ، راح لمطعم ليالينا اللي على كرنيش الدمام ، أجواء المطعم كانت رومنسيه تناسبهم ، وصوت أمواج البحر مع الأضواء والجو ، كل هذي أجواء تناسب بدر وساره.....

وبستار بكس لطيفه مع عبد الله جوهم متكهرب ، لطيفه مو مرتاحه وودها تبكي من القهر اللي بداخلها.........
عبد الله / طيب أنتي ألحين وشفيتس ؟
لطيفه / كل هذا اللي صار وتسألني وشفيني..
عبد الله / ماصار إلا الخير..
لطيفه / تمد يدك تبي تصافح خويتي وتعزمها على العشا معنا وتقول ماصار شي..
عبد الله / أنا مديت يدي أبي أسلم عليه (عليها) بحكم أنها خويتس..
لطيفه / لاياشيخ ، طيب ليش تعزمها على العشا ، أنت جاي تشوفني والا تشوفها..
عبد الله / أكيد أشوفتس ياقلبي ، وبعدين أنا عزمتها علشان الواجب بس..
لطيفه / لا تقول ياقلبي أنا زعلانه..
عبد الله / بس تصدقين أنا ماشفت وجهها لأنها كانت حاطه لثمه ، مير باين عليها حلوه موووووت ، وجسمها أحلى بعد..
لطيفه / شفت اقولك زعلانه تروح تكلمني عن ساره..

ورجعت ساره من عند بدر وتقابلت هي ولطيفه بس من دون مايشوفها عبد الله ، لأن ساره طلبت من لطيفه أنها ماتشوفه مع أن عبد الله كان مصر يبي يشوفها ، وبالسياره وضع ساره ولطيفه متضارب ، ساره كانت الدنيا مو شايلتها من الفرحه ، بعكس لطيفه اللي انهانت كرامتها.....
ساره / يالله يالطيفه ماتتوقعين وشقد أنبسطت يوم شفته ، كان ودي أضمه من قوة شوقي له ، تصدقين أول ماجلسنا بالمطعم مارضى يجلس قبالي أصر انه يجلس بجنبي ، يقول مايبي يحس ببعدي عنه حتى ولو بكم سانتيمتر ، حتى يدي مافكها وكل شوي يبوسها، حسيته مشتاق لي بجد ، شوفي وش جابلي ، طقم عطر ، وش رايك بريحته..
لطيفه (ببرود) / يجنن ، الله يهنيك..

ساره / وش فيك ، كنك متضايقه..
لطيفه / مافيني شي بالعكس ، فرحانه علشانك..
ساره / يابعد عمري يالطوووف..

ساره مو من عادتها إذا حست ان وحده من صديقاتها متضايقه تتركها ، كانت إذا حست مجرد احساس ماتتركها إلا إذا فرغت كل اللي بقلبها وريحتها ، بس هالمره شوفة بدر والحب والحنان اللي حسته وهي بقربه خلتها ماتلاحظ ضيق لطيفه........

وتروح ساره لبيتهم وأول ما وصلت لغرفتها دقت على بدر مثل ماقالها ، ولطيفه بعد اول ماوصلت دقت على عبد الله .......
ساره / ألووووو..
بدر / هلا والله بقلبي وحياتي وعمري أنتي..
ساره / هلا فيك..
بدر / أحلف لك وإلا بتصدقيني إذا قلتلك..
ساره / إنت قول وأنا أقرر..
بدر / وربي إني أشتقتلك..
ساره / لاياشيخ..
بدر / شفتي ، لو أقولك أنك أول مابعدتي عني وأنا أناظرك حسيت بشووق مو طبيعي لك ، ما كأني قبل دقايق كنت معك وبجنبك ، تصدقين يحق لك يذبحك الغرور..
ساره / وأنا بعد اشتقتلك..
بدر / تدرين ياساره أول مالمست يدك وش صار فيني..
ساره (بدلع) / وش صار فيك..
بدر / حسيت أن ردت لي روحي اللي غابت عني من سنتين ، جتني رجفه بجسمي كله يوم جلست بجنبك ، تدرين والله إني حسيت بقشعريره بقلبي يوم أبوسك ، أحبك من قلبي وربي..
ساره / ياقلبي أنت ، على فكره مشكوور على الهديه ، والله أحرجتني..
بدر / العفو ، وبعدين هذا ولا شي علشان تشكريني عليه ، تصدقين أول ماشفتك أنصدمت..
ساره / نعم ، وليش ؟
بدر / بشويش علي ، صايره تجننين ، صايره أحلى من قبل بكثييييير الله يلعن ابليسك ، قمر وربي..
ساره / أدري الكل يقولي هههههههه..
بدر / تعجبني ياواثق..
ساره / بدر..
بدر / يالبيه..
ساره / أحبك..
بدر / من زمان ماسمعتها منك ، اشتقت لها..
ساره / معليش أنا أستأذنك ألحين..
بدر / ليش ياقلبي ، ودي أسهر معك الليله هذي..
ساره / خويتي صار لها ساعه تدق علي وانا مطنشتها بروح أشوفها وش تبي بعدها بدق عليك..
بدر / طيب حبيبي ، أنتظرك..
ساره / يلا مع السلامه..
وتدق ساره على لطيفه .......
ساره / ألووووو..
لطيفه (تبكي) / هلا ساره..
ساره / لطيفه وش فيك حبيبتي..
لطيفه / متضايقه حييييل..
ساره / ليش من ضايقك ، امك ، أبوك ، حد من اخوانك..
لطيفه / لا ، عبد الله النذل..
ساره / عبد الله ، ليش وش سوا..
لطيفه / ساره عبد الله مايحبني..
ساره / هو قالك ؟
لطيفه / لا ماقالي ، بس كل شي باين..
ساره / وشلون كل شي باين ؟
لطيفه / تخيلي أول ماشافك وش قال لي..
ساره / وش قال ؟
لطيفه / يقولي مين الكيكه هذي اللي معك ، يقصدك طبعا..
ساره / الحقير..
لطيفه / قبل شوي كلمني بالتلفون افتكرته بيقولي احبك والا شي..
ساره / اجل وش قال ؟
لطيفه / كان طول ماحنا جالسين يتكلم عنك ويلومني ليش اني ماخليتك تجلسين معنا ، ويقولي أن جسم خويتك حلو وهي شكلها موووت..
ساره / هذا ماعنده إحساس ، قليل أدب ، أساسا ماعنده ذوق..
لطيفه / وقبل شوي يوم يكلمني يقولي : انا كنت أسمع صوتها معك وأقول في بالي شكلها حلوه من صوتها ، بس يوم شفتها كني شايف ملاك ، بصراحه خويتك ساره دخلت مزاجي ، وأبيك تعرفيني عليها، أو تعطيني رقمها وأنا أتعرف عليها بطريقتي ، البنت نعوومه وخفيفة دم وعاجبتني..
ساره / لطيفه الولد هذا انسيه ، هذا انسان ماعنده احترام لذاته كيف تبينه يحترمك..
لطيفه / ساره انا تعلقت فيه..
ساره / ولاتزعلين ياحبيبتي اللي جابه يجيب غيره ، وبعدين لطووووف حبيبتي علي أنا هالكلام ، أنتي عندك غيره ، وين راح فهد ونواف وسعد ومشعل ، كل هذولي ماكفوك تحزنين على واحد وعندك أربعه غيره..
لطيفه / عبد الله كان اقربهم لقلبي..
ساره / من عافنا عفناه ولو كان غالي ، يالطيفه هذا مايستاهل حتى شعره منك ، أنتي لاتفكرين فيه لأن حتى تفكيرك فيه خساره..
لطيفه / على العموم انا اتركك الحين بروح اجلس مع اهلي علشان اذا دق ما ارد عليه لأني اعرف نفسي برد عليه لو كنت بروحي..
ساره / لاتردين عليه حتى لو كنتي بروحك تفهمين..
لطيفه / طيب ، باااي..
ساره / باااي..
(لطيفه نموذج البنت الفاضيه اللي ماعندها شي يشغلها غير مكالمة الشباب بالتلفون ، وياكثر البنات اللي مثلها عندنا ، طبعا في فرق بين نوف ولطيفه ، نوف مرخصه نفسها للكل ، أما لطيفه لسه محافظه على نفسها وما أرخصت نفسها لواحد من اللي تكلمهم ، وعمرها ماقالت لواحد منهم معلومه صحيحه عنها ، وعمرها ماقابلت واحد فيهم ، يعني كلهم مايعرفون اسمها الحقيقي أو أي شي عنها ، بعكس نوف اللي كل ماتعرفت على واحد جابت له علوم قبيلتهم كلها وراحت معه كل مكان ، ساره كانت ومازالت تنصحها أنها تترك اللي هي قاعده تسويه ، بس لطيفه كانت دايم تتعذر لها أنها فاضيه وماعندها شي يملي فراغها غير هذا الشي)....



(الجزء العاشر)
ريم / طيب ظروري تروحين الكلية..
ساره / والله ودي ، لاتخافين بجيكم الرياض على طول اليوم الثاني..
ريم / يهون عليك تخليني أنا وأميره بروحنا..
ساره / ريوووووم ماصار هذا يوم واحد ، لهالدرجه ماتصبرون على بعدي..
ريم / أففففففف ياشين الثقه الزايده ، قلتي لأميره ؟
ساره / ايه قلتلها..
ريم / وش قالت ؟
ساره / تقولي انها مخاصمتني حتى إشعار آخر..
ريم / ههههههه ياحليلها أموووور ، ماعليك منها راح تشوفين بتدق عليك على طول تطمن على أخبارك..
ساره / أدري ماتقدر أساسا تخاصمني ، مايهون عليها..
ريم / لاحول رجعنا للثقه ، أقول انا بتركك الحين طيب..
ساره / أوك ماي دير ، بااااااي..
ريم / باااااااي..


ساره اتفقت مع فوز أنها تروح معها كلية الدمام يوم واحد ، وبكلية الدمام كانت ساره مع صديقتها فوز بالكلية الجديده ، عرفتها على صديقاتها بالكلية واللي معها بنفس القسم وبنفس المدرج ، الكل كان معجب بساره لخفة دمها وطيبتها وسرعة اندماجها مع الغير ، حتى أن في مجموعه منهم حلفوها أنها تزورهم بيوم .........
فوز / ساره حبيبتي ألحين بروح للمحاضره ، انتظريني خلك هنا بالكافاتيريه مو تروحين مكان..
ساره / أجلس بروحي ، ماأعرف حد هنا..
فوز / ألحين بنادي وحده من البنات اللي أعرفهم تجلس معك ، انتي ماينخاف عليك على طول بتتعودي عليها..
ساره / طيب مو تتأخرين ، ياويلك..
وتروح فوز لمحاضرتها ، وقبل لاتجي البنت تذكرت ساره أن خالتها مشاعل تدرس بالكليه القديمه فقررت أنها تروح لها وتفاجئها ، ساره ماتدل المكان لأنها أول مره تجي للكلية فراحت تسأل كل بنت تلاقيها كيف توصل للكليه القديمه ، طبعا كل البنات قالولها إذا تبي تروح للكلية القديمه لازم تعبر الممر الطويل اللي بين الكليتين ، وهي تمشي بالممر صارت لها مواقف محرجه شوي ، كانت متوقعه أن مواقف مثل كذا تصير بس بالجامعه بالرياض وماتوقعت أن حتى بكلية الدمام في مثل الحالات اللي عندهم بالرياض ، كانت تشك أحيانا أن اللي يمرون عليها بنات من الكلام اللي ينقال لها ومن شكلهم، وهي تمشي كانت وراها بنتين ماتدري تسمي اللي لقته منهم معاكسه أو كلام عادي، كانو يتلفظون عليها بكلمات مثل : ياحلو أنت ، ياويلي ويلاه ، عطنا وجه ياقمر ، وغيره من الألفاظ اللي ماتنقال ، و يوم وصلت للكلية القديمه سألت بنت عن قسم التاريخ ، قالت لها البنت بخبث وهي مبتسمه : إذا تبيني أجاوبك عطيني بوسه ، ساره بعد الموقف هذا قررت انها ماتسأل حد عن شي ، دقت على جوال خالتها مشاعل وماردت ، كانت مشاعل بالمحاضره ، ساره تورطت ماتعرف وش تسوي لأنها ماتدل شلون ترجع للكلية الجديده ، وبعد مده يدق جوالها ........
ساره / ألووووو..
فوز / ساره وينك انتي ؟
ساره / انا بالكلية القديمه..
فوز / من معك ؟
ساره / محد معي ، كنت رايحه لمشاعل خالتي بس مالقيتها..
فوز (معصبه) / ساره انتي مجنونهه ، ليش تروحين هناك بروحك ، انتي ماتدرين هناك وش يصير ، انتي وينك بالضبط ؟

ساره / والله مدري بس أشوف هنا مصلى..
فوز / اسمعي يالخبله ، اوقفي مكانك ولاتتحركين ولاتتكلمين مع حد ، ألحين أنا بجيك..

ساره كانت مستغربه شوي لأن فوز عصبت يوم درت انها راحت بروحها ، وشوي وتجي فوز مع وحده من صديقاتها ياخذون ساره ويرجعون لكليتهم ، وبالكافاتيريه فوز فهمت ساره ليش المفروض ماتروح لهناك بروحها ، قالتلها فوز وصديقاتها عن حادثة الإغتصاب اللي صارت هناك ، والتحرشات اللي تصير للبنات ، كان فيه مجموعه من البنات الشواذ يراقبون البنات اللي يجون للكلية القديمه ، والبنت اللي يعجبهم جسمها مثلا والا شكلها يختارونها علشان تصير ضحيتهم ، ساره خبرتهم عن الي صار لها وهي تمشي ، قالت لهم عن البنت اللي جت بجنبها وحطت يدها حول خصرها وهي تقولها : كيفك ياحلوه ، كان شعرها قصير (بوي) وحتى طريقة كلامها ومشيتها ذكوريه مافيها أي انوثه ، وخبرتهم عن المواقف الثانيه اللي صارت لها ، لما رجعت ساره لبيتهم كانت مرعوبه من اللي صار لها ، وكانت تحمد ربها أن محد سوالها شي وهي تمشي بروحها ........


************************************
العطله جت ، وجا اليوم الموعود او يوم السعد لاميره ، يوم زواجها ، الصاله مزحووومه بالضيوف ، والمغنية (الطقاقه) شاده الهمه ، من اغنيه لأغنية ، والكل يرقص ، بنات وحريم ، أشكال وألوان ، فيهم الزين وفيهم الشين ، وصديقات أميره وأختها شايلين العرس فوق روسهم ، ساره قبل ما تروح لقصر الزواج قابلت بدر علشان يشوفها وهي متزينه ، طبعا الولد انجن عليها مع انها مو اول مره تطلع حلوه ، ريم بعد استغلت الفرصه وخلت خالد يجيها الشرقيه علشان يشوفها ، وبالقصر ساره ولطيفه وفوز وندى ورنا وريم والعروس أميره وأختها وضحى .....
ساره / أمووووور تجننين..
لطيفه / الله يعين سلطان اليوم بينجن مسكين..
ندى / ياحليلها اموووور مستحيه مننا وشلون لو سلطان يقولها هذا الكلام..
أميره / خلاص أحرجتوني وربي..

البنات قبل الزواج كانو متدربين مع بعض ومقررين أنهم يسوون حركه قبل لاتدخل العروس ، كانو يتجمعون ويسوون بروفات على الدخله ، طبعا الدخله اللي بيسوونها من تصميم وأفكار دميجة سوير ..
دانه / يلا يابنات تجهزن ألحين بيبتدي عرضكن..
ريم / يلا نلبس..
كانت كل بنت لابسه مثل العباية الكتف مخصره ومفصلة على جسم كل وحده منهن بس بلون أبيض ، يعني كان لبسهم مابين الثوب الرجالي والعباية الكتف النسائية ، وكل بنت كان يلف خصرها مثل الشال بلون يختلف عن الثانية ، وكل وحده فيهن ماسكه عصا خيزران وحاطه على راسها شماغ بس ملفوف بالطريقه الإماراتية ........
تدخل البنات ويرقصن على أغنية علي بن محمد (هيل الله) ، كان الكل منبهر من العرض اللي البنات مسويينه ، ساره في المقدمه وبعدها ريم ولطيفه وفوز ، كانت حركات الرقص حلوه ومميزه وموحده ، ساره في الدخله هذي جمعت مابين الإماراتي والسعودي في الحركات والرقص ، طبعا أول ماخلص العرض تفاجأت ساره والبنات بتصفيق المدعوات وإعجابهن بالعرض ، أول مابدلو البنات ملابسهم وطلعوا للضيوف كان الكل يسأل عن اللي صمم العرض هذا وحركاته ، وكان الكل معجب بطريقة رقصهم ، كانوا الحريم يسألون عن البنات ومن أي عايله ، ساره كانت الأجمل مابين صديقاتها بدون مبالغه ، والعيون كلها عليها.....
بعد العرض هذا أضواء الصاله كلها انطفت ، وهذا إعلان عن دخول العروس ، تدخل أميره بخطوات بطيئة على موسيقى كلاسيكية ، المصوره قدامها بالكاميرات والفلاشات وصديقاتها على جوانب ممر الكوشه ، وحده ترتب أطراف الفستان ، ووحده تعدل الطرحه ، والثالثه مهتمه بذيل الفستان ، أميره كانت حالها مثل حال أي عروس ، أطرافها ترتجف من التعب ومن الخوف ، العيون تناظرها وتراقب خطواتها وحركاتها ، كأن العروس بعرض والمعازيم هم لجنة الحكم ، بس الظاهر أن أميره فازت بالعرض ، لأن الكل كان يتكلم عن العروس وجمالها وعفويتها حتى بإبتسامتها، مو مثل بعض العروسات البسمه يالله تطلع منهم وإذا طلعت بتصنع ومن دون نفس ، وتاخذ أميره موقعها على الكوشة ، وأول ماجلست نادت أختها وضحى وطلبت منها تروح للطقاقه ........
الطقاقه بالمايك / العروس تطلب من صديقتها ساره أنها تجي مكاني وتغني لها أغنية يامنيتي (أغنية يامنيتي كانت المفضله عند أميره ودايم تطلب من ساره أنها تغنيها لها)..
طبعا الكل أول ماسمع الطلب هذا قام يصفق ويصفر ، ساره مستحيه ورافضه أنها تقوم ، وخوياتها متعاونين عليها علشان يقنعونها انها تنفذ اللي طلبته منها أميره.........
ريم / يلا قومي..
فوز / يلا كيد عذالك حبيبي ، هذي فرصتك يلا..
ساره / أي فرصه الله يهديكم ، أستحي..
ندى (تسحب ساره) / يلا عاد اليوم يوم أميره ، لاتردين طلب العروس..
ساره / لا ما أبي..
رنا / يلا سوير قومي الكل متحمس يبي يسمع صوتك..
لطيفه / توي جايه من عند خالاتك يقولون لك إذا ماتقومين بيجون وبيشيلونك وبيودوك فوق عند المايك..
ريم / يلا سوير لاتكسفين أميره ، شوفيها قاعده تناظرك..
ساره / طيب طيب بقوم ، لاحول ولا قوه إلا بالله..

وتقوم ساره وتروح عند المايك ، وهي تمشي الكل كان يشجعها ويصفق لها ، الكل كان متحمس يبي يسمع صوت البنت هذي اللي إسمها ساره ، وفعلا وصلت ساره ، وأول ماوصلت سلمت عليها الطقاقه ، وطلعت لها كلمات الأغنية ووصتها انها ماتخاف ولاترتجف ........
الطقاقه / لا تخافين ولاترتجفين وخلك واثقه من نفسك ، حاولي انك ماتناظرين المعازيم ، أبي أسمعك تغنين حلو..
ساره / ههههههه إدعي لي..
ساره (ماسكه المايك تغني) / يامنيتي ياسلا خاطري ، وانا أحبك ياسلام....

وعلى صوت ساره قام الكل يرقص وأولهم صديقاتها ، كان الكل منبهر من صوتها ، خالاتها سمعوا كثير من الحاضرات يمدحون صوتها ، البعض منهم يقول : والله صوت البنت أحلى من المغنية ، والله نبرة صوتها مرره حلوه ، صوتها فيه شوية بحه ، جمال وقوام وصوت حلو ماشالله ، والله لو أقول لوليدي والله يجن يبيها ، لاياقلبي انا من زمان أدور لرائد بنت مثلها ، ماشالله الحيا محليها اكثر .....

وأول ماخلصت ساره تفاجأت كان الكل يصفق ويصفر بحراره ، حتى الطقاقه انهبلت عليها وطلبت منها أنها تغني معهم ، ساره طبعا ضحكت من طلب الطقاقه وقالت لها مشكوره بس صوتي حصريا للأهل والأصدقاء ، نزلت ساره من الكوشه وهي تمشي نادتها حرمه من بعيد ، ولما راحت لها سألتها عن إسمها ومن أي عايله وكم عمرها ووش إسم أمها وكم رقمهم ، كانت الحرمه ماسكه يدها وهي تقول ماشالله لاإله إلا الله ، ومره تمسك شعرها وتمسح عليه ومره خدودها ، ساره ذابت من الحيا وقالت لها عن إذنك خالتي ومشت لصديقاتها.....
ريم / أنعن يومك ياسوير الكل انهبل عليك..
فوز / الله يعينك ، الخطاب بكره على باب بيتكم..
ساره / والله كان حلو ؟
ندى / تمزحين ، صوتك كان يجنن
رنا / ليش راحت وجت على الصوت ، الحريم كلهن يتكلمن عنك ، وحده تبيك لخويلد ووحده لفيصلوه ووحده لنوافوه والثانيه لمفلح والرابعه لمناحي والخامسه لمصيوول..
ساره / ههههههههه الله يرجك يارنا..
لطيفه / مالت علينا محد إلتفت علينا ، بس بجد سوير أنتي نجمة العرس من بعد العروس..
ريم / بعد عمري أمووور شوفيها ، والله انها انبسطت حيل يوم غنيتي لها..
ساره / يلا نروح نسلم عليها ونصور معها قبل لايدخل سلطان وسعود أخوها..
راحو صديقات العروس وسلمو عليها وصورو معها ، وشوي ودخل اخوها سعود وابوها مع سلطان المعرس ،
يوم يدخل اخو أميره سعود كانت وضحى أخته جالسه مع صديقات العروس ، بعض منهم طلبو منها أنها تناديه علشان يلتفت بيشوفونه ، وفعلا نادته والتفت وابتسم ، البنات انجنو عليه ، اللي تقول ياملحه ، واللي تقول أخوك يهبل ، واللي تقول أنتي وأميره احلى ، وبكذا مر اليوم على خير الكل انبسط والكل بارك للعروس والمعرس على زواجهم .....

(الجزء الحادي عشر)
خالد / وشرايك ريم أجيك بالشرقيه ونروح لشقة خويي..
ريم / لاااااااا والله ، وليش مانروح مطعم مثل كل مره..
خالد / ياقلبي انتي شفتي وشلون الكل يناظرنا..
ريم / هذا يصير بالرياض موبالشرقيه ، أنا ماشفت شي من اللي تقوله..
خالد / ريم انا أبي اجلس معك بمكان فيه خصوصية أكثر..
ريم / ليش ؟
خالد / بدون ليش ، أبي أخذ راحتي معك..
ريم / أنا أخاف ، ممكن يجي خويك وحنا بالشقه..
خالد / لا لاتخافين ، خويي شقته بالخبر وحنا إذا بنجي راح يكون هو بالبحرين..
ريم / مدري عنك..
خالد / يلا ياقلبي ، مو كل مره تجينا هالفرصة..
ريم / يلا أمري لله مقدر أرفض لك طلب..
خالد / ياروحي انتي ، وأنا وش اللي مجنني فيك غير كذا ، خلاص انا اضبط وضعي واجيك يوم الخميس انشالله..
ريم / اوك ، الحين انا بروح لأمي علشان اقولها اني بطلع يوم الخميس..
خالد / بس انتبهي لحد يشك فيك ، انا كل شي عندي يهون الا حبيبتي ريومه يجيها ضرر..
ريم / طيب استأذنك أنا..
خالد / مع السلامه..

******************************
وفي بيت أبو فيصل ، ساره أغلب الوقت بفراشها وحامله اللاب توب على رجولها ومن منتدى لمنتدى ، ومن شات لشات ثاني ، ومن فلانه لعلانه على المسنجر ، مره تضيف موضوع من كاتابتها على منتداهم وتستقبل ردود الأعضاء ، ومره تستهبل على ابو ركبه بالشات وغيره من الشباب ، ومره تكلم خوياتها على المسنجر و أغلب الأحيان زوجة خالها......

أم فيصل / ساره انزلي اجلسي معنا شوي طول الوقت وانتي على اللاب توب هذا..
ساره / يمه قاعده أكلم روان زوجة خالي على المسنجر..
أم فيصل / سلميلي عليها ، واسأليها متى بتجي السعوديه..
ساره / طيب يمه..
أم فيصل / ولاتتأخرين ، ابيك بموضوع..

ساره / انشالله ياام فيصل..

وتطلع أم فيصل وتكمل ساره سوالفها مع روان زوجة خالها (روان زوجة خال ساره فهد اللي أكبر من محمد بسنتين ، روان أو أم تركي رايحه لأمريكا في بعثة دراسة ، تزوجت فهد وهي تحبه بس هو لا ، والسبب انه أخذها مو برضاه ، لأنه كان على علاقه فيها ولما عرف ابوها انه يطلع مع بنته أجبره أنه يتزوجها ، ويوم قررت روان أنها تسافر مافكر حتى يمنعها وكأنه يبيها فرصه علشان تفارقه ، حتى غيره عليها ماعنده ، مع أنها زوجته وأم ولده بس الإحساس إذا تبلد تبلد ، طبعا جابت منه تركي وسافرت عنه وعمره سنه ونص ، وقبل لاتسافر كانت بتتطلق من فهد بسبب ظروفهم ، فهد يمكن أكثر رجال في العالم يكذب ويحتال على الناس وأولهم اهله ، ديونه تركبه فوق راسه وكلن يطالبه بشي ، عنده علاقات مع بنات لين ألحين ، والفرق بين روان وفهد سبع سنين ، سفر روان وتضحيتها بتركي كان علشان تحمي نفسها وولدها ويصير عندها سلاح تحمي نفسها فيه لأنها ماتضمن حياتها مع فهد ، طبعا ظروف روان مع فهد خلتها تتعرف على مشاري ، مشاري مهندس كبير في أرامكو وهو اللي ساعدها على السفر لأمريكا وجهز لهااوراقها ، المهم أن روان كانت ومازالت من أقرب الناس لساره ، بس بعد سفرها زادت علاقتها فيها أكثر حتى أن روان دايم تقول لساره أنها توأم روحها ، كانت تقولها الأحداث اليومية اللي تصير معها هناك بأمريكا ، وهي الوحيده من بعد لطيفه اللي تدري عن علاقة ساره ببدر).....
ساره / هلا روانوه ، وينك انتي..
روان / انا باللايبرري..
ساره / انعن ام الثقافه اللي تسذا ياشيخه..
روان / هاااااااااا وش أخبار بدر معك ؟
ساره / يجنن ، على فكره تراه يسأل عنك..
روان / والله وش يقول ؟
ساره / يسأل عن أخبارك..
روان / تسأل عنه العافيه ، الا ماأقولك سوير..
ساره / خير..
روان / اليوم رحت للنايت كلوب ، وتعرفت على شاب أمريكي يجنن..
ساره / والله ، لاتقولين يشبه براد بيت..
روان / لااااااااااا ، جريك زنجي..
ساره / زنجي وأسمه جريك ؟
روان / بس يجنن ، أقولك أحلى ولد في الكلوب هو..
ساره / طيب وش صار ؟
روان / انتبه لي وأنا اناظره وجا وقالي بكل أدب وغزل ليش تناظريني..
ساره / طيب..
روان / قلتله أنت عاجبني ، وقالي انتي بعد عاجبتني ، وش رايك ترقصين معي..
ساره / طبعا انتي ماصدقتي على الله..
روان / اييييييييه ، قمت ورقصت معه بعدين عطاني رقمه..
ساره / شوفي ياويلك لو تدقين عليه ، خلك ثقل..
روان / لا لاتخافين ماراح أدق ، بس والله لو تشوفينه ياسوير تنجنين عليه..
ساره / لااااااااياقلبي خليه لك ، أنا عندي دنيتي بدر عمري مالي عيني وقلبي بعد..
روان / ياعيني على الحب ياجولييت ..
ساره / الا بقولك ، أنتي جد بتجي بعد شهرين..
روان / هو تولد يو ؟
ساره / زوجك بعد مين..
روان / أمانه سويروه فهد يسأل عني أو يتكلم عني..
ساره / خلينا نشوفه أول بعدين نسولف معه..
روان / ليش مايجيب تركي بيت جده..
ساره / إلا يجيبه ويطلع ، بعد عمري تركي تدرين إنه ينادي مها ماما..
روان / تصدقين ياساره تركي بس اللي ندمانه على فراقه..
ساره / أفااااااااااا وأنا وين رحت..
روان / وأنتي بعد ياقلبي ، ساره ماتحسين أن فهد مرتاح يوم سافرت عنه..
ساره / ليش تقولين كذا ؟
روان / صدقيني ياساره أنا أحب فهد بس ما احسه يبادلني هذا الشعور ، وتراه هو اللي خلاني أكون علاقه مع مشاري ، لأني أحس اني جدار عنده مو أكثر ، ماأحسه يغار علي مثل زوج وزوجته ، أحسه كان يكذب علي قبل لانتزوج ، ماكان يحبني..
ساره / حرام عليك محد منظر غيرك من هالتفكير ، طيب قوليلي تحبين مشاري أنتي ؟
روان / مشاري حسيت فيه حنيه ماحسيتها بفهد ، مشاري يهتم فيني ويخاف علي ويغار علي ، يحب يعرف وش اللي أحبه ووش اللي أكرهه ، ووش اللي يضايقني واللي يسعدني..
ساره / مدري عنك ، مدري ياروان الومك وإلا اعذرك بهذا الشي..
روان / أدري أني نذله لأني متزوجه وأطلع مع شخص ثاني ، بس والله كل اللي سويته غصبن عني..
ساره / لاتقولين عن نفسك كذا ، بس ياروان حتى ولو اللي سويتيه صعب..
روان / كيف يعني ؟
ساره / أنا أعرف متزوجات يخونون أزواجهم ، كنت دايم اتعجب من هذا الشي وأقول شلون يسمحون لأنفسهم أنهم يسوون شي مثل كذا ، يعني هم يخونون أنفسهم قبل أزواجهم ، بس أنتي بسبب ظروفك الصعبه ، وبعدين اثنين وعشرين سنه صغيره علشان تمرين بظروف مثل كذا ، بس بعد هذا مايبرر اللي سويتيه..
روان / تصدقين ياسوير اني احبك..
ساره / هههههههه (وجه مستحي) تهكين علي..
روان / قسم بالله ياساره أني أحبك..
ساره / وأنا بعد ياروان..
روان / الله يخليك لي والله لو أني ما أكلمك كان من زمان مدري وش صار فيني وأنا بالغربه..
ساره / أنا بتركك ألحين طيب امي تقول تبيني بموضوع ، وعلى فكره تراها تسلم عليك..
روان / الله يسلمك ويسلمها ، يلا روحي وانا بعد عندي كلاس ناو..
وتروح ساره وتنزل تحت لأمها .........
ساره / هاااا يمه وش بغيتي ؟
أم فيصل / أجلسي وأنا اقولك..
ساره / وهذاني جلست ، خير ؟
أم فيصل / ياحليلك ياساره كل ماكبرتي صرتي قمر..
ساره / أنا على طول قمر يمه ، بس ليش هالمقدمه..
أم فيصل / ههههههه ولايتغير طبعك ، المهم تذكرين يوم عرس أميره خويتك..
ساره / أي يمه أذكر وشلون أنساه..
أم فيصل / من هذاك اليوم لين ألحين وكل مره تجيني حرمه تطلبك لولدها أو لأخوها أو لولد صديقتها ، عاد شفت أزين واحد فيهم والأنسب لك ، إسمه .....
ساره (تقاطعها) / يمه معليش بس أنا لسه ماخلصت جامعه..
أم فيصل / أدري ، أنتي أملكي ألحين بعدين أعرسي ، ترى الولد زين وأهله أزين ، وتراه مايتطوف ، والجماعه ينتظرون كلمه منك..
ساره / يمه وبعدين..
أم فيصل / الجماعه شارينك ويتمنونك لولدهم ، الولد ماشالله ملح ومركز وسمعه ، وأهله معروفين ومايعوقه شي..
ساره / بس أنا ماأبي..
أم فيصل / ساره حبيبتي خليني أفرح فيك ، حرام عليك ودي أشوف عيالك..
ساره / بس أنا ما ودي ياأم فيصل..
أم فيصل / والله لو ماتوافقين لأزعل منك ، كم واحد تقدم لك وكل مره تطلعين فيه عيب والا عذر علشان ماتوافقين ، الولد هذا ماشالله مايعيبه شي ، يعني مالك أي عذر..
ساره / طيب بفكر..
أم فيصل / يابعد عمري يابنيتي..

وتروح ساره لغرفتها تفكر بكلام أمها وكيف إنها لو وافقت راح تخسر بدر للمره الثانية ، راحت تفكر في بدر وكيف إن القدر مو راضي يجمعهم مع بعض وبكت من قلبها ، بس لوحلمها يتحقق ، دايم تحلم أنها تجتمع مع بدر في بيت واحد ، تتخيل كيف لو انهم تزوجو راح يكونون أسعد شخصين بالدنيا ، تحلم فيه لما يرجع من دوامه بعد انتظارها وشوقها له تستقبله وتضمه وكأنه غاب عنها سنين ، حبها له كان دايم يخليها تفكر كيف تسعده وتريحه ، وهي تبكي يدق جوالها ، بدر يتصل سبحان الله محد غيره يحس فيها، بس ماتقدر ترد عليه وهي بذي الحاله وش تقوله وش تفهمه ، تقوله أنا مستحيل أكون لك ، تقوله ان الظروف والأيام مو راضيه تجمعهم بالحلال ، علشان كذا قررت أنها ماترد عليه الا بعد ما تهدى شوي ........


(الجزء الثاني عشر)
سلطان وأميره ، وأميره وسلطان ، مر على زواجهم تقريبا خمس شهور ، زواجهم أكبر مثال على الزواج الناجح ، وحياتهم مع بعض والسعاده اللي تغمرهم وحبهم المجنون لبعض يبين حتى بعيون كل واحد منهم ، كانت أميره وسلطان أكبر دليل على أن الحب مو ظروري يجي بعد الزواج ، وأن الحب اللي قبل الزواج مو ظروري يختفي بعده ، على العكس يكبر ويدوم ويقوى أكثر من قبل.......

أميره بالمطبخ وسلطان جالس بالصاله عند التلفزيون ، يرن جرس الباب ........
أميره / سلطان حبيبي أفتح الباب لاهنت..
سلطان / طلباتك أوامر ياحلو..
ويروح سلطان ويفتح الباب ........
سلطان / هلا والله ، هلا بولد العم ، حياك سعود حياك..
سعود / تسلم ياسلطان..
سلطان / ياحرمه تعالي سلمي على أخوك..
أميره / هلا سعود كيفك ؟
سعود / بخير الله يسلمكم..
أميره / وانت ليش ماتزور أختك يالقاطع..
سعود / أنتو خلوني أتفضل بعدين ابدو بالعتاب..
سلطان / معليش وأنا أخوك تفضل حياك..
سعود / ماشالله شقتكم مره حلوه..
أميره / اكيد ، ذوق أختك وشلون ماتصير حلوه..
سلطان / ذوق أخته بس وأنا وين رحت..
أميره / أنت بعد ياقلبي ولاتزعل..
سعود / أحم أحم..
سلطان / طيب معليش سعود أنا بتركك مع وخيتك ، بروح للسوبر ماركت بجيب كم غرض وبجي ، ماراح أتأخر ، ربع ساعه وأنا عندكم..
سعود / لا عادي خذ راحتك ، مو تو تقول البيت بيتي..
سلطان / وأنا ماكذبت ، يلا مع السلامه..
أميره / أنتبه لنفسك حبيبي طيب ، حيالله سعود..
سعود / الله يحييك أموور ، كيف سلطان معك..
أميره / والله يجنن..
سعود / أميره أنا بقولك شي قبل لايجي سلطان ، بس مستحي منك..
أميره / أفا ياسعوود تستحي مني أنا ، خير وش بغيت ؟
سعود / أنا بدخل معك بالموضوع على طول ، بصراحه أنا يوم عرسك وأنا وأبوي داخلين الصاله نادتني أختك وضحى وإلتفتت لمها ، ولما التفتت لمحت بنت وش أقولك ، فاتنه مو بنت ، كانت جالسه بجنب وضحى ، اهي لما انتبهت اني شفتها غطت وجهها ، وأنا بصراحه من يوم عرسك لين ألحين والبنت في بالي وأبيك تخطبينها لي..
أميره / هههههههه..
سعود / ليش تضحكين ؟
أميره / حبيتها يعني ؟
سعود / مو حبيتها ، بس دخلت مزاجي ، ويوم عرفت منهي البنت ، دخلت مزاجي أكثر وأكثر..
أميره / ومين سعيدة الحظ تطلع ؟
سعود / أنا وصفت شكلها واللي لابسته لوضحى ، وقالت لي أنها تطلع ساره خويتك..
أميره / ساره ماغيرها ؟
سعود / ايه..
أميره / تصدق ، والله وعرفت تختار..
سعود / والله أمووور ؟
أميره / أي والله ، أجل أمزح معك ، ساره هي البنت اللي أتمناها لك..
سعود / تكفين أميره كلميها بالموضوع وشوفي وش رايها على شان أقول لأمي ونتقدم لها..
أميره / وراك مستعجل كذا ؟
سعود / بصراحه البنت سكبه ، انعن يومها عليها جمال مانخلق لغيرها..
أميره / أنت اذا بتفكر بجمالها بس ، ماراح أخطبها لك ، ساره فيها أشياء أحلى من جمالها..
سعود / أنا حسيت كذا من كلام أمي ووضحى عنها يوم رجعو من الزواج ، كانو يمدحون فيها..

أميره / طيب ياعنتر أنا ماراح أكلمها مباشرة في الموضوع ، أنا بجس النبض على مايقولون..
سعود / طيب متى بتجسين القبض مدري النبض..
أميره / ههههههه وش فيك متدوده ، أول مره أشوفك كذا تصدق ، على العموم أنت اصبر وتجيك العلوم..

***************************
صار لهم يومين كلن ماسمع صوت الثاني ، الشوق عنده يتحرك ، والقهر بداخلها يزيد ، ماتدري وش تقول والا بإيش تتصرف ، حياتها معه يمكن قريب وتنتهي ، والسبب مثل السبب اللي كان قبل سنتين ، الظروووووف........

بدر / ألوووو..
ساره / هلا بدر..
بدر / هلا والله ، وشفيك هاليومين مادقيتي ولارديتي علي ، خوفتيني عليك وش صاير ؟
ساره / ماصاير شي ، بس..
بدر / بس ايش ؟
ساره / تعبانه شوي..
بدر / كذابه ، ساره أعرفك أنتي في شي مضايقك ، أنا ضايقتك شي ، في حد من أهلك زعلك..
ساره / لا والله..
بدر / أجل وشفيك ؟
ساره / بدر تدري أنك لو تتركني يمكن أمووت..
بدر / بسم الله عليك ، لاتقولين كذا لا وربي أزعل منك..
ساره / يعني ماراح تخليني..
بدر / مستحيل أتركك لو أيش ، بس أنتي قوليلي وش فيك ، صاير شي..
ساره / بصراحه صارت لي سالفه ضايقتني حيل..
بدر / وش السالفه ، قوليلي يمكن أساعدك..
ساره / ماأظنك تساعدني وحتى لوتقدر أنت مو مجبور تساعدني فيها..
بدر / طيب أنتي قوليلي ياقلبي..
ساره / والله مدري إذا قلتلك أكون سويت الصح وإلا الغلط..
بدر / قسم بالله انك خوفتيني ، تكلمي..
ساره / بدر أنا ، .....انا انخطبت..
بدر / ..........
ساره / في واحد تقدم لي وأمي تبيني أوافق عليه ، حاولت أتعذر بالجامعه بس قالت لي نملك الحين والزواج بعدين ، وأنا بصراحه ماأبي ، بس مدري شسوي أمي بتزعل مني لو ماوافقت ، ولو رفضت أهلي بيشكون فيني..
بدر / مافي طريقه ترفضي فيها الزواج هذا ؟
ساره / لا..
بدر / ...........
ساره / وش فيك ساكت ؟
بدر / ساره انا أتركك ألحين طيب ، بنام..
ساره / بس كذا ، طيب مع السلامه (وقفلت)..

ساره تضايقت من بدرها لانها ماتوقعت تكون ردة فعله بارده بهذا الشكل ، كانت متوقعه منه يقولها انا بتقدم لك ، او ولا يهمك من بكره بخطبك ، أو أي شي يبرد النار اللي بقلبها ، بس بدرها خيب ظنها ، وهذا الشي خلاها تقرر أنها تبعد عنه ، وفعلا قررت ساره انها ماترد عليه وتنساه ، لأنه بإعتقادها انها هي الوحيده بهالعلاقه اللي تقوم بالتضحيه ........


(الجزء الثالث عشر)
مر على علاقتهم سنه كامله ، ريم كانت دايم تفكر في شي حول علاقتها بخالد وودها تمحي علامة الإستفهام بنقطه على آخر السطر ، وهذا الشي أو هذا الموضوع هو الزواج.......
ريم / خالد حبيبي ممكن أسألك سؤال..
خالد / تفضلي ياقلبي..
ريم / أنت من عرفتني لين ألحين مافكرت فيني بشكل ثاني..
خالد / كيف يعني مافهمت ؟
ريم / يعني أنا طلعت معك مثل ماتبي ، ونفذت لك كل اللي طلبته ، مو كل هذا معناه أني أحبك..
خالد / أدري أنك تحبيني ، وأنا بعد احبك وانتي تدرين بهذا الشي..
ريم / طيب مدام أنك تحبني مافكرت في يوم أني اكون لك لوحدك..
خالد / ريوووومه حبيبتي عن الألغاز قوليلي وش قصدك ؟
ريم / يعني أنا أقول ماعمرك فكرت أني أكون معك للأبد..
خالد / وش تبي توصلين له ؟
ريم / خالد أنا بقولها لك بصراحه ، أنت ماعمرك فكرت فيني بالحلال ؟
خالد / قصدك اتزوجك ؟
ريم / أيه..
خالد / لا طبعا..
ريم / وليش تقولها وأنت واثق ؟
خالد / هذا اللي ناقص ، أتزوج وحده ارخصت نفسها لي..
ريم / كيف ، انت مو تقول أنك تحبني وواثق فيني..
خالد / احبك أي قلتها لك ، واثق فيك نعم واثق فيك كخويتي ، بس مو لدرجة اني اتزوجك..
ريم / يعني أنت تكذب علي..
خالد / دام تفكيرك وصل لكذا أحب أطمنك وأقولك لا أنا ما أفكر فيك كزوجه ، أنتي ماحافظتي على نفسك مني وشلون تبيني أثق فيك إذا تزوجتك ، وشلون بتحافظين علي كزوج ؟
ريم / خالد أنا أحبك ومستحيل أفكر أني أخونك وأنت تدري بكذا..
خالد / لاياحبيبتي أنسي ، ومدام هذا اللي تفكرين فيه انسيني انا بعد ، حلوه كل ماكلمت بنت تزوجتها ، الدنيا سايبه وانا مدري..
ريم / الحق علي أنا اللي وثقت فيك كل هذي المده ياحقير..
خالد / هههههههههه حلوه هذي ، يعني انتي طول المده اللي كنتي فيها معي تفتكريني بتزوجك ؟
ريم / أنا الغبيه اللي خنت ثقة امي علشان شخص مثلك..
خالد / أنتي اللي سويتي كل شي برضاك محد جبرك على شي..
ريم / رح الله لايوفقك وجعلك تشوف يوم بأهلك ، رقمي ابيك تمسحه وماتدق علي مره ثانيه ، تقلع يلا..

وتقفل ريم السماعه من خالد وهي مقهوره ودموعها على خدودها ، اليوم حست بإهانه كبيره من اللي وثقت فيه وحبته وافتكرت انه يبادلها هذا الحب ، لامت نفسها على كل شي قدمته له ، لامت نوف اللي عرفتها عليه وهي بدورها صدقت كل كلمه قالتها لها ، بس من اليوم ريم بتنسى خالد لأن عندها عزة نفس تمنعها من انها تذل نفسها لأي شخص حتى القريب لها ...

***********************
لي قلبن اليوم فارقته..
ولي دمعن على خدي نثرته..
وصدى آهات وآلام للدنيا أطلقته..
خفوقي اليوم ماحييته قتلته..
وكلامك اللي وصلني جرحن قبلته..
ياعباد الله كلي اليوم فقدته..
ياجرحي من الفرقا على ذكرى همسك حبيبي هيجته..
يرحم الله خفوقن بالمحبه ملكته..
بعدك حبيبي وش الدنيا تتسمى علمني وش تكون..
كل الناس تهون عندي إلا انت ماتهون..
محد غيرك صدقني على قلبي يمون..
لاكان ، ولاصار ، ولاهو بيكون..
أنت اللي تعرف مافيني وتدري بالنون ومايعلمون..
ولو جمعت كل الأحاسيس وأنواع الشجون..
مايوصل حد لحبي لك لويقولون ولوما يفعلون..
ولاتفتكر أني بالبعاد أبنسى أو أخون..
لاوالله أني مانسيتك ولاهم يحزنون..
وشلون أبنسى صاحب الطرف الحنون..
وقلبي وعقلي اجتمعوا على العهد لك يوفون..
لو بتنشدني عن أحوالي أقراها من بين الجفون..

بحبك اليوم أبشرك وصلت لحد الجنون..
وشوقي لهمسك غدا مثل الطعون..
ماترحم اللي بحبك حاله من حال أسير السجون..
لو لحظه أشوفك تجيني أفراحي من كل شكل ومن كل لون..
ولو أني ماأشوفك ألقى صورتك في كل العيون..
وياليل من دونه بتسريني مغبون..
ورقادي ماهو بالفراش إلا بالكفون..
ويايومي اللي بيجي كن أو لا تكون..
من بعدك يابدر قلبي بيرد محزون..
وأنا من دونك عاشق راس ماله عشقه والظنون..
و صدق من قال : لله في خلقه شؤون..


قرارها كان صعب عليها ، وعليه كان أصعب ، بس ماكانت تقدر تجبره أنه يتصرف بأي تصرف هو نفسه مو مقتنع فيه
او مو اهو اللي مققره ، كانت دايم تكرر عباره قرتها مره في كتاب من الكتب ،وكانت تؤمن فيها ، الحب مشاعر قلبيه لاسيطرة للإنسان عليها ، والقلوب بين اصبعين من أصابع الرحمن يقلبها كيف يشاء ، ولولا أن الحب من أغلى الأشياء ، لما ذهب كثير من زمن الأنبياء فيه ، وقد جاء تأكيد النبي صلى الله عليه وسلم لهذا المفهوم بأن نار الحب إذا اشتعلت لا يطفئها إلا النكاح ، وذلك بقوله : (لم ير للمتحابين مثل النكاح) ابن ماجه ، بس بعد ردة فعله تأكدت أن حبها له تعدى حبه لها بمئة مرحلة ، تأكدت أن حب النفس عنده أقوى من حبه لها........

مشاعل / وينك أنتي من مان مازرتينا ؟
ساره / مشاغل الدنيا..
مها / تكفين ياهيلاري كلنتون..
ساره / وعععععع ، ألحين مااخترتي الا السحليه هذي تشبهيني فيها..
محمد (يدخل) / ايه والله كل هالجمال وهالدلال تقارنيه بالعجوز الشينه هذيك..
دانه / جا المحامي الخاص للآنسه ساره..
ساره / يالله تكلمو العذال..
محمد / كل شي الا بنت أختي لحد يغلط عليها ، هذي الغاليه..
مشاعل / وأنا بعد مع محمد ، لحد يغلط على أول حفيده..
مها / من قدك يالنسره الكل واقف بصفك..
يدق جوال محمد ويطلع من عندهم .......
محمد / ألوووووو ، هلا والله ، متى ، ألحين ، أنتظرك بالمجلس عندي ، لاتطول ، الله يسلمك..
يخلص محمد مكالمته ويرجع ويطق الباب ويدخل ........
محمد / ممكن طلب ؟
مها / أنت تامر مو بس تطلب..
محمد / وش صاير ، أكيد في مصلحه والا مو لله هالكلام الزين..
مها / أفا يامحمد ماهقيتها منك..
محمد / وين سوير ؟
مشاعل / راحت تكلم أمل بالثابت..
محمد / طيب ألحين بيجي خويي وأبيكم تصلحون شاهي وقهوه..
دانه / طيب خلي سوني تصلحهم..
محمد / لاااااا ، أنتو تدرون اني أنقرف ، ما احب الخدامات يلمسون شي لي..
مها / طيب ولايهمك أحلى شاهي وقهوه بيكونون عندك ، أي أوامر ثانية ؟
محمد / حطي لنا شوية حلى ، على كم حبة فاكهة..
مها / وغيره ؟
مشاعل / ماتبي مفطح ؟
محمد / أفكر إذا جا في بالي بعلمكم طيب..
دانه / بعد يتشيرط..
محمد / أنتي بالذات ماتتكلمين ، اللي يسمعك ألحين تحركين ساكن والا الشغل فوق دمجتك يامس tv على قولت بنت اختي..
دانه / طيب اوريك انت وبنت اختك ، إن ماحطيت الملح بدال السكر..
محمد / ياجماعه انتبهو لها طيب..
مها / ولا عليك كل شي تحت تصرفنا ، ارقد وآمن..
محمد / حلو حلو ، يلا هذاهو جا خويي..
ويروح محمد للمجلس علشان يستقبل ضيفه........
محمد / هلا والله ، هلا وغلا..
بدر / هلا بك..
محمد / تفضل أجلس حياك..
بدر / ليش ماجيت البارح للإستراحه كنت قاعد انتظرك..
محمد / والله مارجعت من الدوام الا متأخر وراحت علي نومه..
بدر / طافتك المباراة ، بعدين كنت ابي أكلمك بموضوع..
محمد / خيو وش موضوعه ؟
بدر / هو بصراحه موضوع خاص فيني..
محمد / خير يابدر محتاج شي ، ترى رقبتي سداده ولا يردك الا لسانك..
بدر / لا يابو حميد أعرفك ماتقصر ، بس أنا مو محتاج فلوس..
محمد / أجل وشفيك ؟
بدر / نشرب الشاهي بعدين أقولك..
محمد / لاياحبيبي وحنا نشرب الشاهي تقولي..
بدر / طيب..
محمد / يلا اسمعك تراك حمستني..
بدر / أنت تدري أني رحت ودرست علشان أرجع بشهاده وأتوظف بوظيفه زينه..
محمد / أكيد أدري ، عن المقدمات وأدخل بالموضوع..
بدر / بصراحه أنا ودي أتزوج..
محمد / والله أحلى خبر سمعته لين ألحين ، بس قولي حاط وحده في بالك أكيد..
بدر / ايه والله..
محمد / من أهلك اهي..
بدر / لا والله ماتقرب لنا ، بس أنا أعرف خالها..
محمد / تعرف خالها ؟
بدر / محمد انا أبي أخطب بنت أختك..
محمد / مين ساره ؟
بدر / عندك غيرها ؟
محمد / لا والله..
بدر / هاااا وش رايك ؟
محمد / بصراحه انت فاجئتني..
بدر / وشلون يعني فاجئتك ، لاتقعد تسويلي حركات أفلام ، قول وش رايك ؟
محمد / بصراحه إذا علي انا ماراح ألاقي أحسن منك..
بدر / تسلم ياخوي..
محمد / بس طبعا الراي الأول والأخير راي ساره وأهلها..
بدر / طيب تكفى كلم أختك وبنت أختك بالموضوع..
محمد / أبشر ومايصير خاطرك إلا طيب..
بدر / طيب أنا أستأذنك ألحين علشان تفاتحهم بالموضوع..
محمد / هههههه يارجال أجلس بس ، شفيك أكلمهم ألحين وراك مستعجل ؟
بدر / بصراحه إذا من جهة مستعجل فأنا مستعجل بجد ، وإذا تعزني كلمهم الحين..
محمد / ألحين صعبه يابدر ، بس بعدين أوعدك أني أكلمهم..
بدر / بعدين متى يعني ؟
محمد / هههههههه شفيك يابدر، اول مره أشوفك كذا..
بدر / بقولك شفيني بس بعد ماتكلمهم..
محمد / طيب ولا يهمك الليله اكلمهم..
بدر / طمنت قلبي الله يطمن قلبك..
محمد / والله امرك عجيب ، أنت اليوم مو طبيعي ، تقهوى بس تقهوى..

ويمر الوقت وبدر جالس مع محمد على أعصابه ، محمد كان مستغرب لأن بدر مستعجل بالخطبه بس بدر فهمه أنه مره شافها بالغلط وعجبته وهو ألحين يبيها زوجه له ، وقاله يكفي أنه خالها علشان يختارها تشاركه حياته ، وبالليل بعد ماطلع بدر.......

محمد / أم فيصل تعالي ابيك..
أم فيصل / أنشالله..
ساره / وش يبي محمد من أمي ؟
مها / والله مدري ؟
أم فيصل / خير محمد وش بغيت ؟
محمد / خير لا تخافين خير ، شوفي ياوخيتي أنا بدخل معك بالموضوع على طول..
أم فيصل / أسمعك..
محمد / تعرفين خويي بدر صح ؟
أم فيصل / أي أعرفه وشلون ما اعرفه ، ليش وشفيه ؟
محمد / حلو ، طال عمرك بدر اليوم كلمني عن بنتك ساره ويقول يبيها على سنة الله ورسوله ، وش رايك ؟
أم فيصل / أي بس يامحمد في ناس توهم خاطبين ساره..
محمد / أفاااااااا متى الكلام هذا ؟
أم فيصل / ماصار له شي..
محمد / طيب وش راي ساره بالموضوع ؟
أم فيصل / رايها من رايي طبعا..
محمد / طيب أنتو رديتو على الجماعه هذول ؟
أم فيصل / لا والله يامحمد..
محمد / حلو أجل تونا على البر ، ياأم فيصل ترى بدر خويي وأنا اعرفه وواثق فيه ، رجال والنعم فيه ، وأهله أنتي تعرفينهم عايله محترمه وما عليهم كلام..
أم فيصل / أكيد أعرفهم ناس والنعم فيهم أخلاق وسمعه طيبه ، بس اللي متقدم لساره ولد زين ومقتدر..
محمد / وبدر مو ناقصه شي الحمد لله توه راجع من أمريكا وعنده شهاده كبيره ومتوظف بأحسن وظيفه ، صدقيني ياأم فيصل بدر خويي وأعرفه أحسن من الغريب ، وتراه شاري بنتك..
أم فيصل / والله حيرتني..
محمد / طيب ليش ماتسألين ساره وشوفي من اللي تبيه وتختاره ؟
أم فيصل / مافي إلا هذا الحل ، إذا رجعنا البيت أكلمها..
محمد / أول ماتاخذين منها جواب ردي علي علشان اكلم الرجال ، طيب..

أم فيصل / أبشر..
بعد كذا أول ماوصلو بيت أبو فيصل للبيت ، ام فيصل قالت لبنتها تبدل ملابسها وتجيها ، ساره كانت متوقعه أنها تبي تاخذ موافقتها النهائية على موضوع الولد اللي متقدم لها ، علشان كذا قررت تعطيها الموافقه........
أم فيصل / ساره تعالي ابيك..
ساره / هلا يمه..
أم فيصل / اليوم في واحد تقدم لك..
ساره / لاحول ، مين بعد..
أم فيصل / واحد نعرفه وماشالله عليه كامل والكامل وجهه سبحانه..
ساره / .............
أم فيصل / ماسالتيني مين ؟
ساره / مايهم..
أم فيصل / اليوم خالك محمد قالي أن خويه بدر خطبك..
ساره / مين ؟
أم فيصل / بسم عليك ، بدر خويي خالك محمد ، شفيك مستغربه ؟
ساره / لا مستغربه ولا شي..
أم فيصل / وش رايك ؟
ساره / رايي في ايش ؟
أم فيصل / وش رايك موافقه وإلا لا ؟
ساره / ........
أم فيصل / خلصيني ترى خالك يقول أن الرجال شاريك وتراه مستعجل ، ياتفكرين ياتعطيني جواب الحين علشان أرد عليه..
ساره (مستحيه) / قوليله تقول مدري..
أم فيصل / شفيها الحلوه مستحيه ، يعني موافقه ياشيطانه..
ساره / يمه أنا بطلع لغرفتي..
أم فيصل / روحي وأنا ببشر خالك علشان يعطي الرجال كلمه..

وتطلع ساره لغرفتها والأرض مو شايلتها من الفرحه ، آخر شي توقعته أن بدر يفاجئها كذا ، أخيرا بيتحقق حلمها وتصير معه للأبد وقدام الكل .....
محمد / هلا أم فيصل ، هااااا بشري ؟
أم فيصل / لا ابشرك البنت موافقه..
محمد / خلاص أجل الجماعه بيزورونكم بعد يومين عقب صلاة العشا..
أم فيصل / كذا على طول ؟؟؟
محمد / أحسن علشان ترتاحين منها..
أم فيصل / بسم الله على بنتي والله ماأمل منها لو ايش..
محمد / الله يخليها لنا ، يلا خبريها لأن الجماعه يومين وهم عندكم..
*******************
بعدها بيومين أميره دقت على ساره ناويه تكلمها علشان سعود أخوها ، بس قبل لاتتكلم بشي ساره بدت وخبرتها عن موضوع خطبتها لبدر وان أهله ألحين عندهم ، طبعا أميره تضايقت حيل لأن كان ودها تكون من نصيب أخوها ، ومن جهة ثانيه لأن سعود لما يعرف بيتضايق مررره ، بس أميره باركت لها ولاكن شي صاير ، وبعد مكالمتها مع ساره دقت على سعود علشان تخبره وماتخليه ينتظر أكثر من كذا ويحط آمال على هذا الشي.....

أميره / هلا سعوووود..
سعود / هلا أميره كيفك ؟
أميره / أنا بخير..
سعود / وش سويتي بموضوعي ؟
أميره / وش أقولك بس ، ساره انخطبت..
سعود / كيف ؟
أميره / دقيت عليها علشان أكلمها بالموضوع وقالتلي بعد مايطلعون الجماعه بتكلمني ، ويوم سألتها أي جماعه قالت لي أنهم جايين يخطبونها..
سعود / حسافه ، وانا هذا حظي يوم قررت اتزوج البنت اللي ابيها تروح مني..
أميره / لا ياسعود إذا مافي ساره في غيرها..
سعود / يلا الله يوفقها انشالله ، على العموم أنا أتركك ألحين..
أميره / انتبه لنفسك طيب ، ولا تتضايق..
سعود / طيب ، يلا مع السلامه..

********************
وبعد ماطلع بدر وأهله من عند بيت ابو فيصل دق على (خطيبته) ساره ........
بدر / هلا بعمري وقلبي وحياتي وروحي ودنيتي و....
ساره / بس بس بس أدري أني كل هذول وأكثر بعد..
بدر / هههههههه تدرين وش تقول أمي..
ساره / ايش ؟
بدر / تقول عليك ملح وحلا ماشافته عند بنت غيرك..
ساره / بعد عمري أم بدر والله..
بدر / ساره ، مو مصدق انك صرتي لي بروحي..
ساره / أنا لك من زمان ، تصدق آخر مره كلمتك فيها حقدت عليك من قلبي..
بدر / أفااااااااااا..
ساره / وربي طحت من عيني..
بدر / وتقولينها بوجهي ياحرمه..
ساره / هههههههه..
بدر / تسلملي هالضحكه والله ، على العموم أنا ماألومك بذاك اليوم ، بصراحه أول ماقلتيلي الخبر ماعرفت وش أسوي ، كنت مستعد أسوي أي شي إلا اني أخسرك مره ثانيه..
ساره / ياقلبي أنت..
بدر / يلا جهزي نفسك علشان الملكه الإسبوع الجاي..
ساره / لاتوصي حريص..
بدر / أنا أتركك ألحين طيب بروح أجلس مع الوالد شوي..
ساره / طيب ياقلبي ، مع السلامه..


(الجزء الرابع عشر)
مر إسبوع ، وجا يوم ملكة بدر على ساره ، وبالملكه قررو انهم يتزوجون بعد ماتخلص ساره الجامعه ، طبعا أميره أخذت شقه مع سلطان بالرياض لين ماتخلص جامعه ، وبكذا ظلت ريم مع ساره بروحهم بالشقه ، ريم كانت كل يوم تشوف السعاده على وجه ساره وخاصة لما بدر يكلمها ، الدنيا ماتشيلها من الفرحه ، ومن جهة ثانية أميره اللي علاقتها مع زوجها سلطان وحياتهم الزوجيه الكل يحسدهم عليها ، كانت الوحيده بين صديقاتها اللي ماحققت الحلم اللي تحلم فيه كل بنت ، كانت تحلم تحب وتنحب ويوم صار اللي تمنته تخلى عنها اللي كانت متوقعه انه يحبها وباعها بسهوله ، كل شي حولها كان صعب عليها لأنها تعتبر نفسها الفاشله بالشلة ، وبيوم ماقدرت تخبي القهر اللي بداخلها أو انها تكتم عبرتها ، علشان كذا لاشعوريا قامت تبكي على حالها ، وهي بحالها امأساوي شافتها ساره وهي طالعه من الغرفه بعد ماخلصت مكالمتها مع خطيبها بدر.........
ساره / ريم وشفيك تبكين ؟
ريم / مافيني شي..
ساره / ريووومه حبيبتي تكفين قوليلي وش فيك تبكين ؟
ريم / أبكي على حظي..
ساره / ليش وش فيه حظك..
ريم / ساره ودي أتكلم لك بس أخاف انك تلوميني وأنا مو ناقصه..
ساره / أوعدك ماراح ألومك بس قوليلي وش فيك ؟
ريم / أميره تزوجت اللي تحبه ، وانتي بتتزوجين بدر وأكيد انك تحبينه ، وأنا يوم حبيت انخدعت باللي أحبه..
ساره / وش قصدك ريم مافهمت ؟
ريم / ماقصدي شي..
ساره / وشلون حبيتبي وانخدعتي باللي تحبينه ؟
ريم (تحضن ساره) / ساره ، نوف عرفتني على ولد خالتها وحبيته ، ويوم قلتله تزوجني قام يهيني..
ساره / نوف وولد خالتها ، من متى هذا الكلام ؟
ريم / من زمان..
ساره / وليش ماقلتيلي ؟
ريم / كنت أحبه وأكيد كنتي بتهاوشيني لما تعرفين هذا الشي..
ساره / ياريم لو انك قلتيلي ماكنت راح أهاوشك مثل مانتي فاكره ، على العكس راح أنصحك وأوقف معك وأفهمك أشياء يمكن تخفى عليك..
ريم / ياليتني قلتلك بذاك الوقت..
ساره / ريم طلعتي معه ، سوالك شي ؟
ريم / .........
ساره / ريم صارحيني يمكن أساعدك بشي..
ريم / أي طلعت معه كثير..
ساره / وش نوع طلعاتكم ؟
ريم / كنت أقابله بالمطاعم بعدين صرنا نروح لشقق..
ساره / أنتي أكيد مجنونه ، قوليلي سوالك شي ، ضرك بشي ؟
ريم / لاياساره لايروح فكرك لبعيد..
ساره / بس أكيد لمسك صح ؟
ريم / ايه..
ساره / طيب يانوف أنا أوريك..
ريم / ساره ما أبي مشاكل تكفين..
ساره / لاتخافين لامشاكل ولا شي بس أبوريك في الخايسه هذيك..

******************
وفي اليوم الثاني بالجامعه راحت ساره تكلم نوف وتتفاهم معها ، كانت ساره أعصابها هاديه وتكلمها بإسلوب ، بس نوف راحت تستفز ساره وتعايرها بريم وهذا الشي عصب ساره ، ووجهت لنوف صفعه على وجهها ، طبعا الكل كان يناظر الموقف .........
نوف / طيب ياسوير أنا اوريك..
ساره / أعلى مافي خيلك أركبيه..
ريم / ليش سويتي كذا ياساره ؟
ساره / الحقيره طلع خالد هذا مو ولد خالتها ولاهم يحزنون..
ريم / كيف ، أجل وشو ؟
ساره / طلع واحد من ربعها وتماسيحها..
ريم / ساره انا آسفه..
ساره / لا ياريوومه لاتتأسفين كل واحد مننا يغلط ، والحياة تجارب ، بس أوعديني ماتعيدينها، وأي شي يصير لك تخبريني على طول..
ريم / أوعدك..
ساره / يلا نمشي ابي أشتري مويه ريقي نشف من العقرب نوف..

نوف توعدت لساره انها بتنتقم منها على الصفعة اللي جتها قدام البنات وفعلا نفذت تهديدها ، وصل ساره خبر من بعض البنات اللي بالجامعه أن نوف أخذت رقمها وكتبت تحته إسمها الكامل ونشرته بلوتوث بالفيصلية وغيرها من الأماكن العامة ، هذا غير الشباب اللي تعرفهم ، ساره بعدها صارت تجيها أرقام غريبه وتوصلها مسجات من شباب يهددونها فقررت أنها تخلي بدرها يغير لها الرقم .........
ساره / بدر ابي أغير رقمي..
بدر / ليش ؟
ساره / تجيني ازعاجات عليه..
بدر / طيب ، اللي يدق عليك حوليه علي..
ساره / لا يابدر أنا رقمي منتشر عند الكل..
بدر / كيف ؟ وش تقولين ؟
ساره / بدر في بنت تهاوشت معها بالجامعه وبدون شعور صفعتها على وجهها قدام البنات ، وهددتني وقالت اني راح اندم على الصفعه..
بدر / طيب وبعدين..
ساره / البنات يقولن انها أخذت رقمي وكتبت تحته أسمي ونشرته بالبلوتوث وعطته الشباب اللي تعرفهم بعد..
بدر / ومن هذي البنت ، من أهلها علشان أوريك فيها..
ساره / لاياقلبي كل اللي ابيه اني أفصل هذا الرقم وأطلع رقم جديد..
بدر / أكيد بسوي كذا من بكره يجيك رقم جديد ، بس أبي أعرف منهي هذي..
ساره / بدر الله يخليك خلاص ، خل البنت بحالها الله يستر عليها..
بدر / طيب طيب ، بس والله لو أسمعك تصاحبين أشكال كذا ، والله ماتلومين إلا نفسك..
ساره / الله يخليك لي ياقلبي ، بعدين هذي مجرد زميله لي بالجامعه وصار معها سؤ تفاهم..
بدر / خلاص أبيك تقفلين جوالك ألحين وبكره بجيبلك رقم ثاني..
ساره / انشالله..

*******************************************

مر على زواجهم سنه كامله ، كانت خايفه ودايم تفكر لأنها لحد ألحين ماحملت ، نقلت مخاوفها لزوجها وحبيبها وهو بدوره طمنها وأخذها لطبيب نسائي ، ولما قابلو الدكتور قالهم عن سبب تأخر الحمل ، وخبرهم أنهم لو ماتعالجو المشكله راح تتفاقم وتزيد للأسوأ......

سلطان / ليش تبكين ياقلبي ؟؟
أميره / وشلون ليش أبكي ماسمعت الدكتور وش قال ؟
سلطان / ماقال شي ، قال ان البويضات عندك ضعيفه ، ونقدر نسافر ونتعالج برا..
أميره / نسافر ؟
سلطان / أي ياقلبي نسافر ونتعالج ، الدكتور يقول السالفه بسيطه والحمل بعد العلاج مضمون..
أميره / والله ؟
سلطان / أكيد ياقلبي ، أنا من الإسبوع الجاي أحجز تذاكر الطياره على شان نسافر..
أميره / لااااااا خليها بعد زواج ساره..
سلطان / ولايهمك بعد زواج ساره بعد زواج ساره ، انتي تامرين أمر..

*********************


ومرت الأيام وجا يوم زواج ساره ، بهذا اليوم جت زوجة خالها روان من أمريكا علشان تحضره ، كان يوم زواجها مميز لأنه بنفس الوقت إحتفال بتخرجها من الجامعه ، اليوم بنت أم فيصل البكر ، أول حفيدة لأبو عبد العزيز ، حبيبة خالها محمد ، وتوأم روح روان ، والعزيزة عند خالاتها ، وقائد الشله الثلاثيه ، والحضن الدافي ، والصدر الحنون لكل صديقاتها ، وحافظة أسرار اللي حولها ، يوم سعدها هو اليوم ، تزوجت ساره من بدر ، بدر حبيبها اللي كان حلمها الوحيد أنها تتزوجه ، وبكذا تحقق حلمها........

وبصالة الزواج ساره مع صديقاتها وخالاتها بغرفة العروس ، كانت طالبه من الكل يكون حولها بليلتها ، ريم ، أميره ، مشاعل ، مها ، دانه ، أمل ، فاطمه ، شيما ، فوز ، لطيفه ، ندى ، رنا ، نوره بنت عمها ، وروان زوجة خالها ، حتى بيوم زواجها ضحكتها مافارقتها رغم التعب اللي تحسه وبعد ليله كامله ماذاقت فيها طعم النوم ، ابتسامتها كانت مع الكل ، لأن فرحتها بزواجها من بدرها كانت أكبر من كل تعب ممكن تحسه .....
دخلت ساره وأخذت مكانها بالكوشه وكلن عيونه عليها ، أخلاقها ابتسامتها جمالها حيويتها كان حديث كل الحاضرات ، طبعا ساره بزواجها رفضت ان بدرها يدخل الصاله قدام كل الحريم والبنات غيره منها عليه ، ومن جهة ثانيه خايفه من الحسد وخاصة لما يشوفونهم والإنسجام اللي هم فيه والحب اللي يبان من نظراتهم لبعض .....
طبعا قرايب بدر وأصحابه زفوه لبيتهم ، وهناك جلس ينتظر عروسه على أحر من الجمر ، لوما وجود أخوياءه من حوله كان جن من كثر اللهفه لعروسته ، من جهة ثانية ساره جا وقت زفتها ، طلعت من الصاله وركبت سيارة العروس ، كان محمد خالها هو اللي يسوق السياره ومشاعل خالتها المرافق حقها ، وطبعا كانت سيارة العروس كالعادة مثل الملكه والسيارت اللي حولها الحراس ، وتبتدي الزفة بشوارع الدمام ، الأغاني وبواري السيارات ورقص الشباب ، محمد أصر انه يمر على شارع الكورنيش بس ساره كانت رافضه لأنها مستعجله على زوج المستقبل تبي تشوفه ، محمد أقنعها انه يمر على طريق الكورنيش علشان تكون زفتها أكبر زفه بالدمام والكل يشوفها ، ساره وافقت علشان خاطر خالها لأنه فرحان فيها وبزواجها.......
وفعلا مرت الزفه على طريق الكورنيش رغم الزحمه اللي كانت هناك ، ساره أول ماتعدت السياره شارع الكورنيش حست براحه لأنها كانت خايفه من زحمة الشوارع هناك ، والسيارات يمشون بالشوارع كان في مجموعه من الشباب المتهور يراقبون الزفه ، الظاهر ان واحد منهم حب يستعرض عضلاته قدام اللي معه فصار بينهم تحدي على أنه يروح بسيارته وسط الزفه ويفحط ، وفعلا قبل التحدي وطلع بسيارته وهو يفحط بوجه السيارات اللي كانت بمقدمة الزفة ، وهذا الشي خلا الوضع بحالة فوضى ، السيارتين اللي قدام سيارة العروس حاولو أنهم يتحاشو الشاب هذا وانحرفو عن الطريق والسياره اللي جت بوجه سيارة الشاب كانت سيارة العروس ، محمد تفاجأ وماعرف شلون يتفادى سيارة الشاب فركب فوق الدوار اللي بجنبهم وانقلبت السياره وطلعت من الجنب الثاني له ، السياره أخيرا وقفت بعد أربع قلبات ، أما الشاب فصدم برصيف الدوار ، طبعا من قوة الحادث طلعت من السياره بنت بفستان أبيض بس الفستان الأبيض كان يغلب عله لون الدم ، المنظر كان ابشع منه مافي ، الشاب اللي طلع بوجههم طلع من سيارته وراح بجنب سيارة محمد ولما شاف منظر ساره وهي بفسانها الأبيض على الأرض بدون عباة أو شي يغطيها والدم على كل منطقه بجسمها جلس على الأرض منهار ويبكي وحاط يدينه على راسه ، طبعا السيارت كلها كانت مجتمعه على الحادث ، ومجموعه من الشباب اللي كانو بالزفه طلعو محمد ومشاعل من السياره وغطوهم بدون مايدرون أحياء هم او اموات.......
بدر أول مادرى بالخبر راح مسرع لموقع الحادث كانت دموعه على عينه والأنين اللي بداخله كان ظاهر لكل اللي حوله ، هو كان حاط أمل بداخله أن عروسته اللي كانت شوي وتوصل له بخير وماصار فيها غير أشياء بسيطه ، وأول ماوصل لقى سيارة الإسعاف شايله جثتين وهم يقولون الحمد لله لسه ماماتو ، راح لسيارة الاسعاف ومالقى حبيبته بينهم ، التفت لموقع الحادث اللي كانت الشرطه مانعه حد يقترب منه ، لقى جثه مرميه على الأرض ومغطيه ، راح يركض كنه مجنون للجثه الشرطه حاولو يمنعوه بس ماقدرو ، وأول ماقرب للجثة جلس على الأرض وراح يرفع الغطا بشويش ، وكانت صدمته لما لقى ساره حبيبته وزوجته مغطية بالدم ، كانت رغم كل الدم اللي على وجهها وجسمها روعه بالجمال ، الإبتسامه مافارقتها حتى وهي ميته ، كان يبان من ملامحها انها توفت وهي مرتاحه ، ساره فارقت الدنيا هذي بعد ماحققت حلمها الوحيد فيها وهو أنها تتزوج حبها الوحيد بدر........
ونينه كان يذوب القلب من شدة الحزن اللي فيه ، دموعه كانت تنزل على وجهها ، يدينه كانت حاضنه كفوفها وشفايفه كانت تبوسهم ، يكلمها ويعاتبها والآه تطلع من صدره بقهر ، كانت لو يغيب عنها يوم واحد أو ماتسمع صوته تزعل منه وتعاتبه ، وألحين هي خلته بروحه العمر كله ، خلت وحيد بالدنيا هذي كلها ، ليش تخلت عنه ، ليش تخلت عن أحلامهم ، كان حلمهم انهم يجيبون ولد والا بنت يكون بذرة حبهم........

بدر (وهو يبكي بهستيرية) / ساره حبيبتي تكفين ردي علي ، لاتخليني بروحي ، أنا آسف إذا خليتك قبل بس لاتخليني ألحين ، ساره تكفين لاتموتين ، لاتموتين بموتك الدنيا هذي كلها ماتعيش ، ياربي خذ روحي ولاتاخذها ، يارب أموت أنا بس حبيبتي تعيش ، ساره تكفين لاتموتين ، مالي غيرك بهالدنيا ، لاتخليني بروحي ، أحلامنا كلها تنتظرك ، (يمسك يدها) هذي يدك اللي أنسى الدنيا كلها لما تلمسني ، إذا رحتي وشلون أنا أعيش ، ساره الله يخليك ردي علي ، (يمسكها من أكتافها ويهزها) ساره ردي علي ، تكفين لاتروحين مني ، تكفين ياساره أبيك ، محتاج لك ياساره من غيرك يقدر يتحملني ، والله أوعدك ما أجرحك أو أضايقك بس ارجعيلي..
بدر بعدها من كثر مابكى على عروسته الميته انهار واغمي عليه بجنبها ، لان حبيبته ساره بدل ماتنزف له في بيتهم راح تنزف للمقبره ، بدل ما تنام الليله بجنبه على فراشهم ، رقادها اليوم بالكفون ، شلون القدر قاسي ، وشلون الزمن ظالم ، كيف حبهم مستحيل وليش مايصير ممكن ، الدنيا فرقتهم بالبدايه ، وبالنهايه الموت فرقهم ، قلوب تعشق بجنون ، أصدق مشاعر ممكن تنقال ، ساره وبدر ، حب ووفا واخلاص نادر وجوده بهالزمن ، بداية القصه انتهت ، و مشوار الحب وصل لنهايته ، الأحلام اختفت قبل لاتنولد ، والحب فقدها وصار يتيم ، وياليوم ياللي بتجي بدونها انتهي قبل لاتبتدي ، حزن الدنيا كله بعدها ماينتهي......

حيل الله اقوى يالعيون الشقيه .... وش في يدي غير السهر والقصايد..
اشوف حبي ميت في يديه .... واصوغ له بأبيات شعري قلايد..
قالوا توفت وافقتها المنيه .... واصحى ترى اللي مات ماهو بعايد..
الموت حق وخل نفسك قويه .... ياما بهالدنيا تشوف النكايد..
قلت العنا شي مااقدر عليه .... والحزن عندي صار سلم وعوايد..
ماتت وذكراها على البال حيه .... ودموع عيني لاطرتلي شدايد..
حبيتها والحب ماهو خطيه .... عشقتها عشق على العشق زايد..
وافراقها للقلب من غير نيه .... وانا اشهد ان فراق الاحباب كايد..
عفت الهوى عفت الليالي الهنيه .... عفت الغزل حتى منام الوسايد..
كل الليالي عقبها سرمديه .... والا الفرح في دنيتي شي بايد..
والقلب ميت من ممات الوفيه .... مايشحنه حب البنات الجدايد..



بقلم / حصيصه أم قصيصه (حياتكم من غيري سلطة) <<<<<<<<<تكفين عاد مصدقه نفسك يعني

انتهى

طبعا شباب القصة منقولة واتمنا تعجبكم


تقبلوا تحياتي اخوكم

العاشق

شباب القصة طويلة انسخوها واقراوها

الحب الحب الحب الله يعين بس
يسلموو اخوي